Isaías 1:26 - Li Santil hu

²⁶ Tinxakabeb cuiꞌchic laj rakol a̱tin joꞌ li queꞌcuan junxil ut tinxakabeb ajcuiꞌ laj qꞌuehol naꞌleb joꞌ li queꞌcuan saꞌ xticlajic. Chi joꞌcan teꞌxye cuiꞌchic e̱re, “Aꞌan li tenamit li ti̱c xchꞌo̱l. Aꞌan li tenamit li cha̱bil,” chaꞌakeb.

Q'eqchi Bible

²⁶ Tink'eheb' aj k'amol eeb'e jo' ke'wank xb'enwa ut eb' laj raqol aatin jo'eb' li ke'wank najter q'e kutan. Toja' naq te'xye aawe: «Xtenamitul li tiikilal» ut «Tiik xch'oolil tenamit».

Isaías 1:26 ပူးပေါင်းရင်းမြစ်များ

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—

Jeremías 33:7

Tebinsukꞌisi cuiꞌchic saꞌ lix tenamiteb laj Judá li queꞌcꞌameꞌ chi pre̱xil joꞌ eb ajcuiꞌ laj Israel. Tebinqꞌue cuiꞌchic chi cua̱nc saꞌ lix tenamiteb joꞌ nak queꞌcuan junxil.

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

Zacarías 8:8

Tebincꞌam cuiꞌchic saꞌ lix naꞌajeb Jerusalén ut aran chic teꞌcua̱nk. Aꞌanakeb lin tenamit ut la̱inak lix Dioseb. La̱in tintakla̱nk saꞌ xbe̱neb saꞌ ti̱quilal ut saꞌ xya̱lal, chan.

Sofonías 3:13

Li joꞌ qꞌuialeb chic li ralal xcꞌajoleb laj Israel li teꞌcana̱k, incꞌaꞌ chic teꞌxba̱nu li ma̱usilal chi moco teꞌticꞌtiꞌik chi moco teꞌbalakꞌi̱nk. Teꞌxchꞌolani ribeb saꞌ xya̱lal. Cꞌojcꞌo̱keb xchꞌo̱l nak teꞌcua̱rk xban nak ma̱ ani chic ta̱chꞌiꞌchꞌiꞌi̱nk reheb ut ma̱cꞌaꞌakeb chic xxiuheb.

Ezequiel 45:8

Li chꞌochꞌ aꞌin re li ta̱takla̱nk saꞌ xbe̱neb laj Israel re nak incꞌaꞌ chic tixrahobtesiheb lin tenamit riqꞌuin xmakꞌbal lix naꞌajeb. Tixcanab ban lix chꞌochꞌeb lix te̱paleb laj Israel aꞌ yal chanru lix qꞌuialeb.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Jeremías 31:23

Li Ka̱cuaꞌ lix Dioseb laj Israel quixye: —La̱in tebincꞌam cuiꞌchic laj Israel saꞌ lix naꞌajeb aran Judá. Nak cua̱nkeb saꞌ lix tenamiteb, teꞌxye, “Li Ka̱cuaꞌ taxak chi-osobtesi̱nk re lix santil tzu̱l li cuan Jerusalén, li santil naꞌajej li nacuan cuiꞌ”.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

Isaías 33:5

Li Ka̱cuaꞌ cuan saꞌ choxa ut kꞌaxal nim lix cuanquil saꞌ xbe̱n chixjunil li cꞌaꞌru cuan. Ut tixqꞌueheb chi cua̱nc saꞌ ti̱quilal ut saꞌ cha̱bilal li cuanqueb Sión.

Isaías 1:21

¿Chanru nak xejal e̱naꞌleb, ex tenamit? Junxil xine̱lokꞌoni ut xexcuan saꞌ ti̱quilal. Abanan anakcuan xine̱tzꞌekta̱na. Chanchanex chic li ixk li naxcꞌayi rib. Anakcuan la̱ex chic aj camsinel.

Números 12:3

Laj Moisés, aꞌan jun cui̱nk kꞌaxal tu̱lan chiruheb chixjunileb li cui̱nk li cuanqueb saꞌ ruchichꞌochꞌ.

Sofonías 3:9

Ta̱cuulak xkꞌehil nak tinjal cuiꞌchic lix naꞌlebeb li tenamit re nak chixjunileb teꞌxqꞌue cuiꞌchic inlokꞌal ut junajakeb chic lix chꞌo̱l chi cꞌanjelac chicuu.

Números 16:15

Riqꞌuin li cꞌaꞌru queꞌxye, queꞌxchikꞌ xjoskꞌil laj Moisés ut quixye re li Ka̱cuaꞌ: —At Ka̱cuaꞌ, ma̱cꞌul taxak lix mayejeb. La̱in ma̱cꞌaꞌ xinmakꞌ chiruheb. La̱in incꞌaꞌ xinmakꞌ lix bu̱r chiruheb chi moco xinba̱nu raylal reheb.—

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Miqueas 4:8

Ut li cuanqueb aran Jerusalén bar cuan cuiꞌ li tzu̱l Sión aꞌanakeb chic li tenamit li kꞌaxal nim xcuanquil chi takla̱nc saꞌ xya̱nkeb chixjunileb joꞌ nak queꞌcuan junxil. Aran ta̱cua̱nk li Ka̱cuaꞌ chixqꞌuebal xcacuil xchꞌo̱leb li ralal xcꞌajol joꞌ nak laj ilol xul nacuan saꞌ li cab najt xteram chirilbaleb lix queto̱mk.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—