Isaías 1:1 - Li Santil hu

¹ Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Q'eqchi Bible

¹ Chiru chaq li xyu'ameb' laj Osías, laj Jotán, laj Ajás ut laj Esekiel, awab'ejeb' re Judá, laj Isaías, ralal laj Amós, kiril li moy u a'in chirix li tixk'ul Judá ut Jerusalén.

Isaías 1:1 ပူးပေါင်းရင်းမြစ်များ

2 Crónicas 26:1

Chirix chic aꞌan eb li tenamit queꞌxxakab laj Uzías chokꞌ xreyeb laj Judá chokꞌ re̱kaj laj Amasías lix yucuaꞌ. Cuaklaju chihab cuan re laj Uzías nak qui-oc chokꞌ rey.

2 Reyes 18:1

Yo̱ rox chihab roquic chokꞌ xreyeb laj Israel laj Oseas li ralal laj Ela nak laj Ezequías li ralal laj Acaz qui-oc chokꞌ xreyeb laj Judá.

Isaías 7:1

Laj Acaz, lix reyeb laj Judá, aꞌan li ralal laj Jotam. Laj Jotam, aꞌan li ralal laj Uzías. Saꞌ eb li cutan nak cuan laj Acaz chokꞌ xreyeb laj Judá, laj Rezín lix reyeb laj Siria ut laj Peka li ralal laj Remalías lix reyeb laj Israel queꞌco̱eb chi pletic riqꞌuineb laj Jerusalén. Abanan incꞌaꞌ quiru queꞌoc saꞌ li tenamit.

Isaías 6:1

Saꞌ li chihab nak quicam li rey Uzías, chanchan matqꞌuenbil quinba̱nu nak quixcꞌutbesi rib li Ka̱cuaꞌ chicuu. Quicuil nak cꞌojcꞌo saꞌ xbe̱n jun cꞌojariba̱l saꞌ jun naꞌajej najt xteram ut ma̱ cꞌajoꞌ xchakꞌal ru. Ut quinujac li rochoch li Dios riqꞌuin li rakꞌ.

Isaías 2:1

Aꞌan aꞌin li quiril saꞌ visión laj Isaías li ralal laj Amoz chirixeb laj Judá ut laj Jerusalén.

Salmos 89:19

La̱at xacꞌutbesi jun li visión chiruheb la̱ tenamit ut xaye reheb: —La̱in xinqꞌue xcuanquil jun li cui̱nk cau rib. La̱in xinxakaban re chi takla̱nc saꞌ xbe̱n lin tenamit.

Números 24:16

La̱in quin-abin re li cꞌaꞌru quixye li Ka̱cuaꞌ. La̱in li ninnaꞌoc re xcꞌaꞌux li nimajcual Dios. La̱in li quin-iloc re li visión li quixcꞌutbesi li nimajcual Dios. La̱in quincubsi cuib chiru li Ka̱cuaꞌ ut aꞌan quixcꞌut lix ya̱lal chicuu.

Amós 1:1

Quicuan jun li cui̱nk aj Amós xcꞌabaꞌ saꞌ li naꞌajej Tecoa. Aꞌan jun reheb laj ilol xul. Quia̱tina̱c xban li Dios saꞌ eb li cutan nak cua̱nk chokꞌ rey aran Judá laj Uzías ut cua̱nk chokꞌ rey aran Israel laj Jeroboam ralal laj Joás. Cuib chihab chic ma̱ nanumeꞌ li hi̱c nak laj Amós quixtiquib xyebal resil li quicꞌutbesi̱c chiru xban li Dios chirixeb laj Israel.

Jeremías 23:16

Li Ka̱cuaꞌ li nimajcual Dios quixye reheb li cuanqueb Jerusalén: —Me̱rabi li cꞌaꞌru nequeꞌxye eb li profeta aꞌin. Junes ticꞌtiꞌ nequeꞌxye. Yal cꞌoxlanbil xbaneb aꞌan. Ma̱cuaꞌ la̱in quinyehoc re.

