Isaías 1:15 - Li Santil hu

¹⁵ Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Q'eqchi Bible

¹⁵ Naq neketaqsi leeruq' chi tijok, nintz'ap li xnaq' wu re naq ink'a' texwil. Us ta neketiq roq leetij, laa'in ink'a' nawab'i, xb'aan naq oso'jenaq sa' kik' leeruq': k'ajo'eb' li poyanam kekamsi!

Isaías 1:15 ပူးပေါင်းရင်းမြစ်များ

Miqueas 3:4

Te̱ya̱ba raj chic xcꞌabaꞌ li Ka̱cuaꞌ, abanan aꞌan incꞌaꞌ chic texsume. Xmukbal ban chic rib tixba̱nu che̱ru saꞌ eb li cutan aꞌan, xban nak numtajenak li ma̱usilal ac xeba̱nu.

Proverbios 1:28

Saꞌ li cutan aꞌan tine̱ya̱ba raj chic. Abanan la̱in incꞌaꞌ texinsume. Tine̱sicꞌ raj chic, abanan incꞌaꞌ tine̱tau,

Zacarías 7:13

Quixye ajcuiꞌ li Ka̱cuaꞌ: —Nak la̱in quina̱tinac riqꞌuineb incꞌaꞌ queꞌraj rabinquil li cꞌaꞌru quinye. Joꞌcan nak la̱in incꞌaꞌ ajcuiꞌ xeꞌcuabi nak xeꞌxtzꞌa̱ma xtenkꞌanquil chicuu.

Jeremías 14:12

Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Salmos 66:18

Cui ta la̱in xinxoc li ma̱c saꞌ lin chꞌo̱l, incꞌaꞌ raj xinrabi li Dios.

1 Reyes 8:22

Chirix aꞌan laj Salomón quixxakab rib chiru lix artal li Ka̱cuaꞌ chiruheb chixjunileb laj Israel li cuanqueb aran. Quixtaksi li rukꞌ saꞌ choxa ut quitijoc.

Isaías 58:7

Qꞌuehomakeb chi cuaꞌac li teꞌtzꞌoca̱k ut cꞌulumakeb saꞌ le̱ rochoch li ma̱cꞌaꞌ rochocheb. Qꞌuehomak rakꞌeb li ma̱cꞌaꞌ rakꞌeb ut tenkꞌahomakeb le̱ rechꞌalal.

Salmos 55:1

At inDios, chacuabi taxak lin tij. Incꞌaꞌ taxak ta̱canab yal chi joꞌcan li cꞌaꞌru yo̱quin xtzꞌa̱manquil a̱cue.

Li xHu LAJ JOB 27:20

Ut ta̱cha̱lk jun xxiuheb. Chanchan nak nachal li ca̱k-sut-ikꞌ chi kꞌek.

1 Reyes 8:54

Nak quitijoc laj Salomón, quicuikꞌla chiru li artal ut quixtaksi li rukꞌ.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

San Mateo 6:7

Ut nak textijok, me̱ye qꞌuila a̱tin chi ma̱cꞌaꞌ rajbal joꞌ nequeꞌxba̱nu li incꞌaꞌ nequeꞌxpa̱b li Dios. Eb aꞌan nequeꞌxcꞌoxla nak riqꞌuin li qꞌuila a̱tin, teꞌabi̱k xban li Dios.

1 Timoteo 2:8

Yalak bar chꞌutchꞌu̱quex chixlokꞌoninquil li Dios, nacuaj nak eb li cui̱nk teꞌcꞌamok be chi tijoc. Abanan, tento nak ti̱cak xchꞌo̱leb li cui̱nk aꞌin ut ma̱cꞌaꞌak xjoskꞌil chi moco teꞌcuechꞌi̱nk.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Salmos 134:2

Chelokꞌonihak li Ka̱cuaꞌ chi sa saꞌ e̱chꞌo̱l saꞌ lix templo. Taksihomak le̱ rukꞌ retalil nak yo̱quex chixqꞌuebal xlokꞌal li Ka̱cuaꞌ.

