Hechos 9:3 - Li Santil hu

³ Yo̱ chi xic ut nak ac cuulac re saꞌ li tenamit Damasco, saꞌ junpa̱t quisuteꞌ xban jun chanchan xam quichal saꞌ choxa.

Q'eqchi Bible

³ Ab'anan, naq yo chi xik, ak nach' wank rik'in Damaask, sa' junpaat kisute'k xb'aan jun li saqenk kichalk chaq sa' choxa.

Hechos 9:3 ပူးပေါင်းရင်းမြစ်များ

1 Corintios 15:8

Ut chirix chixjunil aꞌan, quixcꞌut ajcuiꞌ rib chicuu la̱in, usta la̱in chanchanin jun cꞌulaꞌal toj ma̱jiꞌ naxtau xkꞌehil xyoꞌlajic xban nak la̱in toj ma̱jiꞌ ninyoꞌla saꞌ lin pa̱ba̱l nak quixcꞌut rib chicuu.

Hechos 22:6

Ut quixye ajcuiꞌ laj Pablo: —Abanan nak ac cuulac cue Damasco, caꞌchꞌin na chic ma̱ cuaꞌleb, ma̱cꞌaꞌ saꞌ inchꞌo̱l nak quinixsut jun li chanchan xam kꞌaxal saken quichal chak saꞌ choxa.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

1 Timoteo 6:16

Li Dios yoꞌyo chi junelic. Ma̱cꞌaꞌ xticlajic ut ma̱cꞌaꞌ rosoꞌjic. Aꞌan cutan saken chi junelic ut ma̱ ani naru na-oc riqꞌuin xban nak kꞌaxal lokꞌ. Incꞌaꞌ ilbil ru chi moco na-ileꞌ ru saꞌ ruchichꞌochꞌ. Chikaqꞌuehak taxak xlokꞌal ut chikalokꞌonihak taxak xban nak kꞌaxal nim lix cuanquilal anakcuan ut chi junelic. Joꞌcan taxak.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Hechos 9:17

Co̱ ut laj Ananías ut qui-oc saꞌ li cab joꞌ quiyeheꞌ re. Quixqꞌue li rukꞌ saꞌ xbe̱n laj Saulo ut quixye re: —Hermano Saulo, li Ka̱cuaꞌ Jesús, li quixcꞌutbesi rib cha̱cuu saꞌ li be nak yo̱cat chi cha̱lc arin, aꞌan xtaklan chak cue arin re nak ta̱ru̱k tat-ilok cuiꞌchic ut ta̱cꞌul li Santil Musikꞌej, chan laj Ananías re.

Salmos 104:2

Numtajenak la̱ lokꞌal. La̱at li cutan saken. La̱at cayi̱b li choxa chanchan nak cahel jun li tꞌicr.

Hechos 9:27

Ut laj Bernabé quixcꞌam laj Saulo riqꞌuineb li apóstol ut quixserakꞌi reheb chanru nak quiril ru li Ka̱cuaꞌ saꞌ li be ut quixye ajcuiꞌ reheb chanru nak quixchꞌolob xya̱lal li Jesucristo chi cau xchꞌo̱l aran Damasco.

1 Corintios 9:1

¿Ma incꞌaꞌ ta biꞌ naru tinba̱nu li cꞌaꞌru nacuaj la̱in? ¿Ma incꞌaꞌ ta biꞌ la̱in apóstol? La̱in quicuil ru li Ka̱cuaꞌ Jesucristo. Ut saꞌ incꞌabaꞌ la̱in nak xexpa̱ban xban nak la̱in xinyehoc e̱re resil li colba-ib.