Hechos 9:6 - Li Santil hu

⁶ Nasicsot xban xxiu laj Saulo nak quixye: —Ka̱cuaꞌ, ¿cꞌaꞌru ta̱cuaj tinba̱nu? chan. Ut li Ka̱cuaꞌ quixye: —Cuaclin ut ayu saꞌ li tenamit, ut aran ta̱yehekꞌ a̱cue cꞌaꞌru us ta̱ba̱nu, chan.

Q'eqchi Bible

⁶ Waklin, okan sa' li tenamit ut taayeemanq aawe k'aru taab'aanu”.

Hechos 9:6 ပူးပေါင်းရင်းမြစ်များ

Hechos 22:10

Quinpatzꞌ re, “Ka̱cuaꞌ, ¿cꞌaꞌru ta̱cuaj tinba̱nu?” Ut li Ka̱cuaꞌ quixye cue, “Cuaclin. Ayu Damasco ut aran ta̱yehekꞌ a̱cue chixjunil li cꞌaꞌru tenebanbil saꞌ a̱be̱n re ta̱ba̱nu,” chan.

Hechos 26:16

Anakcuan ut cuaclin. La̱in xincꞌutbesi cuib cha̱cuu re nak tatinxakab chokꞌ aj cꞌanjel chicuu. La̱at tatchꞌoloba̱nk xya̱lal li cꞌaꞌak re ru xacuil joꞌ ajcuiꞌ li cꞌaꞌak re ru toj tincꞌutbesi cha̱cuu.

Filipenses 2:12

Ex inherma̱n, raro̱quex inban, junelic xexpa̱ban chicuu nak cuanquin chak e̱riqꞌuin. Joꞌcan ajcuiꞌ te̱ba̱nu anakcuan nak ma̱ anihin e̱riqꞌuin. Junelic chexcꞌoxlak chirix le̱ colbal. Cheqꞌuehak taxak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak ta̱tzꞌaklok ru le̱ colbal.

Romanos 10:20

Laj Isaías cau xchꞌo̱l chixyebal li cꞌaꞌru quixye li Dios nak quixye: Aꞌ chic li incꞌaꞌ yo̱queb chinsicꞌbal, aꞌaneb chic li xeꞌtaꞌoc cue. Quincꞌutbesi cuib chiruheb li incꞌaꞌ yo̱queb chinsicꞌbal. (Isa. 65:1) Aꞌan li quixye li Dios chirixeb li ma̱cuaꞌeb aj judío.

Romanos 10:3

Ut incꞌaꞌ nequeꞌxnau chanru nak nati̱coꞌ li kachꞌo̱l chiru li Dios. Queꞌxyal xti̱cobresinquil xchꞌo̱leb chiru li Dios yal xjuneseb rib. Ut incꞌaꞌ queꞌraj xba̱nunquil li yebil xban li Dios.

Romanos 7:9

Nak toj ma̱jiꞌ ninnau cꞌaꞌru naxye li chakꞌrab, moco nincꞌoxla ta nak la̱in aj ma̱c ut incꞌaꞌ xinnau nak incꞌulub ta li ca̱mc. Aban nak xinnau li chakꞌrab, xinnau nak la̱in aj ma̱c. Ut cue li ca̱mc.

Romanos 5:20

Li chakꞌrab quiqꞌueheꞌ re xcꞌutbal nak numtajenak li ma̱c. Ut nak quinumta li ma̱c, kꞌaxal cuiꞌchic quinumta li rusilal li Dios saꞌ xbe̱n li ma̱c.

Hechos 10:32

Takla xcꞌambal laj Simón Pedro li cuan aran Jope. Yo̱ chi hila̱nc saꞌ li rochoch laj Simón laj yi̱bom tzꞌu̱m. Li rochoch aꞌan cuan chire li palau. Nak ta̱cꞌulu̱nk laj Pedro, tixchꞌolob cha̱cuu lix ya̱lal,” chan cue li ángel.

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

Hechos 10:6

Aꞌan ta̱yehok a̱cue cꞌaꞌru us ta̱ba̱nu. Aꞌan yo̱ chi hila̱nc saꞌ rochoch laj Simón laj yi̱bom tzꞌu̱m. Li rochoch cuan chire li palau, chan li ángel.

Hechos 2:37

Nak queꞌrabi aꞌan li chꞌutchꞌu̱queb aran, queꞌyotꞌeꞌ xchꞌo̱leb ut queꞌxye re laj Pedro joꞌ ajcuiꞌ reheb li apóstol li jun chꞌol chic: —Ex kas ki̱tzꞌin, ¿cꞌaꞌru takaba̱nu? chanqueb.

San Lucas 3:10

Ut eb li tenamit yo̱queb chixpatzꞌbal re: —¿Cꞌaꞌru tento takaba̱nu re nak incꞌaꞌ ta̱rakekꞌ a̱tin saꞌ kabe̱n? chanqueb.

San Mateo 19:30

Ut nabaleb li nequeꞌxsicꞌ xcuanquil anakcuan, mokon ma̱cꞌaꞌak chic xcuanquileb. Ut li ani incꞌaꞌ nequeꞌxsicꞌ xcuanquil anakcuan, aꞌaneb chic li teꞌcua̱nk xcuanquil mokon, chan li Jesús.

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.

Isaías 66:2

¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

Isaías 57:18

Usta ac ninnau chanru lix naꞌlebeb, abanan la̱in tinqꞌuirtesiheb. La̱in tinberesiheb ut tincꞌojob xchꞌo̱leb.

Salmos 94:12

At Ka̱cuaꞌ, us xak reheb li nequeꞌxqꞌue saꞌ xchꞌo̱leb lix kꞌusbal nacaqꞌue. Us xak reheb li nacacꞌut lix ya̱lal la̱ chakꞌrab chiruheb.

Salmos 25:12

Li Dios naxcꞌut lix ya̱lal chiruheb li ani nequeꞌxqꞌue xlokꞌal li Dios ut naxcꞌut chiruheb li cꞌaꞌru naraj teꞌxba̱nu.

1 Samuel 28:5

Nak laj Saúl quiril lix muheba̱leb laj filisteo, cꞌajoꞌ nak quixucuac ut qui-oc xcꞌaꞌux.

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

1 Samuel 16:3

Nak tatcuulak Belén, ta̱ye re laj Isaí nak ta̱xic cha̱cuix nak ta̱qꞌue li mayej. La̱in tincꞌut cha̱cuu cꞌaꞌru ta̱ba̱nu. Li ani tinye a̱cue la̱in, ta̱qꞌue li aceite saꞌ xjolom retalil nak aꞌan ta̱oc chokꞌ rey, chan li Dios.

Ezequiel 2:1

Li Ka̱cuaꞌ quixye cue: —At ralal cui̱nk, cuaclin. La̱in tina̱tinak a̱cuiqꞌuin, chan.

Ezequiel 3:22

Ut li Ka̱cuaꞌ quixqꞌue xcacuilal inchꞌo̱l ut quixye cue: —Anakcuan tatxic saꞌ li cꞌaleba̱l ut aran tina̱tinak a̱cuiqꞌuin, chan.

Hechos 9:5

Laj Saulo quixye: —¿Anihat la̱at, at Ka̱cuaꞌ?— Ut li yo̱ chi a̱tinac quixye: —La̱in li Jesús li xicꞌ yo̱cat chirilbal. Yo̱cat chixtacuasinquil a̱cuib nak xicꞌ yo̱cat chicuilbal, chan.