Isaías 1:20 - Li Santil hu

²⁰ Abanan cui nequekꞌet li cua̱tin li yo̱quin chixyebal e̱re, camsinbil nak tex-osokꞌ. Ma̱cꞌaꞌ chic xjalenquil. La̱in li Ka̱cuaꞌ li xinyehoc e̱re aꞌin, chan li Dios.

Q'eqchi Bible

²⁰ ab'an wi toj q'etq'etex, ch'olch'o naq texkamq chi ch'iich'. Laa'in li Qaawa' xinyehok eere a'in”.

Isaías 1:20 ပူးပေါင်းရင်းမြစ်များ

Isaías 65:12

Joꞌcan nak la̱in xinteneb ca̱mc saꞌ e̱be̱n. Texinqꞌue chi camsi̱c chi chꞌi̱chꞌ xban nak quexinbok ut incꞌaꞌ quine̱chakꞌbe. Nak quexcua̱tina incꞌaꞌ quine̱rabi. Queba̱nu ban li incꞌaꞌ us chicuu. Queba̱nu li incꞌaꞌ nacuulac chicuu.

Isaías 58:14

Cui te̱qꞌue xlokꞌal lin hiloba̱l cutan, la̱in tinqꞌue xsahil e̱chꞌo̱l. Ta̱qꞌuehekꞌ e̱lokꞌal yalak bar saꞌ ruchichꞌochꞌ saꞌ incꞌabaꞌ la̱in. Ut ta̱sahokꞌ saꞌ e̱chꞌo̱l saꞌ li naꞌajej li quinqꞌue re laj Jacob le̱ xeꞌto̱nil yucuaꞌ. La̱in li Ka̱cuaꞌ xinyehoc re aꞌin, chan li Dios.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Isaías 3:25

Eb li cui̱nk teꞌcamsi̱k xban nak ma̱cꞌaꞌak chic xmetzꞌe̱uheb saꞌ eb li ple̱t.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Miqueas 4:4

Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

1 Samuel 12:25

Abanan cui yal yo̱kex chixba̱nunquil li incꞌaꞌ us, ta̱sachekꞌ e̱ru ut ta̱sachekꞌ ajcuiꞌ ru le̱ rey, chan laj Samuel.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

1 Samuel 15:29

Li Ka̱cuaꞌ Dios, aꞌan lix lokꞌaleb laj Israel. Aꞌan incꞌaꞌ naticꞌtiꞌic, chi moco naxjal xcꞌaꞌux. Li Dios, aꞌan ma̱cuaꞌ yal cui̱nk re nak tixjal xcꞌaꞌux, chan.

1 Samuel 12:15

Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

Isaías 8:6

—Eb li tenamit aꞌin queꞌxtzꞌekta̱na li nimaꞌ Siloé, li tuktu ru ut queꞌxcꞌojob xchꞌo̱leb riqꞌuin laj Rezín ut riqꞌuin laj Peka li ralal laj Remalías.

Isaías 34:16

Sicꞌomak saꞌ li hu li tzꞌi̱banbil cuiꞌ li cꞌaꞌru quixye li Dios ut te̱ril xsaꞌ re nak te̱qꞌue retal ma cuan junak quipaltoꞌ. Eb li xul aꞌin queꞌcuan saꞌ li naꞌajej aꞌan joꞌ quixye li Dios. Junju̱nk tux ut junju̱nk tzoꞌ xban nak lix musikꞌ, aꞌan li quichꞌutuban reheb.

Jeremías 4:17

Ut teꞌxsut rix li tenamit Jerusalén. Chanchanakeb li cui̱nk li nequeꞌcꞌacꞌalen re lix naꞌajeb li racui̱mk. Jerusalén ta̱sutekꞌ xban nak queꞌxkꞌetkꞌeti ribeb chiru li Ka̱cuaꞌ.

Jeremías 17:27

Abanan cui la̱ex incꞌaꞌ te̱ba̱nu li cꞌaꞌru ninye ut cui incꞌaꞌ nequeqꞌue xlokꞌal li hiloba̱l cutan, ut cui nequerocsi le̱ ri̱k saꞌ li hiloba̱l cutan saꞌ eb li oqueba̱l re Jerusalén, la̱in tinsach ruheb li oqueba̱l ut eb li palacio li cuanqueb Jerusalén. Tincꞌateb ut ma̱ ani ta̱ru̱k ta̱chupuk re li xam li tinsach cuiꞌ,” chan li Dios.

Jeremías 21:8

Ut ta̱ye ajcuiꞌ reheb li tenamit nak la̱in li Ka̱cuaꞌ ninye chi joꞌcaꞌin: La̱in texincanab re te̱sicꞌ li cꞌaꞌru te̱raj xba̱nunquil. ¿Ma te̱raj ca̱mc malaj ut toj te̱raj cua̱nc chi yoꞌyo?

Jeremías 26:4

Ta̱ye reheb: Aꞌan aꞌin li naxye li Ka̱cuaꞌ. Cui incꞌaꞌ tex-abi̱nk chicuu ut cui incꞌaꞌ te̱ba̱nu li cꞌaꞌru naxye lin chakꞌrab li quinqꞌue e̱re, la̱in texinqꞌue chixtojbal le̱ ma̱c.

Jeremías 46:14

Yehomak resil saꞌ eb li tenamit Egipto. Yehomak resil aran Migdol, Menfis, ut Tafnes. Yehomak reheb: Xaklinkex chi cau saꞌ le̱ naꞌaj ut cauresihomak e̱rib chi pletic xban nak yo̱queb chi osocꞌ saꞌ li ple̱t li cuanqueb che̱jun sutam.

Éxodo 9:2

Ut cui incꞌaꞌ nacacanabeb chi xic ut yo̱cat chixbaybaleb chi xic,

Levítico 26:25

La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Li xHu LAJ JOB 36:12

Abanan, cui eb aꞌan incꞌaꞌ nequeꞌxba̱nu li cꞌaꞌru naxye li Dios, teꞌosokꞌ. Teꞌca̱mk chi incꞌaꞌ teꞌxqꞌue retal cꞌaꞌru naraj li Dios.