Hechos 8:7 - Li Santil hu

⁷ Nabaleb li cuan ma̱us aj musikꞌej riqꞌuineb queꞌqꞌuirtesi̱c. Japjo̱queb re li ma̱us aj musikꞌej nak nequeꞌel riqꞌuineb. Ut nabaleb li ye̱k rokeb ut li sic rok rukꞌeb quilajeꞌqꞌuirtesi̱c.

Q'eqchi Bible

⁷ Naab'aleb' eechaninb'ileb' xb'aaneb' li tz'ajn aj musiq'ej neke'xjap re chi kaw naq eb' laj tza neke'elk rik'ineb'; naab'aleb' ajwi' li sik ut yeq roqeb' ke'k'irtasiik.

Hechos 8:7 ပူးပေါင်းရင်းမြစ်များ

San Mateo 10:1

Saꞌ jun li cutan li Jesús quixbokeb lix tzolom cablaju riqꞌuin ut quixqꞌueheb xcuanquil chirisinquil li ma̱us aj musikꞌej ut quixqꞌueheb xcuanquil chixqꞌuirtesinquileb li yaj, aꞌ yalak cꞌaꞌru chi xyajelil ut raylal.

Hechos 5:16

Nabaleb li queꞌchal chak saꞌ eb li tenamit li cuanqueb chi nachꞌ riqꞌuin Jerusalén. Queꞌxcꞌam chak li yaj ut eb li cuan ma̱us aj musikꞌej riqꞌuineb. Ut chixjunileb quilajeꞌqꞌuirtesi̱c.

Hebreos 2:4

Li Dios quixcꞌut chiku nak tzꞌakal ya̱l aꞌan riqꞌuineb li retalil ut li milagro li quilajxba̱nu riqꞌuin lix nimal xcuanquilal. Ut naxcꞌut ajcuiꞌ chiku nak ya̱l xban nak naxqꞌue li Santil Musikꞌej reheb li junju̱nk. Joꞌcan nak ac xma̱tan xma̱tan li junju̱nk joꞌ naraj li Dios.

San Juan 14:12

Relic chi ya̱l ninye e̱re, li ani napa̱ban cue la̱in, aꞌan tixba̱nu li cꞌanjel ninba̱nu la̱in. Ut kꞌaxal cuiꞌchic nabal li tixba̱nu chiru li xinba̱nu la̱in xban nak la̱in xic cue riqꞌuin li Yucuaꞌbej.

San Lucas 10:17

Queꞌsukꞌi chak li laje̱b xca̱cꞌa̱l chi cui̱nk chi saheb saꞌ xchꞌo̱l ut queꞌxye re li Jesús: —At Ka̱cuaꞌ, saꞌ a̱cꞌabaꞌ la̱at nequeꞌpa̱ban chiku eb li ma̱us aj musikꞌej, chanqueb.

San Marcos 9:26

Ut li ma̱us aj musikꞌej quixjap re ut quixchꞌikle chi cau li al. Tojoꞌnak qui-el riqꞌuin. Ut li al chanchan camenak quicana. Nabal li tenamit queꞌyehoc re nak xcam.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

Isaías 35:6

Ut eb li ye̱k rok chanchanakeb chic li quej nak teꞌpiscꞌok xban xsahileb xchꞌo̱l. Li mem teꞌa̱tinak chic ut teꞌxjap re xban xsahileb xchꞌo̱l. Ut saꞌ li chaki chꞌochꞌ ta̱cua̱nk li yuꞌam haꞌ chi numtajenak.

Hechos 8:6

Ut chixjunileb queꞌxqꞌue xchꞌo̱l chirabinquil li a̱tin li quixye laj Felipe xbaneb li milagro quilajxba̱nu.