Isaías 40:9

At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Isaías 13:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios chirix li raylal li tixcꞌul li tenamit Babilonia.

2 Reyes 15:32

Yo̱ xcab chihab roquic chokꞌ xreyeb laj Israel laj Peka li ralal laj Remalías nak laj Jotam li ralal laj Uzías qui-oc chokꞌ xreyeb laj Judá.

2 Reyes 15:7

Li rey Azarías quicam ut coxtau lix xeꞌto̱nil yucuaꞌ. Quimukeꞌ saꞌ lix tenamit laj David. Ut aꞌ chic laj Jotam qui-oc chokꞌ xreyeb laj Judá chokꞌ re̱kaj.

2 Reyes 15:1

Yo̱ cuukub xcaꞌcꞌa̱l (27) chihab roquic chokꞌ xreyeb laj Israel laj Jeroboam nak qui-oc laj Azarías, li ralal laj Amasías chok xreyeb laj Judá.

Hechos 26:19

Joꞌcan ut nak incꞌaꞌ xinkꞌetkꞌeti cuib chiru li quixcꞌutbesi rib chicuu li quichal chak saꞌ choxa, at rey Agripa.

Hechos 10:17

Laj Pedro toj yo̱ ajcuiꞌ chixcꞌoxlanquil cꞌaꞌru xya̱lal li quicꞌutbesi̱c chiru nak queꞌcuulac li cui̱nk li queꞌtakla̱c xban laj Cornelio. Cuanqueb chire li cab ut yo̱queb chixpatzꞌbal bar cuan li rochoch laj Simón.

San Mateo 17:9

Nak yo̱queb chak chi cubec saꞌ li tzu̱l, quixye li Jesús reheb: —Ma̱ ani aj e te̱ye li cꞌaꞌru xeril. Toj mokon naru te̱ye nak la̱in li Cꞌajolbej ac xincuacli cuiꞌchic chi yoꞌyo saꞌ xya̱nkeb li camenak.—

Habacuc 2:2

Li Ka̱cuaꞌ quichakꞌoc ut quixye cue: —Tzꞌi̱ba chiru jun pere̱lak tzꞌalam cheꞌ li cꞌaꞌru tincꞌutbesi cha̱cuu. Tzꞌi̱ba chi tzꞌakal re ru re nak li ani ta̱ilok re ta̱xic saꞌ junpa̱t xyebal resil li cꞌaꞌru ta̱ril.

Nahum 1:1

Aꞌan aꞌin li hu quixtzꞌi̱ba li profeta Nahum chirix li cꞌaꞌru teꞌxcꞌul saꞌ li tenamit Nínive, joꞌ quicꞌutbesi̱c chiru xban li Dios. Laj Nahum, aꞌan Elcos xtenamit.

Miqueas 1:1

Li Ka̱cuaꞌ quia̱tinac riqꞌuin laj Miqueas aj Moreset ut quixcꞌutbesi chiru cꞌaꞌru teꞌxcꞌul eb li tenamit Samaria ut Jerusalén. Aꞌin quicꞌulman saꞌ eb li cutan nak queꞌcuan chokꞌ xreyeb laj Judá laj Jotam ut laj Acaz ut laj Ezequías.

Oseas 1:1

Li tzꞌi̱banbil saꞌ li hu aꞌin, aꞌan li quixye li Ka̱cuaꞌ re laj Oseas, li ralal laj Beeri, saꞌ eb li cutan nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías, ut nak quicuan chokꞌ xreyeb laj Israel laj Jeroboam, li ralal laj Joás.

Números 24:4

Laj Balaam quixye resil li cꞌaꞌru ta̱cꞌulma̱nk. Quixye: —La̱in laj Balaam li quin-abin re li cꞌaꞌru quixye li Ka̱cuaꞌ. La̱in quin-iloc re li visión li quixcꞌutbesi li nimajcual Dios. La̱in quincubsi cuib chiru li Ka̱cuaꞌ, ut aꞌan quixcꞌut lix ya̱lal chicuu.

