Isaías 1:28 - Li Santil hu

²⁸ Abanan eb laj kꞌetol a̱tin ut eb laj ma̱c teꞌsachekꞌ ruheb. Teꞌosokꞌ chixjunileb li nequeꞌtzꞌekta̱nan cue.

Q'eqchi Bible

²⁸ Ab'an eb' laj q'etoleb' aatin ut eb' laj maak te'xk'ul li raaxiik'; te'kamq chixjunileb' li neke'tz'eqtaanank re li Qaawa'.

Isaías 1:28 ပူးပေါင်းရင်းမြစ်များ

Salmos 1:6

Li Ka̱cuaꞌ Dios na-iloc reheb li ti̱queb xchꞌo̱l, ut li incꞌaꞌ useb xnaꞌleb teꞌsachekꞌ.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Isaías 30:13

La̱ex cuan le̱ ma̱c. Chanchanex jun li tzꞌac najt xteram, jorol. Chi ma̱cꞌaꞌ saꞌ e̱chꞌo̱l ta̱tꞌanekꞌ.

Li xHu LAJ JOB 31:3

¿Ma ma̱cuaꞌ ta biꞌ raj reheb li incꞌaꞌ useb xnaꞌleb li raylal li yo̱quin chixcꞌulbal la̱in?

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Isaías 66:24

Teꞌe̱lk ut teꞌril lix tibeleb li cristian li xeꞌtzꞌekta̱nan cue. Ac camenakeb chic. Eb li motzoꞌ li nequeꞌcꞌuxuc re lix tibel incꞌaꞌ teꞌca̱mk, chi moco ta̱chupk li xam li nacꞌatoc reheb. Cꞌajoꞌak xyibaleb ru ta̱cꞌutu̱nk chiruheb li tenamit, chan li Ka̱cuaꞌ Dios.

Isaías 65:11

Abanan la̱ex li nequextzꞌekta̱nan cue, ra te̱cꞌul joꞌ ajcuiꞌ li nequeꞌtzꞌekta̱nan re lin santil tzu̱l. Ra te̱cꞌul la̱ex li nequemayeja li tzacae̱mk ut li vino chiruheb li yi̱banbil dios Gad ut Mení, lix diosil li biomal.

Isaías 50:11

Abanan che̱junilex la̱ex li nequecꞌu̱b chanru nak te̱camsiheb le̱ ras e̱ri̱tzꞌin texsachekꞌ xban li cꞌaꞌru nequecꞌu̱b ru xba̱nunquil. Li Ka̱cuaꞌ ta̱ba̱nu̱nk re nak texsachekꞌ ut xban li raylal te̱cꞌul tex-osokꞌ.

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Salmos 104:35

Cheꞌisi̱k ta saꞌ ruchichꞌochꞌ eb laj ma̱c ut cheꞌsachekꞌ ta ruheb li incꞌaꞌ useb xnaꞌleb. Aban la̱in tinqꞌue xlokꞌal li Ka̱cuaꞌ chi anchal inchꞌo̱l. Lokꞌoninbil taxak ru li nimajcual Dios.

Salmos 92:9

At Ka̱cuaꞌ, relic chi ya̱l nak teꞌsachekꞌ ruheb li xicꞌ nequeꞌiloc a̱cue. Ut teꞌchaꞌchaꞌi̱k ruheb chixjunileb li nequeꞌxba̱nu ma̱usilal.

Salmos 73:27

Eb li nequeꞌxcanab a̱pa̱banquil teꞌosokꞌ. La̱at ta̱sacheb ru li nequeꞌtzꞌekta̱nan a̱cue.

Salmos 37:38

Abanan li incꞌaꞌ useb xnaꞌleb teꞌsachekꞌ ut teꞌsachekꞌ ajcuiꞌ li ralal xcꞌajol.

Salmos 9:5

La̱at xatkꞌusuc reheb li incꞌaꞌ nequeꞌpa̱ban cha̱cuu. La̱at ajcuiꞌ xatsachoc reheb aꞌan, xban nak incꞌaꞌ useb xnaꞌleb. Xasacheb chi junaj cua ut incꞌaꞌ chic teꞌabi̱k resileb.

