Isaías 1:25 - Li Santil hu

²⁵ La̱in tinrakok a̱tin saꞌ e̱be̱n. Ut tincuisi le̱ ma̱usilal joꞌ nak na-isi̱c xtzꞌajnil li plata saꞌ li xam.

Q'eqchi Bible

²⁵ Ok wi' chik we cherahob'tesinkil, texinch'ajob'resi jo' na'uxk re li plaat re risinkil eerik'in leemaa'usilal.

Isaías 1:25 ပူးပေါင်းရင်းမြစ်များ

Malaquías 3:3

Li Ka̱cuaꞌ ta̱risiheb lix ma̱usilaleb laj tij. Chanchan nak naxchunub rib laj yi̱bom plata ut oro. Naxqꞌue saꞌ xam li plata ut li oro re risinquil lix tzꞌajnil. Joꞌcan ajcuiꞌ tixba̱nu li Ka̱cuaꞌ nak ta̱risi lix ma̱usilaleb. Nak ac isinbilak chic lix ma̱usilal li ralal xcꞌajol laj Leví, ta̱ru̱k chic teꞌmayejak chiru li Ka̱cuaꞌ saꞌ ti̱quilal.

Jeremías 9:7

Joꞌcan nak li Ka̱cuaꞌ naxye chi joꞌcaꞌin: —Chanchan nak numsinbil saꞌ xam nak tinqꞌue li raylal saꞌ xbe̱neb re nak teꞌxtau xnaꞌlebeb. Cui incꞌaꞌ tinba̱nu chi joꞌcan, ¿cꞌaꞌ chic ru ta̱ru̱k tinba̱nu reheb re teꞌusa̱k?

Isaías 4:4

Li Ka̱cuaꞌ saꞌ ti̱quilal ta̱rakok a̱tin ut ta̱risiheb lix ma̱usilal li cuanqueb Sión. Tixcuy xma̱queb li queꞌcamsin aran Jerusalén.

Isaías 1:22

Junxil chanchanex li cha̱bil plata nak xexcuan. Abanan xban nak incꞌaꞌ us le̱ naꞌleb, chanchanex chic lix tzꞌajnil li plata. Chanchanex li cha̱bil vino nak xexcuan, abanan anakcuan chanchanex chic li vino li junajinbil haꞌ chi saꞌ.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Ezequiel 22:22

La̱ex li cuanquex Jerusalén, ta̱rakekꞌ a̱tin saꞌ e̱be̱n re nak ta̱e̱lk li incꞌaꞌ us saꞌ e̱ya̱nk, joꞌ nak nahaꞌoꞌ li plata saꞌ li xam. Riqꞌuin aꞌin te̱qꞌue retal nak la̱in li nimajcual Dios xinqꞌuehoc e̱re chixtojbal rix e̱ma̱c xban nak yo̱ injoskꞌil saꞌ e̱be̱n.—

Ezequiel 20:38

La̱in tincuisiheb saꞌ e̱ya̱nk li incꞌaꞌ nequeꞌraj abi̱nc chicuu, li nequeꞌxkꞌetkꞌeti ribeb ut nequeꞌxba̱nu li ma̱usilal. Tincuisiheb saꞌ eb li naꞌajej li cuanqueb cuiꞌ anakcuan. Abanan incꞌaꞌ tincanabeb chi oc saꞌ le̱ naꞌaj la̱ex aj Israel. Riqꞌuin aꞌan te̱qꞌue retal nak la̱in li Ka̱cuaꞌ.

Jeremías 6:29

Usta kꞌaxal ra xeꞌxcꞌul, abanan incꞌaꞌ nequeꞌraj xcanabanquil li ma̱usilal. Chanchaneb li chꞌi̱chꞌ. Usta kꞌaxal tik li xam re risinquil lix tzꞌajnil li chꞌi̱chꞌ, abanan ma̱cꞌaꞌ rajbal li xam cui lix tzꞌajnil li chꞌi̱chꞌ incꞌaꞌ na-el.

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

San Mateo 3:12

Ac cuan chak saꞌ rukꞌ lix cꞌanjeleba̱l. Ut ta̱rapu ru chi us li riyajil li trigo ut tixchꞌutub lix trigo saꞌ lix cꞌu̱leba̱l ut li rix tixcꞌat saꞌ li xam li ma̱ jaruj nachup, chan laj Juan.

Ezequiel 22:20

Xban nak yo̱ injoskꞌil saꞌ e̱be̱n, joꞌcan nak la̱in texinchꞌutub ut tinrakok a̱tin saꞌ e̱be̱n. Chanchan nak nequeꞌxchꞌutub li plata, li cobre, li hierro ut li plomo joꞌ ajcuiꞌ li kꞌan chꞌi̱chꞌ ut nequeꞌxqꞌue saꞌ li tikcual xam re nak ta̱haꞌokꞌ.

Deuteronomio 32:43

La̱ex li xni̱nkal ru tenamit, te̱qꞌue xlokꞌal lix tenamit li Ka̱cuaꞌ xban nak li Ka̱cuaꞌ tixsach ruheb li xicꞌ nequeꞌiloc reheb. Li Ka̱cuaꞌ tixqꞌue re̱kaj reheb li queꞌcamsin reheb lix tenamit, abanan tixcuy xma̱queb lix tenamit ut ta̱risi li ma̱usilal saꞌ lix naꞌajeb.

Salmos 119:119

Nacasacheb ru li incꞌaꞌ useb xnaꞌleb xban nak chanchaneb li mul cha̱cuu. Joꞌcan nak la̱in ninra la̱ chakꞌrab.

Isaías 27:9

Li Dios tixcuy xma̱queb laj Israel nak telajeꞌxjuqꞌui chixjunil li artal li nequeꞌlokꞌoni̱c cuiꞌ li jalanil dios. Tixcuy xma̱queb nak ma̱cꞌaꞌak chic li yi̱banbil dios xAsera, chi moco li naꞌajej li nacꞌatman cuiꞌ li pom.

Ezequiel 22:19

Joꞌcan nak la̱in li nimajcual Dios ninye: Xban nak ma̱cꞌaꞌ chic nequex-oc cuiꞌ, joꞌcan nak la̱in texinchꞌutub aran Jerusalén.

Jeremías 9:6

Cꞌajoꞌ li rahobtesi̱c nequeꞌxba̱nu. Xban nak xnumta li balakꞌic nequeꞌxba̱nu, joꞌcan nak incꞌaꞌ chic nequeꞌraj xpa̱banquil nak la̱in li Dios.—