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

2 Corintios 12:1

Ninnau nak ma̱cꞌaꞌ tinra chirix nak tinnimobresi cuib. Abanan cui tento nak tinba̱nu, nacuaj xserakꞌinquil e̱re cꞌaꞌru quicuil chanchan matqꞌuenbil quinba̱nu. Ut nacuaj xserakꞌinquil cꞌaꞌru quixcꞌutbesi chicuu li Ka̱cuaꞌ.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

2 Reyes 15:13

Yo̱ bele̱laju xcaꞌcꞌa̱l (39) chihab roquic chokꞌ xreyeb laj Judá laj Uzías nak laj Salum li ralal laj Jabes qui-oc chokꞌ xreyeb laj Israel. Jun po quicuan chokꞌ rey aran Samaria.

2 Reyes 19:2

Ut quixtaklaheb laj Eliaquim li na-iloc re li palacio rochben laj Sebna laj tzꞌi̱b ut eb li nequeꞌcꞌamoc be saꞌ xya̱nkeb laj tij riqꞌuin li profeta Isaías, li ralal laj Amoz. Cuan li kꞌes ru tꞌicr chirixeb nak queꞌco̱eb.

2 Crónicas 26:22

Chixjunil li quilajxba̱nu laj Uzías nak cuan chokꞌ rey chalen saꞌ xticlajic toj saꞌ rosoꞌjic tzꞌi̱banbil retalil xban li profeta Isaías li ralal laj Amoz.

2 Crónicas 27:1

O̱b xcaꞌcꞌa̱l (25) chihab cuan re laj Jotam nak qui-oc chokꞌ rey. Cuaklaju (16) chihab quicuan saꞌ xcuanquil aran Jerusalén. Lix naꞌ xJerusa xcꞌabaꞌ. Aꞌan lix rabin laj Sadoc.

2 Crónicas 28:1

Junmay chihab cuan re laj Acaz nak qui-oc chokꞌ xreyeb laj Judá. Cuaklaju chihab quicuan chokꞌ rey aran Jerusalén. Abanan incꞌaꞌ quicuan saꞌ ti̱quilal chiru li Dios joꞌ nak quicuan laj David, lix xeꞌto̱nil yucuaꞌ.

2 Crónicas 29:33

Aꞌan aꞌin xqꞌuial chixjunil li mayej li queꞌxqꞌue: cuakib ciento (600) li bo̱yx ut oxib mil (3,000) li carner.

Isaías 20:2

Saꞌ eb li cutan aꞌan li Ka̱cuaꞌ quia̱tinac riqꞌuin laj Isaías li ralal laj Amoz ut quixye re: —Isi li kꞌes ru tꞌicr li cuan cha̱cuix ut li xa̱b li cuan cha̱cuok, chan. Ut joꞌcan quixba̱nu laj Isaías. Quibe̱c chi ma̱cꞌaꞌ xa̱b ut chi ma̱cꞌaꞌ li kꞌes ru tꞌicr chirix.

Isaías 37:2

Ut quixtaklaheb riqꞌuin li profeta Isaías li ralal laj Amoz laj Eliaquim li na-iloc re li palacio rochben laj Sebna laj tzꞌi̱b, joꞌ eb ajcuiꞌ li nequeꞌcꞌamoc be saꞌ xya̱nkeb laj tij. Cuan li kꞌes ru tꞌicr chirixeb nak queꞌco̱eb.

Isaías 38:1

Saꞌ eb li cutan aꞌan quiyajer li rey Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Yi̱b ru chixjunil li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

Ezequiel 1:1

La̱in laj Ezequiel laj tij. La̱in jun saꞌ xya̱nkeb laj Israel li queꞌchapeꞌ ut queꞌcꞌameꞌ saꞌ li naꞌajej Babilonia. Cocꞌameꞌ chire li nimaꞌ Quebar. O̱b cutan chic xticlajic xca̱ li po re li laje̱b xcaꞌcꞌa̱l chihab nak li Dios quixcꞌutbesiheb li visión chicuu. Quiteli li choxa chicuu nak quicuil.

Amós 4:5

Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.