Isaías 1:21 - Li Santil hu

²¹ ¿Chanru nak xejal e̱naꞌleb, ex tenamit? Junxil xine̱lokꞌoni ut xexcuan saꞌ ti̱quilal. Abanan anakcuan xine̱tzꞌekta̱na. Chanchanex chic li ixk li naxcꞌayi rib. Anakcuan la̱ex chic aj camsinel.

Q'eqchi Bible

²¹ Li tenamit li kiwank sa' tiikilal junxil k'ajo' naq xmux rib', kama' junaq aj yumb'eet! Q'axal tiik xch'ooleb' laj Jerusalén naq ke'wank, ab'an anaqwan junes aj kamsineleb' ras riitz'in aj chik.

Isaías 1:21 ပူးပေါင်းရင်းမြစ်များ

Apocalipsis 11:8

Li camenak teꞌcana̱k chi tꞌantꞌo saꞌ eb li be re li nimla tenamit bar quicamsi̱c cuiꞌ chiru cruz li Ka̱cuaꞌ Jesucristo. Cuan nak nequeꞌxjuntakꞌe̱ta li tenamit aꞌan riqꞌuineb li tenamit Sodoma ut Egipto xban li ma̱usilal queꞌxba̱nu.

Apocalipsis 11:2

Abanan ma̱bis li neba̱l li cuan chiru lix templo li Dios xban nak aꞌan kꞌaxtesinbil reheb li ma̱cuaꞌeb aj judío. Eb aꞌan teꞌxmux ru li santil tenamit chiru oxib chihab riqꞌuin media (42 po).

Hebreos 12:22

Abanan la̱ex incꞌaꞌ xeba̱nu joꞌ queꞌxba̱nu eb laj Israel. Nak la̱ex nequepa̱b li Cristo, chanchan nak ac xexjiloc riqꞌuin li tzu̱l Sión. Sión naraj naxye li santil choxa cuan cuiꞌ li yoꞌyo̱quil Dios. Acꞌ Jerusalén nayeman ajcuiꞌ re li naꞌajej aꞌan. Aran cuanqueb li qꞌuila okꞌob chi ángel. Yo̱queb chixlokꞌoninquil li Dios.

Hechos 7:52

¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

San Lucas 13:34

Ex aj Jerusalén, la̱ex nequecamsiheb li profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—

Oseas 11:12

—Eb li ralal xcꞌajol laj Efraín junes ticꞌtiꞌic nequeꞌxba̱nu chicuu. Ut eb laj Israel junes balakꞌic nequeꞌxba̱nu. Ut eb laj Judá queꞌxkꞌetkꞌeti ribeb chicuu la̱in li tzꞌakal Dios ut yo̱queb chixqꞌuebal xlokꞌal li yi̱banbil dios.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Isaías 48:2

Abanan nequenimobresi e̱rib ut nequeye nak li Santil Tenamit, aꞌan le̱ tenamit la̱ex. Ut nequeye nak cau e̱chꞌo̱l riqꞌuin lix Dioseb laj Israel, li Ka̱cuaꞌ li nimajcual Dios xcꞌabaꞌ.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Salmos 48:8

La̱o quikabi nak li Ka̱cuaꞌ Dios li kꞌaxal nim xcuanquil, aꞌan li nacoloc re lix tenamit. Ut anakcuan xkil nak naxba̱nu li cꞌaꞌru quiyeheꞌ ke. Li Ka̱cuaꞌ ta̱colok re lix tenamit chi junelic.

Salmos 48:1

Kꞌaxal nim lix cuanquil li Ka̱cuaꞌ ut xcꞌulub nak teꞌxqꞌue lix lokꞌal saꞌ lix tenamit li kaDios ut saꞌ li santil tzu̱l Sión xcꞌabaꞌ.

Salmos 46:4

Li rusilal li Dios cuan saꞌ xbe̱neb li ralal xcꞌajol. Aꞌan chanchan li nimaꞌ li naxqꞌue xsahil xchꞌo̱l lix santil tenamit li nimajcual Dios, li cuan cuiꞌ lix santil naꞌaj.