Salmos 5:6

La̱at tatsachok reheb li nequeꞌticꞌtiꞌic, ut xicꞌ nacacuil li ani naxcamsi ras ri̱tzꞌin joꞌ ajcuiꞌ eb laj balakꞌ.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

1 Samuel 12:25

Abanan cui yal yo̱kex chixba̱nunquil li incꞌaꞌ us, ta̱sachekꞌ e̱ru ut ta̱sachekꞌ ajcuiꞌ ru le̱ rey, chan laj Samuel.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Isaías 24:20

Ta̱ecꞌa̱nk li ruchichꞌochꞌ. Chanchanak jun li calajenak. Malaj ut chanchanak jun li cab li na-ecꞌasi̱c xban ikꞌ. Li ma̱c li quiba̱nu̱c xnumta saꞌ xbe̱n. Incꞌaꞌ chic ta̱ru̱k ta̱cuacli̱k.

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Isaías 58:2

Cuulaj cuulaj yo̱queb chinsicꞌbal. Nequeꞌraj xnaubal cꞌaꞌru tincuaj teꞌxba̱nu. Chanchaneb jun li tenamit li nequeꞌxba̱nu li us. Chanchan nak incꞌaꞌ xeꞌxkꞌet lin chakꞌrab. Nequeꞌxtzꞌa̱ma chicuu li chakꞌrab li ti̱c. Nequeꞌxye nak nacuulac chiruheb inlokꞌoninquil, chan li Dios.

Isaías 66:17

Li Ka̱cuaꞌ quixye: —Teꞌsachekꞌ ruheb li tenamit li nequeꞌxsantobresi ribeb ut nequeꞌxkꞌaxtesi ribeb chixlokꞌoninquil li yi̱banbil dios. Nequeꞌxic chi tzoltzo saꞌ xnaꞌajeb li utzꞌuꞌuj chi lokꞌoni̱nc rochbeneb li nequeꞌxtiu lix tibel a̱k ut li chꞌo ut li cꞌaꞌak re ru chi xulil li moco tiꞌecꞌ ta naraj. Jun xiquic nak teꞌsachekꞌ ruheb.

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

Jeremías 44:12

La̱in tinsacheb chixjunileb laj Judá li incꞌaꞌ queꞌsacheꞌ ruheb junxil. Tinsacheb chixjunileb li teꞌxqꞌue xchꞌo̱l chi xic chi cua̱nc Egipto. Jun xxiquic, joꞌ li cuanqueb xcuanquil, joꞌ eb li ma̱cꞌaꞌeb xcuanquil, telajeꞌca̱mk aran Egipto. Cuan li teꞌca̱mk saꞌ li ple̱t ut cuan li teꞌca̱mk xban cueꞌej. Xucuajel rilbal li teꞌxcꞌul. Teꞌhobekꞌ ut teꞌmajecua̱k xbaneb li tenamit ut teꞌseꞌe̱k.

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

2 Crónicas 21:10

Abanan eb laj Edom queꞌrisi ajcuiꞌ ribeb rubel xcuanquileb laj Judá toj chalen anakcuan. Joꞌcan ajcuiꞌ li tenamit Libna. Saꞌ ajcuiꞌ li cutan aꞌan queꞌrisi ribeb rubel xcuanquil. Quicꞌulman chi joꞌcan xban nak laj Joram quixtzꞌekta̱na li Ka̱cuaꞌ lix Dioseb lix xeꞌto̱nil yucuaꞌ.

2 Crónicas 28:6

Chiru jun cutan li rey Peka li ralal laj Remalías quixcamsiheb aran Judá jun ciento riqꞌuin junmay mil (120,000) chi soldado cauheb xchꞌo̱l chi pletic. Quicꞌulman chi joꞌcan xban nak eb laj Judá queꞌxtzꞌekta̱na li Ka̱cuaꞌ lix Dioseb lix xeꞌto̱nil yucuaꞌ.

2 Crónicas 28:23

Quixqꞌue xmayej chiruheb lix dioseb laj Damasco li queꞌnumta saꞌ xbe̱neb laj Judá. Ut quixye: —Eb lix reyeb laj Siria queꞌtenkꞌa̱c xbaneb lix dioseb. Joꞌcan nak la̱in tinmayejak chiruheb re nak tineꞌxtenkꞌa ajcuiꞌ la̱in, chan. Abanan xban li ma̱c aꞌan li quixba̱nu laj Acaz, joꞌcan nak qui-isi̱c xcuanquil ut qui-isi̱c ajcuiꞌ xcuanquil chixjunileb laj Judá.

Li xHu LAJ JOB 34:26

Xban nak incꞌaꞌ useb xnaꞌleb, naxqꞌue raylal saꞌ xbe̱neb chiruheb chixjunileb li cristian.

Li xHu LAJ JOB 34:27

Eb aꞌan incꞌaꞌ queꞌabin chiru li Dios. Queꞌxcanab ban xba̱nunquil li cꞌaꞌru naraj.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.