Isaías 1:10 - Li Santil hu

¹⁰ La̱ex li nequexcꞌamoc be saꞌ li tenamit Jerusalén chanchanex laj Sodoma. Ut chanchanex laj Gomorra. Abihomak li yo̱ chixyebal e̱re li Ka̱cuaꞌ li kaDios. Qꞌuehomak retal lix ya̱lal li yo̱ chixchꞌolobanquil che̱ru.

Q'eqchi Bible

¹⁰ Ex jolomil re Sodoom, ab'ihomaq li raatin li Qaawa', ex aj Gomoor, k'ehomaq eech'ool chi rab'inkil li naxye li qaYos:

Isaías 1:10 ပူးပေါင်းရင်းမြစ်များ

Apocalipsis 11:8

Li camenak teꞌcana̱k chi tꞌantꞌo saꞌ eb li be re li nimla tenamit bar quicamsi̱c cuiꞌ chiru cruz li Ka̱cuaꞌ Jesucristo. Cuan nak nequeꞌxjuntakꞌe̱ta li tenamit aꞌan riqꞌuineb li tenamit Sodoma ut Egipto xban li ma̱usilal queꞌxba̱nu.

Ezequiel 16:49

Aꞌan aꞌin lix ma̱queb laj Sodoma ut eb lix coꞌ. Kꞌetkꞌeteb ut cuan nabal cꞌaꞌruheb re ut incꞌaꞌ nequeꞌraj cꞌanjelac. Ut incꞌaꞌ nequeꞌraj xtenkꞌanquileb li nebaꞌ ut eb li rahobtesinbileb.

Amós 9:7

Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Ezequiel 16:46

La̱ cuas ut eb lix coꞌ, aꞌaneb li tenamit Samaria li cuan saꞌ li norte. Ut la̱ cui̱tzꞌin ut eb lix coꞌ, aꞌaneb li tenamit Sodoma li cuan sa li sur.

Jeremías 23:14

Joꞌcaneb ajcuiꞌ li profetas li cuanqueb Jerusalén. Kꞌaxal cuiꞌchic yibru nequeꞌxba̱nu. Nequeꞌxmux ru lix sumlajiqueb ut nequeꞌticꞌtiꞌic. Eb aꞌan nequeꞌoquen chirixeb li incꞌaꞌ useb xnaꞌleb. Ut incꞌaꞌ nequeꞌxcanab xba̱nunquil li ma̱usilal. Chicuu la̱in eb aꞌan juntakꞌe̱teb riqꞌuineb laj Sodoma ut eb laj Gomorra.

Isaías 3:9

Saꞌ xnakꞌeb ru nacꞌutun li cꞌaꞌru nequeꞌxba̱nu. Ut aꞌan ajcuiꞌ nayehoc re nak cuanqueb xma̱c. Incꞌaꞌ nequeꞌxmuk lix ma̱queb. Nequeꞌrisi ban resil yalak bar joꞌ queꞌxba̱nu laj Sodoma. Ra ta̱cha̱lk saꞌ xbe̱neb xban nak xjuneseb yo̱queb chixbokbal li raylal saꞌ xbe̱neb.

Deuteronomio 32:32

Eb li xicꞌ nequeꞌiloc reheb chanchaneb laj Sodoma ut chanchaneb laj Gomorra. Li cꞌaꞌru nequeꞌxba̱nu chanchaneb ru li uvas li cꞌa li nacamsin.

Romanos 9:29

Quixye ajcuiꞌ laj Isaías chi joꞌcaꞌin: Cui ta incꞌaꞌ quixcanab kalal kacꞌajol nak quixsach ru li katenamit li Ka̱cuaꞌ Dios, li kꞌaxal nim xcuanquil, joꞌ raj li Sodoma ut li Gomorra nak co-osoꞌ. (Isa. 1:9)

Amós 3:8

¿Ani ta biꞌ incꞌaꞌ ta̱xucuak nak tixjap re li cakcoj? Cui nequeꞌxucuac xban li cakcoj nak naxjap re, ¿ma tojaꞌ ta chic incꞌaꞌ teꞌxucuak chiru li Dios? Cui junak ta̱a̱tina̱k xban li Ka̱cuaꞌ, ¿ma incꞌaꞌ ta biꞌ tixye resil li cꞌaꞌru quicꞌutbesi̱c chiru?

Amós 3:1

La̱ex laj Israel, cherabihak li naxye li Ka̱cuaꞌ che̱rix che̱junilex la̱ex li quexrisi chak saꞌ li tenamit Egipto nak quixye chi joꞌcaꞌin:

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Isaías 28:14

Abihomak li cꞌaꞌru naxye li Ka̱cuaꞌ e̱re la̱ex li nequextaklan saꞌ li tenamit Jerusalén, la̱ex li nequekꞌetkꞌeti e̱rib.

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

Génesis 13:13

Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Isaías 33:22

Li Ka̱cuaꞌ Dios, aꞌan li ta̱rakok a̱tin saꞌ kabe̱n. Aꞌan ta̱qꞌuehok ke li chakꞌrab. Li Ka̱cuaꞌ, aꞌan li karey ut aꞌan ajcuiꞌ li ta̱colok ke.

Ezequiel 13:2

—At ralal cui̱nk, ta̱kꞌuseb lix profeteb laj Israel li yo̱queb chi balakꞌic riqꞌuin li cꞌaꞌru nequeꞌxye yal xjuneseb rib. Ta̱ye reheb nak cheꞌrabihak li oc cue chixyebal.

Miqueas 3:1

Ut quixye laj Miqueas: —Abihomak anakcuan la̱ex li nequexcꞌamoc be saꞌ xya̱nkeb li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb li ralal xcꞌajol laj Israel. ¿Ma incꞌaꞌ ta biꞌ tento ajcuiꞌ saꞌ e̱be̱n la̱ex xtaubal ru li ti̱quilal?

Ezequiel 16:35

Joꞌcan ut la̱at ixakilbej li nacamux ru la̱ sumlajic, chacuabi li cꞌaꞌru naxye a̱cue li Ka̱cuaꞌ.