Hechos 8:9 - Li Santil hu

⁹ Quicuan jun li cui̱nk aj Simón xcꞌabaꞌ. Aꞌan aj kꞌe. Ac najter na-oc chixbalakꞌinquileb li cuanqueb saꞌ li tenamit Samaria. Aꞌan naxye nak nim xcuanquil.

Q'eqchi Bible

⁹ Sa' li tenamit a'an wank jun li winq, aj Simón xk'ab'a', natuulak ut naxye rib' naq nim xwankil: sachsookeb' xch'ool laj Samaria xb'aan a'an,

Hechos 8:9 ပူးပေါင်းရင်းမြစ်များ

Hechos 13:6

Yo̱queb chixbeninquil chixjunil li naꞌajej li sutsu saꞌ haꞌ. Queꞌcuulac saꞌ li tenamit Pafos. Aran queꞌxtau jun aj tu̱l aj judío. Barjesús lix cꞌabaꞌ. Li cui̱nk aꞌan aj balakꞌ. Naxye nak saꞌ xcꞌabaꞌ li Dios naa̱tinac. Abanan moco ya̱l ta.

Hechos 5:36

Qꞌuehomak retal li cꞌaꞌru quixcꞌul laj Teudas. Aꞌan quixye nak kꞌaxal nim xcuanquil. Cuan na ca̱hibak ciento chi cui̱nk li nequeꞌta̱ken re. Aban li jun aꞌan quicamsi̱c ut chixjunileb li queꞌta̱ken re quilajeꞌxchaꞌchaꞌi ribeb ut queꞌosoꞌ yal chi joꞌcan.

San Juan 7:18

Cui junak naxchꞌolob xya̱lal li naxcꞌoxla xjunes, li jun aꞌan naraj nak ta̱qꞌuehekꞌ xlokꞌal xbaneb li nequeꞌabin re. Abanan li ani naraj nak ta̱qꞌuehekꞌ xlokꞌal li quitaklan chak re, li jun aꞌan ti̱c xchꞌo̱l ut ma̱cꞌaꞌ balakꞌic riqꞌuin.

Levítico 20:6

La̱in xicꞌ nacuileb li nequeꞌxsicꞌ xnaꞌleb riqꞌuineb li nequeꞌa̱tinan musikꞌej, joꞌqueb ajcuiꞌ li nequeꞌtzꞌekta̱nan cue ut nequeꞌxsicꞌ xnaꞌleb riqꞌuineb laj kꞌe. Tincuisiheb saꞌ xya̱nkeb laj Israel.

Hechos 8:11

Ut queꞌxqꞌue xchꞌo̱l chixba̱nunquil li cꞌaꞌru naxye xban nak ac junxil na-oc chixbalakꞌinquileb.

Éxodo 7:22

Joꞌ nak queꞌxcꞌutbesi lix naꞌlebeb laj Moisés ut laj Aarón, joꞌcan ajcuiꞌ queꞌxba̱nu laj kꞌe. Ut kꞌaxal cuiꞌchic quicacuuc xchꞌo̱l laj faraón. Joꞌ quixye li Ka̱cuaꞌ Dios, laj faraón chi ti̱c incꞌaꞌ qui-abin chiru.

Éxodo 7:11

Ut laj faraón quixbokeb li cui̱nk li cuanqueb xnaꞌleb joꞌ eb ajcuiꞌ laj kꞌe li cuanqueb saꞌ li tenamit Egipto. Joꞌ quixba̱nu laj Aarón, joꞌcan ajcuiꞌ queꞌxba̱nu eb aꞌan.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

2 Timoteo 3:5

Teꞌxye rib nak aj pa̱baneleb, abanan incꞌaꞌ teꞌxqꞌue xcuanquil li pa̱ba̱l. At Timoteo, ma̱junaji a̱cuib riqꞌuineb aꞌan.

2 Timoteo 3:2

Eb li cristian junes reheb teꞌraj. Teꞌxrahi ru li tumin. Teꞌxnimobresi xcuanquil xjuneseb rib. Teꞌxkꞌetkꞌeti ribeb. Teꞌhobok ut teꞌxkꞌet ra̱tin xnaꞌ xyucuaꞌ. Incꞌaꞌ teꞌtioxi̱nk ut incꞌaꞌ teꞌxqꞌue xcuanquil xpa̱banquil li Dios.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Éxodo 9:11

Eb laj kꞌe incꞌaꞌ chic queꞌru xcꞌutbal xcuanquileb chiru laj Moisés xban nak yajeb xban li xox joꞌ nak queꞌyajer chixjunileb laj Egipto.

Hechos 13:8

Abanan yo̱ chi chꞌiꞌchꞌiꞌi̱nc laj Barjesús laj tu̱l. (Chi jalbil ru li cꞌabaꞌej aꞌan naraj naxye Elimas.) Yo̱ chixchꞌiꞌchꞌiꞌinquileb xban nak incꞌaꞌ quiraj nak ta̱pa̱ba̱nk laj Sergio Paulo.