Esdras 9:5

Saꞌ x-o̱ril li mayejac re li ecuu, quincuacli saꞌ li naꞌajej bar quincꞌojla cuiꞌ chi ra saꞌ inchꞌo̱l. Ac xinpej li cuakꞌ nak quincuikꞌib cuib. Quintaksi li cuukꞌ ut quin-oc chi tijoc chiru li Ka̱cuaꞌ lin Dios.

San Juan 9:31

La̱o nakanau nak li Dios incꞌaꞌ narabi nak nequeꞌtijoc laj ma̱c. Narabi ban lix tijeb li nequeꞌxxucua ru ut nequeꞌxba̱nu li cꞌaꞌru naraj.

Éxodo 9:29

Laj Moisés quixye re: —Nak tincuulak chire li tenamit, aran tintaksi li cuukꞌ ut tintijok chiru li Ka̱cuaꞌ Dios. Incꞌaꞌ chic ta̱cua̱nk sakbach chi moco li ca̱k. Chi joꞌcan ta̱nau nak li Ka̱cuaꞌ Dios aꞌan laj e̱chal re li ruchichꞌochꞌ.

Li xHu LAJ JOB 35:13

Relic chi ya̱l li nimajcual Dios incꞌaꞌ narabi li cꞌaꞌru nequeꞌxtzꞌa̱ma xban nak incꞌaꞌ nequeꞌxtzꞌa̱ma chi anchaleb xchꞌo̱l.

Isaías 4:4

Li Ka̱cuaꞌ saꞌ ti̱quilal ta̱rakok a̱tin ut ta̱risiheb lix ma̱usilal li cuanqueb Sión. Tixcuy xma̱queb li queꞌcamsin aran Jerusalén.

Isaías 45:15

Li Ka̱cuaꞌ, le̱ Dios la̱ex aj Israel, aꞌan laj Colol e̱re. Aꞌan incꞌaꞌ na-ilman ru.

Isaías 58:4

Nak yo̱quex chi ayunic yo̱quex ajcuiꞌ chi pletic ut nequesacꞌ e̱rib chi ribil e̱rib. Incꞌaꞌ naru te̱ba̱nu le̱ ayu̱n chi joꞌcan cui te̱raj nak la̱in tincuabi le̱ tij toj saꞌ choxa.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Jeremías 4:31

La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Jeremías 11:11

Joꞌcan nak la̱in tinqꞌue li raylal saꞌ xbe̱neb ut incꞌaꞌ chic ta̱ru̱k teꞌxcol ribeb chiru. Usta nequeꞌya̱bac chixtzꞌa̱manquil xtenkꞌanquileb, abanan la̱in incꞌaꞌ tincuabi lix tijeb.

Ezequiel 11:6

La̱ex xecamsi nabaleb li cristian saꞌ li tenamit. Ut xecanabeb chi tu̱btu li camenak saꞌ eb li be.

Ezequiel 14:3

—At ralal cui̱nk, eb li cui̱nk aꞌin nequeꞌxqꞌue xchꞌo̱l chixlokꞌoninquil li yi̱banbil dios li naqꞌuehoc reheb chi ma̱cobc. ¿Ma ta̱ru̱k ta biꞌ teꞌcha̱lk chixpatzꞌbal cue cꞌaꞌru teꞌxba̱nu?

Ezequiel 39:23

Ut eb li xni̱nkal ru tenamit teꞌxnau nak eb laj Israel queꞌcꞌameꞌ chi pre̱xil saꞌ jalan tenamit xban li ma̱usilal queꞌxba̱nu nak queꞌxkꞌetkꞌeti ribeb chicuu. Joꞌcan nak la̱in xincanabeb xjuneseb. Xinkꞌaxtesiheb saꞌ rukꞌeb li xicꞌ nequeꞌiloc reheb ut eb laj Israel queꞌcamsi̱c saꞌ li ple̱t.

Oseas 5:6

Eb laj Israel nequeꞌxcꞌam li cuacax joꞌ ajcuiꞌ lix carner re nak teꞌxmayeja chicuu. Abanan ma̱cꞌaꞌ rajbal nak nequeꞌmayejac chicuu xban nak la̱in xintzꞌekta̱naheb.

Proverbios 6:17

li ani naxnimobresi rib ut li ani naticꞌtiꞌic, ut li ani naxcamsi ras ri̱tzꞌin chi ma̱cꞌaꞌ xma̱c,