Isaías 1:2 - Li Santil hu

² Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.

Q'eqchi Bible

² Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

Isaías 1:2 ပူးပေါင်းရင်းမြစ်များ

Deuteronomio 32:1

Cherabihak la̱ex li cuanquex saꞌ choxa, li cꞌaꞌru tinye. Cherabihak la̱ex li cuanquex saꞌ ruchichꞌochꞌ, li cꞌaꞌru tinye riqꞌuin xtzꞌu̱mal cue.

Deuteronomio 30:19

Chiru li choxa ut chiru li ruchichꞌochꞌ ninye e̱re nak te̱sicꞌ ru li cꞌaꞌru te̱raj. ¿Ma te̱raj le̱ yuꞌam malaj ut te̱raj li ca̱mc? ¿Ma te̱raj te̱cꞌul le̱ rosobtesinquil malaj ut te̱raj le̱ tzꞌekta̱nanquil? Sicꞌomak ru li yuꞌam re nak yoꞌyo̱kex ut yoꞌyo̱keb ajcuiꞌ le̱ ralal e̱cꞌajol.

Miqueas 1:2

Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Salmos 50:4

Toj saꞌ choxa tixbokeb li cuanqueb saꞌ ruchichꞌochꞌ joꞌ ajcuiꞌ li cuanqueb saꞌ choxa re nak chixjunileb teꞌilok re nak ta̱rakok a̱tin saꞌ xbe̱neb lix tenamit.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Miqueas 3:8

Abanan la̱in cuan lix musikꞌ li Ka̱cuaꞌ cuiqꞌuin. Ut aꞌan naqꞌuehoc incuanquil. Aꞌan nacꞌutuc chicuu cꞌaꞌru li ti̱quilal ut aꞌan li naqꞌuehoc xcacuil inchꞌo̱l re nak tinye reheb laj Israel li ralal xcꞌajol laj Jacob nak yo̱queb chixtzꞌekta̱nanquil li Dios. Ut naxqꞌue ajcuiꞌ xcacuil inchꞌo̱l re nak tinye reheb nak cuan xma̱queb.

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Ezequiel 36:4

Joꞌcan nak te̱rabi li cꞌaꞌru tinye la̱in li nimajcual Dios chirixeb li tzu̱l ut eb li nimaꞌ ut eb li ru takꞌa li ma̱cꞌaꞌ chic cuan chi saꞌ. Te̱rabi li cꞌaꞌru tinye chirixeb li tenamit li poꞌinbileb ru, li qui-elkꞌa̱c cꞌaꞌru reheb ut chirixeb li queꞌqꞌueheꞌ chi hobecꞌ ut chi seꞌe̱c xbaneb li xni̱nkal ru tenamit li cuanqueb chixjun sutam.

Jeremías 22:29

La̱ex aj Jerusalén, la̱ex aj Judá, la̱ex li cuanquex saꞌ li chꞌochꞌ aꞌin, abihomak li ra̱tin li Ka̱cuaꞌ.

Jeremías 6:19

Abihomak la̱ex li cuanquex saꞌ ruchichꞌochꞌ. La̱in tinqꞌue li raylal saꞌ xbe̱neb lin tenamit xban li ma̱usilal queꞌxba̱nu. Incꞌaꞌ queꞌabin chicuu, ut queꞌxkꞌet li chakꞌrab quinqꞌue reheb.

Isaías 65:2

La̱in junelic xinqꞌue inchꞌo̱l re xtenkꞌanquileb lin tenamit. Abanan eb aꞌan xeꞌxkꞌetkꞌeti ribeb chicuu. Ut nequeꞌxba̱nu li incꞌaꞌ us li nequeꞌraj eb aꞌan.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Isaías 30:1

Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Jeremías 31:9

Yo̱keb chi tijoc ut yo̱keb chi ya̱bac nak yo̱keb chi sukꞌi̱c. Tincꞌameb chireheb li rok haꞌ saꞌ li be ti̱c ru. Ut incꞌaꞌ teꞌxtich li rokeb. Tinba̱nu chi joꞌcan xban nak la̱in lix yucuaꞌeb laj Israel ut laj Efraín, aꞌan li xbe̱n cualal.

Jeremías 13:15

Laj Jeremías quixye reheb li tenamit: —La̱ex aj Israel, li Ka̱cuaꞌ yo̱ chika̱tinanquil. Abihomak li cꞌaꞌru yo̱ chixyebal ut qꞌuehomak retal. Me̱kꞌetkꞌeti e̱rib chiru.

Deuteronomio 1:31

Ut queril chanru nak li Ka̱cuaꞌ quextenkꞌa nak cuanquex saꞌ li chaki chꞌochꞌ. Chanchan nak quexkꞌalu joꞌ jun li yucuaꞌbej naxkꞌalu li ralal. Ut quicꞌamoc be che̱ru toj chalen nak quexcꞌulun saꞌ li naꞌajej aꞌin.

Hechos 4:20

La̱o incꞌaꞌ naru takacanab xyebal resil li cꞌaꞌru xkil ut xkabi, chanqueb.

Salmos 49:1

La̱ex tenamit, abihomak chi us li oc cue xyebal e̱re. Abihomak che̱junilex li cuanquex saꞌ ruchichꞌochꞌ.

Isaías 31:6

La̱ex aj Israel, xexma̱cob chicuu ut xekꞌet li cua̱tin. Abanan sukꞌinkex cuiqꞌuin.

Isaías 34:1

Quimkex la̱ex li cuanquex saꞌ eb li xni̱nkal ru tenamit, ut chꞌutubomak e̱rib chirabinquil li oc cue chixyebal. Ex tenamit checanabak e̱rib chixqꞌuebal retal li tinye e̱re. Cherabihak che̱junilex la̱ex li cuanquex saꞌ ruchichꞌochꞌ ut cheqꞌuehak retal.

Isaías 63:16

At Ka̱cuaꞌ, la̱at li kayucuaꞌ usta laj Abraham ut laj Israel (Jacob) incꞌaꞌ queꞌxnau ku. La̱at li kayucuaꞌ. Ut la̱at laj Colol ke chalen chak najter.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Ezequiel 24:3

Tat-a̱tinak riqꞌuineb laj Israel laj kꞌetoleb a̱tin. Ta̱ye reheb li jaljo̱quil ru a̱tin aꞌin. Joꞌcaꞌin xye li nimajcual Dios: Qꞌuehomak li ucꞌal saꞌ xam ut qꞌuehomak haꞌ chi saꞌ.

2 Reyes 21:22

Quixtzꞌekta̱na li Ka̱cuaꞌ, lix Dioseb lix xeꞌto̱nil yucuaꞌ. Ut quixkꞌet li chakꞌrab li quiqꞌueheꞌ reheb xban li Ka̱cuaꞌ.

Miqueas 1:1

Li Ka̱cuaꞌ quia̱tinac riqꞌuin laj Miqueas aj Moreset ut quixcꞌutbesi chiru cꞌaꞌru teꞌxcꞌul eb li tenamit Samaria ut Jerusalén. Aꞌin quicꞌulman saꞌ eb li cutan nak queꞌcuan chokꞌ xreyeb laj Judá laj Jotam ut laj Acaz ut laj Ezequías.