Isaías 1:29 - Li Santil hu

²⁹ La̱ex texxuta̱na̱k xban nak xelokꞌoni li ni̱nki cheꞌ ji. Cꞌajoꞌ nak texxuta̱na̱k nak te̱ril lix naꞌaj li utzꞌuꞌuj li quesicꞌ ru re te̱lokꞌoni.

Q'eqchi Bible

²⁹ Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

Isaías 1:29 ပူးပေါင်းရင်းမြစ်များ

Isaías 66:17

Li Ka̱cuaꞌ quixye: —Teꞌsachekꞌ ruheb li tenamit li nequeꞌxsantobresi ribeb ut nequeꞌxkꞌaxtesi ribeb chixlokꞌoninquil li yi̱banbil dios. Nequeꞌxic chi tzoltzo saꞌ xnaꞌajeb li utzꞌuꞌuj chi lokꞌoni̱nc rochbeneb li nequeꞌxtiu lix tibel a̱k ut li chꞌo ut li cꞌaꞌak re ru chi xulil li moco tiꞌecꞌ ta naraj. Jun xiquic nak teꞌsachekꞌ ruheb.

Isaías 65:3

Junelic nequeꞌxchikꞌ injoskꞌil. Nequeꞌmayejac saꞌ eb li naꞌajej li nequeꞌxlokꞌoni cuiꞌ li jalanil dios ut nequeꞌxcꞌat li pom saꞌ xbe̱neb li artal yi̱banbil riqꞌuin xan.

Isaías 57:5

¿Ma ma̱cuaꞌ ta biꞌ la̱ex li nequeba̱nu li moco uxc ta naraj rubeleb li ni̱nki cheꞌ re xlokꞌoninquil le̱ yi̱banbil dios? ¿Ma incꞌaꞌ ta biꞌ nequemayeja le̱ cocꞌal saꞌ eb li ochoch pec ut saꞌ eb li ru takꞌa?

Oseas 4:13

Nequeꞌxic saꞌ li tzu̱l chi mayejac ut aran nequeꞌxcꞌat lix pomeb rubeleb li ni̱nki cheꞌ ji, álamo ut olmo, xban nak naque̱nac cua̱nc rubel lix mu. Xban nak la̱ex nequexcꞌamoc be chiruheb le̱ ralal e̱cꞌajol chixlokꞌoninquil li jalanil dios, joꞌcan nak nequecanabeb le̱ rabin chi yumbe̱tac ut nequecanabeb le̱ ralib chixmuxbal ru lix sumlajiqueb.

Ezequiel 16:63

La̱in tincuy a̱ma̱c. Abanan cua̱nk saꞌ a̱chꞌo̱l li ma̱usilal xaba̱nu ut tatxuta̱na̱k xban. Incꞌaꞌ chic te̱nimobresi e̱rib xban nak texxuta̱na̱k. La̱in li nimajcual Dios quinyehoc re aꞌin.—

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

Oseas 14:8

Eb li ralal xcꞌajol laj Efraín teꞌxye: —¿Cꞌaꞌ chic ru teꞌoc cuiꞌ ke li yi̱banbil dios? Ut la̱in tinsume ut tinye reheb: —La̱in yo̱quin che̱rabinquil ut yo̱quin che̱rilbal. La̱in chanchanin li cheꞌ rax rax ru. La̱in tin-ilok e̱re ut la̱in tin-osobtesi̱nk e̱re re nak ta̱cua̱nk cuiꞌchic nabal cꞌaꞌru e̱re, chaꞌak li Dios reheb.

Oseas 14:3

La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

Ezequiel 36:31

Nak ta̱julticokꞌ e̱re li incꞌaꞌ us xeba̱nu, texxuta̱na̱k xban le̱ ma̱usilal ut xban le̱ ma̱c.

Ezequiel 6:13

Ut teꞌxqꞌue retal nak la̱in li Ka̱cuaꞌ nak teꞌril lix camenakeb saꞌ eb li naꞌajej li cuanqueb cuiꞌ li yi̱banbil dios ut chixjun sutam eb li artal, joꞌ ajcuiꞌ saꞌ eb li naꞌajej najt xteram ut saꞌ eb li tzu̱l, joꞌ ajcuiꞌ rubeleb li ni̱nki cheꞌ ji li queꞌxcꞌat cuiꞌ lix sununquil ban re xlokꞌoninquil lix dioseb.

Jeremías 3:6

Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Isaías 45:16

Abanan chixjunileb li nequeꞌyi̱ban re li jalanil dios sachso̱k xnaꞌleb teꞌcana̱k ut teꞌxuta̱na̱k. Teꞌseꞌe̱k ut teꞌhobekꞌ nak ta̱cꞌutekꞌ xxuta̱neb.

Isaías 31:7

Ta̱cuulak xkꞌehil nak la̱ex te̱tzꞌekta̱na le̱ dios oro ut plata li xeyi̱b riqꞌuin le̱ rukꞌ xban le̱ ma̱usilal.

Isaías 30:22

La̱ex incꞌaꞌ chic te̱raj le̱ yi̱banbil dios li qꞌuebil plata ut oro chirixeb. Te̱tzꞌekta̱naheb joꞌ li mul. Ut te̱ye: —Incꞌaꞌ chic nakaj rilbaleb, chaꞌakex.

Isaías 42:17

Abanan la̱in tincꞌut xxuta̱neb li nequeꞌxcꞌojob xchꞌo̱leb riqꞌuineb li yi̱banbil dios ut nequeꞌxye reheb, “La̱at lin dios.”

Oseas 4:19

Chanchan nak teꞌcꞌamekꞌ yalak bar xban li ikꞌ nak teꞌosokꞌ. Ta̱cuulak xkꞌehil nak teꞌxuta̱nobresi̱k xban lix ma̱usilaleb.