Isaías 1:18 - Li Santil hu

¹⁸ Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Q'eqchi Bible

¹⁸ “Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Isaías 1:18 ပူးပေါင်းရင်းမြစ်များ

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Salmos 51:7

Chati̱cobresi taxak inchꞌo̱l re nak ma̱cꞌaꞌak chic inma̱c. Isi li ma̱c li cuan saꞌ li cua̱m re nak ta̱cana̱k chi sak ru joꞌ li ratzꞌam que.

Isaías 41:21

Quimkex la̱ex li yi̱banbil dios. A̱tinankex re xcolbal e̱rib. Cha̱lkex, ut cꞌutumak chicuu li cꞌaꞌru xeba̱nu, chan li Ka̱cuaꞌ lix Dioseb laj Israel.

Isaías 41:1

Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Romanos 5:20

Li chakꞌrab quiqꞌueheꞌ re xcꞌutbal nak numtajenak li ma̱c. Ut nak quinumta li ma̱c, kꞌaxal cuiꞌchic quinumta li rusilal li Dios saꞌ xbe̱n li ma̱c.

Hechos 18:4

Saꞌ li hiloba̱l cutan rajlal naxic laj Pablo saꞌ li cab li nequeꞌxchꞌutub cuiꞌ ribeb laj judío. Aran quia̱tinac riqꞌuineb ut quixchꞌolob xya̱lal chiruheb laj judío joꞌqueb ajcuiꞌ li ma̱cuaꞌeb aj judío.

1 Samuel 12:7

Qꞌuehomak retal. La̱in tinjultica e̱re chiru li Ka̱cuaꞌ chixjunil li usilal li quixba̱nu chak e̱re la̱ex ut reheb ajcuiꞌ le̱ xeꞌto̱nil yucuaꞌ nak quixcoleb.

Hechos 17:2

Laj Pablo qui-oc saꞌ li cab li nequeꞌxchꞌutub cuiꞌ ribeb laj judío joꞌ cꞌaynak chixba̱nunquil. Oxib li hiloba̱l cutan quixnumsi aran ut yo̱ chixchꞌolobanquil chiruheb lix ya̱lal li naxye saꞌ li Santil Hu.

Jeremías 2:5

Li Ka̱cuaꞌ naxye chi joꞌcaꞌin: —¿Ma cuan ta biꞌ cꞌaꞌak re ru incꞌaꞌ us xinba̱nu nak xineꞌxtzꞌekta̱na le̱ xeꞌto̱nil yucuaꞌ? Eb aꞌan queꞌxlokꞌoniheb li yi̱banbil dios li ma̱cꞌaꞌ nequeꞌoc cuiꞌ. Joꞌcan nak ma̱cꞌaꞌ ajcuiꞌ nequeꞌoc cuiꞌ le̱ xeꞌto̱nil yucuaꞌ.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

Miqueas 6:2

Abihomak la̱ex aj Israel. Li Ka̱cuaꞌ oc re chi rakoc a̱tin saꞌ e̱be̱n. Ta̱abi̱k resil yalak bar saꞌ xya̱nkeb li tzu̱l li xakxo̱queb chi cau saꞌ xnaꞌajeb. Abihomak li yo̱ chixyebal li Ka̱cuaꞌ. Li Ka̱cuaꞌ yo̱ xjoskꞌil saꞌ xbe̱neb lix tenamit. Oc re chixyebal cꞌaꞌru lix ma̱queb laj Israel.

Li xHu LAJ JOB 9:33

Us raj nak cuan ta junak aj rakol a̱tin cuan xcuanquil chi rakoc a̱tin saꞌ kabe̱n saꞌ cuibal.

Isaías 50:8

Laj Colol cue cuan cuiqꞌuin. ¿Ani ta̱ru̱k ta̱yehok re nak cuan inma̱c? Toxic riqꞌuin laj rakol a̱tin. ¿Ani ta̱ru̱k ta̱jitok cue? Chicha̱lk ut chixyehak cue.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Ezequiel 18:27

Cui junak yo̱ chixba̱nunquil li ma̱usilal tixjal xcꞌaꞌux ut tixba̱nu li us ut ta̱cua̱nk saꞌ ti̱quilal, li jun aꞌan tixcol rix lix yuꞌam.

Ezequiel 33:16

Incꞌaꞌ ta̱qꞌuehekꞌ saꞌ xbe̱n li ma̱c li quixba̱nu junxil. Quixba̱nu li us ut li ti̱quilal. Relic chi ya̱l ta̱cua̱nk xyuꞌam.

Salmos 51:9

Incꞌaꞌ ta chic ta̱cꞌoxla li ma̱c xinba̱nu ut chacuisi taxak lin ma̱usilal chi junaj cua.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Isaías 3:13

Abanan li Ka̱cuaꞌ ac xcauresi rib re ta̱rakok a̱tin saꞌ xbe̱neb li tenamit.