Isaías 1:27 - Li Santil hu

²⁷ Xban inti̱quilal la̱in tincoleb cuiꞌchic li tenamit Sión. La̱in tincolok reheb li teꞌraj cuiꞌchic sukꞌi̱c cuiqꞌuin.

Q'eqchi Bible

²⁷ Xb'aan lintiikilal tinkol Jerusalén jo'wi' eb' li te'raj sutq'iik wik'in.

Isaías 1:27 ပူးပေါင်းရင်းမြစ်များ

Isaías 63:4

Xcuulac xcutanquil nak tinqꞌue re̱kaj li rahobtesi̱nc li queꞌxba̱nu reheb lin tenamit. Xcuulac xkꞌehil nak tincoleb lin tenamit saꞌ rukꞌeb li xicꞌ nequeꞌiloc reheb.

Isaías 62:12

“Santil Tenamit” ta̱yehekꞌ reheb laj Israel ut ta̱yehekꞌ ajcuiꞌ reheb “Colbileb xban li Ka̱cuaꞌ”. Ut li tenamit Jerusalén tixcꞌabaꞌi “Li tenamit li raro, li incꞌaꞌ chic tzꞌekta̱nanbil”.—

Isaías 5:16

Caꞌaj chic li nimajcual Dios ta̱qꞌuehekꞌ xlokꞌal xban nak narakoc a̱tin saꞌ ti̱quilal. Li Ka̱cuaꞌ Dios tixcꞌutbesi lix santilal xban lix ti̱quilal xchꞌo̱l.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Isaías 35:9

Aran ma̱cꞌaꞌak li joskꞌ aj xul ut ma̱cꞌaꞌak li cakcoj. Eb li colbileb teꞌnumekꞌ saꞌ li be aꞌan chi ma̱cꞌaꞌ xcꞌaꞌuxeb.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Isaías 51:4

Chine̱rabi, ex intenamit. Cheqꞌuehak retal li oc cue chixyebal. La̱in tinqꞌue lin chakꞌrab reheb li xni̱nkal ru tenamit. Ut lin ti̱quilal ta̱cutanobresi̱nk reheb li tenamit.

Isaías 52:3

Aꞌan aꞌin li naxye li Ka̱cuaꞌ: —Moco quitojeꞌ ta e̱rix nak quexcꞌameꞌ chi pre̱xil. Joꞌcan ajcuiꞌ la̱in. Moco riqꞌuin ta tumin texincol.—

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Oseas 2:19

Joꞌcaꞌin quixye li Ka̱cuaꞌ reheb lix tenamit: —La̱ex aj Israel, chanchanex li cuixakil. Texincꞌam chi jun aj cua cuiqꞌuin. Texincꞌam saꞌ ti̱quilal ut saꞌ xya̱lal. Junelic texinra ut tincuuxta̱na e̱ru.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.