Hechos 9:18 - Li Santil hu

¹⁸ Ut saꞌ junpa̱t quitꞌaneꞌ chanchan xpat li ru ut qui-iloc cuiꞌchic. Quixakli ut quicubsi̱c xhaꞌ.

Q'eqchi Bible

¹⁸ Tikto ki'elk sa' rix ru li chanchan rix kar, ut ki'ilok wi' chik; kiwakliik ut kikub'siik xha'.

Hechos 9:18 ပူးပေါင်းရင်းမြစ်များ

2 Corintios 3:14

Xban xcacuilal xchꞌo̱leb incꞌaꞌ queꞌxtau ru nak lix lokꞌal li najter chakꞌrab ta̱e̱lk. Ut chalen anakcuan incꞌaꞌ ajcuiꞌ nequeꞌxtau ru. Chanchan nak li tꞌicr aꞌan toj yo̱ chi ramoc chiruheb lix ya̱lal nak nequeꞌrabi li najter chakꞌrab. Ut li tꞌicr aꞌan na-el caꞌaj cuiꞌ riqꞌuin xpa̱banquil li Cristo.

Hechos 22:16

¿Cꞌaꞌut nak nacabay a̱cuib? Cuaclin. Li Dios tixcuy tixsach la̱ ma̱c nak ta̱ya̱ba lix cꞌabaꞌ. Ut cꞌul li cubi haꞌ,” chan cue.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Hechos 2:41

Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

Hechos 9:8

Quicuacli laj Saulo ut nak quixte li xnakꞌ ru, incꞌaꞌ chic qui-iloc. Chꞌilonbil chi rukꞌ nak quicꞌameꞌ saꞌ li tenamit Damasco.

Hechos 9:17

Co̱ ut laj Ananías ut qui-oc saꞌ li cab joꞌ quiyeheꞌ re. Quixqꞌue li rukꞌ saꞌ xbe̱n laj Saulo ut quixye re: —Hermano Saulo, li Ka̱cuaꞌ Jesús, li quixcꞌutbesi rib cha̱cuu saꞌ li be nak yo̱cat chi cha̱lc arin, aꞌan xtaklan chak cue arin re nak ta̱ru̱k tat-ilok cuiꞌchic ut ta̱cꞌul li Santil Musikꞌej, chan laj Ananías re.

Hechos 9:19

Ut nak ac xcuaꞌac, quicacuu cuiꞌchic. Laj Saulo quicana cuib oxib cutan saꞌ xya̱nkeb laj pa̱banel li cuanqueb Damasco.

Hechos 22:13

Nak quicuulac cuanquin cuiꞌ, quixakli chincꞌatk ut quixye cue, “At hermano Saulo, chat-ilok cuiꞌchic,” chan cue. Ut saꞌ ajcuiꞌ li ho̱nal aꞌan qui-iloc cuiꞌchic li xnakꞌ cuu ut quicuil ru laj Ananías.