Hechos 9:4 - Li Santil hu

⁴ Quitꞌaneꞌ saꞌ chꞌochꞌ laj Saulo ut quirabi jun xya̱b cux yo̱ chixyebal re: —At Saulo, at Saulo, ¿Cꞌaꞌut nak yo̱cat chixba̱nunquil raylal cue?—

Q'eqchi Bible

⁴ T'anaamil sa' ch'och', kirab'i jun xyaab' kuxej yo chi xyeeb'al: “At Saúl, at Saúl, k'a'ut naq xik' yookat chi wilb'al?”.

Hechos 9:4 ပူးပေါင်းရင်းမြစ်များ

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

1 Corintios 12:12

Li jun chi tzꞌejcualej tzꞌakal re ru. Cuan rok rukꞌ. Cuan chixjunil. Usta jalan jala̱nk lix chaꞌal cuan, abanan jun ajcuiꞌ chi tzꞌejcualej nak cuan. Joꞌcan ajcuiꞌ la̱o aj pa̱banel. Nabalo, abanan junajo chi tzꞌejcualej riqꞌuin li Cristo.

Romanos 11:22

Cheqꞌuehak retal nak kꞌaxal cha̱bil li Dios, abanan najoskꞌoꞌ ajcuiꞌ saꞌ xbe̱neb li nequeꞌtzꞌekta̱nan re li Cristo. Riqꞌuin cacuil a̱tin narakoc a̱tin saꞌ xbe̱neb li nequeꞌkꞌetoc re li ra̱tin. Cha̱bilak e̱riqꞌuin la̱ex cui texcua̱nk junelic saꞌ li rusilal. Cui incꞌaꞌ nequexcuan saꞌ li rusilal tex-isi̱k ajcuiꞌ la̱ex.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Génesis 22:11

Tojoꞌnak jun lix ángel li Ka̱cuaꞌ Dios quia̱tinac chak saꞌ choxa ut quixye re laj Abraham: —¡Abraham! ¡Abraham!— Ut laj Abraham quichakꞌoc ut quixye re: —Arin cuanquin, chan.

Génesis 16:8

Ut li ángel quia̱tinac riqꞌuin ut quixpatzꞌ re: —Agar, at xmo̱s lix Sarai, ¿bar xatchal chak? Ut, ¿bar yo̱cat chi xic? chan. Ut lix Agar quixye re: —La̱in yo̱quin chi e̱lelic chiru lix Sarai lin patrón, chan.

Efesios 5:30

Nocoxra ut nocoril xban nak la̱o joꞌ rok rukꞌ li Cristo. La̱o joꞌ lix quiqꞌuel ut joꞌ lix bakel.

1 Corintios 4:7

¿Ma jalanex ta biꞌ la̱ex chiruheb li jun chꞌol chic nak nequerecꞌa e̱rib? ¿Ma ma̱cuaꞌ ta biꞌ li Dios quiqꞌuehoc e̱re li cꞌaꞌru cuan e̱re? ¿Cꞌaꞌut nak nequenimobresi e̱rib chixyebal nak cuan cꞌaꞌru e̱re? Incꞌaꞌ naru te̱nimobresi e̱rib xban nak yal xema̱tani li cꞌaꞌru cuan e̱re riqꞌuin li Dios.

San Juan 21:15

Nak ac xeꞌcuaꞌac, li Jesús quixye re laj Simón Pedro: —At Simón, ralalat laj Jonás, ¿ma kꞌaxal niquina̱ra chiruheb aꞌin?— Laj Pedro quixye re: —Ka̱cuaꞌ, la̱at nacanau nak nacatinra, chan. Ut li Jesús quixye re: —Chacuilakeb li cualal incꞌajol li toj kꞌuneb xchꞌo̱l saꞌ lix pa̱ba̱leb joꞌ jun li pastor narileb lix cocꞌ carner.—

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Génesis 3:9

Li Ka̱cuaꞌ Dios quixbok li cui̱nk ut quixye re: —Adán, ¿bar cuancat?—

San Juan 20:16

Li Jesús quixye re: —¡María!— Quixsukꞌisi rib lix María ut quixye saꞌ ra̱tinoba̱l aj hebreo: —Raboni.— (Chi jalbil ru naraj naxye aj tzolonel).

San Juan 18:6

Nak li Jesús quixye reheb, “La̱in li yo̱quex chinsicꞌbal”, kꞌa̱jel ix nak queꞌco̱eb ut jun tꞌaniqueb nak queꞌtꞌaneꞌ chi chꞌochꞌ.

San Lucas 10:41

Li Jesús quichakꞌoc ut quixye re: —Marta, la̱at naxic a̱cꞌaꞌux chirix la̱ qꞌuila cꞌanjel xban nak caꞌaj cuiꞌ aꞌan nacacꞌoxla.

Números 16:45

—Isihomak e̱rib saꞌ xya̱nkeb laj Israel re nak ta̱ru̱k tinsach ruheb chi junaj cua, chan. Ut queꞌxhupub ribeb saꞌ chꞌochꞌ.

Éxodo 3:4

Quiril li Ka̱cuaꞌ Dios nak laj Moisés quijiloc chixcꞌatk. Ut saꞌ li qꞌuix li yo̱ chi cꞌatc, quia̱tinac li Dios ut quixye: —At Moisés, chan. Laj Moisés quixye: —Cueꞌquin, chan.

Hechos 5:10

Ut saꞌ ajcuiꞌ li ho̱nal aꞌan lix Safira quitꞌaneꞌ chi rok laj Pedro ut camenak quicana. Eb li cui̱nk queꞌoc saꞌ cab ut queꞌril nak camenak chic. Queꞌrisi ut coxeꞌxmuk chak chixcꞌatk lix be̱lom.

Isaías 6:8

Ut quicuabi lix ya̱b xcux li Ka̱cuaꞌ yo̱ chak chixyebal: —¿Ani tintakla? ¿Ut ani ta̱xic chokꞌ ku̱chil? chan li Ka̱cuaꞌ. Ut la̱in quinchakꞌoc ut quinye, —Cueꞌquin la̱in. Taklahin la̱in, chanquin re.

Hechos 9:5

Laj Saulo quixye: —¿Anihat la̱at, at Ka̱cuaꞌ?— Ut li yo̱ chi a̱tinac quixye: —La̱in li Jesús li xicꞌ yo̱cat chirilbal. Yo̱cat chixtacuasinquil a̱cuib nak xicꞌ yo̱cat chicuilbal, chan.