Nehemías 11:1

Eb li nequeꞌtaklan saꞌ xya̱nkeb laj Israel queꞌcana chi cua̱nc saꞌ li santil tenamit Jerusalén. Ut li joꞌ qꞌuial chic queꞌbu̱lic re rilbal ani na reheb teꞌcana̱k chi cua̱nc aran Jerusalén. Ju̱nk cabal saꞌ xya̱nk li laje̱tk cabal queꞌcana aran ut eb li bele̱tk cabal chic queꞌco̱eb chi cua̱nc saꞌ eb li tenamit li cuanqueb xcue̱nt Jerusalén.

2 Crónicas 19:9

Ut quixye reheb: —Tento nak te̱xucua ru li Ka̱cuaꞌ ut texcꞌanjelak saꞌ ti̱quilal ut chi anchal e̱chꞌo̱l.

2 Samuel 8:15

Laj David quicuan chokꞌ xreyeb laj Israel ut junelic quitaklan saꞌ xya̱lal ut saꞌ ti̱quilal saꞌ xbe̱neb chixjunileb lix tenamit.

Apocalipsis 17:1

Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Isaías 1:22

Junxil chanchanex li cha̱bil plata nak xexcuan. Abanan xban nak incꞌaꞌ us le̱ naꞌleb, chanchanex chic lix tzꞌajnil li plata. Chanchanex li cha̱bil vino nak xexcuan, abanan anakcuan chanchanex chic li vino li junajinbil haꞌ chi saꞌ.

Isaías 59:3

Xetzꞌajni le̱ rukꞌ riqꞌuin xcamsinquil le̱ ras e̱ri̱tzꞌin ut xemux e̱rib xban li ma̱usilal xeba̱nu. Junes ticꞌtiꞌic nequeba̱nu ut junes yibru aj a̱tin nequeye.

Isaías 59:14

Incꞌaꞌ chic narakeꞌ a̱tin saꞌ xya̱lal. Nakatzꞌekta̱na li ti̱quilal. Chi moco saꞌ eb li naꞌajej li nequeꞌrakoc cuiꞌ a̱tin naru nequeꞌxba̱nu saꞌ ti̱quilal. Ma̱cꞌaꞌ chic nequeꞌxba̱nu saꞌ xya̱lal.

Isaías 59:15

Ma̱cꞌaꞌ chic ti̱quilal. Li ani naraj cua̱nc saꞌ ti̱quilal, nequeꞌxba̱nu raylal re. Li Ka̱cuaꞌ incꞌaꞌ quicuulac chiru li cꞌaꞌru queꞌxba̱nu xban nak incꞌaꞌ chic nequeꞌcuan saꞌ ti̱quilal.

Oseas 2:5

xban nak eb aꞌan ralal xcꞌajol li ixk li incꞌaꞌ naxuta̱nac xba̱nunquil li ma̱usilal. Li ixk aꞌan quixye: —La̱in tinxic riqꞌuineb li cui̱nk li nequeꞌqꞌuehoc cue lin cua cuucꞌa, li nequeꞌqꞌuehoc cue li cha̱bil tꞌicr lana ut lino joꞌ ajcuiꞌ li vino ut li aceite olivo, chan.

Habacuc 1:4

Li chakꞌrab nacana chi ma̱cꞌaꞌ chic xcuanquil. Nak nequeꞌrakoc a̱tin, incꞌaꞌ nequeꞌxba̱nu saꞌ xya̱lal. Li nequeꞌba̱nun ma̱usilal, nequeꞌnumta saꞌ xbe̱neb li ti̱queb xchꞌo̱l ut incꞌaꞌ nequeꞌrakoc a̱tin saꞌ ti̱quilal, chan laj Habacuc.

Isaías 26:10

Usta la̱at ta̱cuil xtokꞌoba̱l ruheb li incꞌaꞌ useb xnaꞌleb, eb aꞌan ma̱ jokꞌe teꞌxtau ru. Incꞌaꞌ teꞌraj cua̱nc saꞌ ti̱quilal. Usta cuanqueb saꞌ junak naꞌajej bar nacatlokꞌoni̱c cuiꞌ, eb aꞌan junelic teꞌxba̱nu li ma̱usilal xban nak incꞌaꞌ nequeꞌxqꞌue retal la̱ cuanquilal.