Isaías 1:19 - Li Santil hu

¹⁹ Cui tixcꞌul e̱chꞌo̱l xba̱nunquil li cꞌaꞌru ninye e̱re, te̱tzaca li ru li acui̱mk li na-el saꞌ li chꞌochꞌ.

Q'eqchi Bible

¹⁹ Wi nikineepaab', teetzeka li chaab'il eechej na'elk sa' li ch'och';

Isaías 1:19 ပူးပေါင်းရင်းမြစ်များ

Isaías 3:10

Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Joel 2:26

La̱ex textzaca̱nk toj retal ta̱cꞌojla̱k e̱chꞌo̱l. Ut te̱qꞌue xlokꞌal lin cꞌabaꞌ, la̱in li nimajcual Dios. Sachba chꞌo̱lej xinba̱nu re e̱colbal ut incꞌaꞌ chic texinqꞌue chi hobecꞌ.

Hebreos 5:9

Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

Deuteronomio 28:1

Cui la̱ex tex-abi̱nk chiru li Ka̱cuaꞌ ut te̱ba̱nu chi anchal e̱chꞌo̱l li cꞌaꞌru naxye ut cui te̱ba̱nu lix chakꞌrab li yo̱quin chixyebal e̱re anakcuan, kꞌaxal cuiꞌchic tixnimobresi le̱ cuanquil saꞌ xya̱nkeb chixjunileb li tenamit saꞌ ruchichꞌochꞌ.

Isaías 25:6

Saꞌ li tzu̱l Sión li Ka̱cuaꞌ li nimajcual Dios tixba̱nu jun li ninkꞌe re chixjunileb li xni̱nkal ru tenamit. Teꞌxtzaca li cha̱bil tzacae̱mk ut teꞌrucꞌ li cha̱bil vino.

Isaías 65:13

Li Ka̱cuaꞌ li nimajcual Dios quixye: —Eb li nequeꞌcꞌanjelac chicuu cua̱nk xcuaheb, abanan la̱ex li nequexkꞌetoc li cua̱tin te̱cuy e̱saꞌ. Eb li nequeꞌcꞌanjelac chicuu cua̱nk rucꞌaheb, abanan la̱ex te̱cuy e̱chaki el. Eb li nequeꞌcꞌanjelac chicuu teꞌsahokꞌ saꞌ xchꞌo̱leb, abanan la̱ex li nequeba̱nu li incꞌaꞌ us, ta̱cꞌutekꞌ e̱xuta̱n.

Jeremías 7:5

Jalomak le̱ cꞌaꞌux ut canabomak xba̱nunquil li incꞌaꞌ us, ut cua̱nkex saꞌ ti̱quilal riqꞌuineb le̱ ras e̱ri̱tzꞌin.

Jeremías 21:8

Ut ta̱ye ajcuiꞌ reheb li tenamit nak la̱in li Ka̱cuaꞌ ninye chi joꞌcaꞌin: La̱in texincanab re te̱sicꞌ li cꞌaꞌru te̱raj xba̱nunquil. ¿Ma te̱raj ca̱mc malaj ut toj te̱raj cua̱nc chi yoꞌyo?

Hageo 1:12

Li profeta Hageo quixye reheb chixjunil li quiyeheꞌ re xban li Dios. Nak queꞌrabi li cꞌaꞌru quixye, laj Zorobabel li ralal laj Salatiel ut laj Josué li xbe̱nil aj tij, li ralal laj Josadac, joꞌqueb ajcuiꞌ chixjunileb li tenamit, queꞌxxucua ru li Ka̱cuaꞌ lix Dioseb. Ut queꞌxba̱nu li quixye.

Levítico 25:19

Ta̱e̱lk chi us li acui̱mk saꞌ le̱ chꞌochꞌ ut ta̱cua̱nk chi nabal le̱ tzacae̱mk. Ut texcua̱nk chi tuktu le̱ chꞌo̱l saꞌ li naꞌajej aꞌin.

Levítico 26:3

Cui te̱ba̱nu li cꞌaꞌru naxye saꞌ li chakꞌrab li xinqꞌue e̱re, ut cui te̱ba̱nu li cꞌaꞌru xinye e̱re,

Levítico 26:5

Nabal li ru li trigo tixqꞌue. Toj yo̱kex ajcuiꞌ chixsicꞌbal nak ta̱cuulak xkꞌehil xsicꞌbal ru li uvas. Ut nabal ru li uvas tixqꞌue. Toj ma̱ji ajcuiꞌ nequechoy xsicꞌbal ru li uvas nak ta̱cuulak xkꞌehil li a̱uc. Textzaca̱nk chi us toj retal ta̱cꞌojla̱k e̱chꞌo̱l. Sahak saꞌ le̱ chꞌo̱l ut cua̱nkex saꞌ xya̱lal saꞌ le̱ naꞌaj.

Isaías 58:14

Cui te̱qꞌue xlokꞌal lin hiloba̱l cutan, la̱in tinqꞌue xsahil e̱chꞌo̱l. Ta̱qꞌuehekꞌ e̱lokꞌal yalak bar saꞌ ruchichꞌochꞌ saꞌ incꞌabaꞌ la̱in. Ut ta̱sahokꞌ saꞌ e̱chꞌo̱l saꞌ li naꞌajej li quinqꞌue re laj Jacob le̱ xeꞌto̱nil yucuaꞌ. La̱in li Ka̱cuaꞌ xinyehoc re aꞌin, chan li Dios.

Jeremías 7:3

Joꞌcaꞌin xye e̱re li nimajcual Dios, lix Dioseb laj Israel: “Jalomak le̱ cꞌaꞌux ut jalomak le̱ naꞌleb re nak naru texincanab chi cua̱nc saꞌ li naꞌajej aꞌin.

Jeremías 7:7

Cui te̱canab xba̱nunquil li ma̱usilal, texincanab chi cua̱nc saꞌ li naꞌajej aꞌin li quinqꞌue chi junaj cua reheb le̱ xeꞌto̱nil yucuaꞌ.