Hechos 8:5 - Li Santil hu

⁵ Laj Felipe co̱ saꞌ li tenamit Samaria ut qui-oc chixchꞌolobanquil resil chiruheb li tenamit nak li Cristo, aꞌan laj Colonel li yechiꞌinbil xban li Dios.

Q'eqchi Bible

⁵ Laj Felipe kikub'eek sa' jun li tenamit sa' xteepal Samaria, ut kixtikib' xpuktesinkil resil li Kriist chiruheb'.

Hechos 8:5 ပူးပေါင်းရင်းမြစ်များ

Hechos 6:5

Ut queꞌxcꞌul xchꞌo̱leb chixjunil li cuanqueb aran. Queꞌxsicꞌ ru laj Esteban li napa̱ban chi tzꞌakal ut nujenak chi Santil Musikꞌej. Ut queꞌxsicꞌ ajcuiꞌ ruheb laj Felipe, laj Prócoro, laj Nicanor, laj Timón, laj Parmenas, ut laj Nicolás aj Antioquía li qui-oc saꞌ xya̱nkeb laj judío.

Hechos 21:8

Joꞌ cuulajak chic co̱o Cesarea. Nak cocuulac aran, co̱o saꞌ rochoch laj Felipe laj yehol resil li colba-ib. Aꞌan jun reheb li cuukub li queꞌsiqꞌueꞌ ruheb Jerusalén re teꞌxtenkꞌaheb li apóstol.

Hechos 8:40

Ut laj Felipe quicꞌameꞌ Azoto ut coxnumekꞌ saꞌ chixjunileb li tenamit. Yo̱ chixchꞌolobanquil xya̱lal li evangelio chalen nak quicuulac saꞌ li tenamit Cesarea.

1 Corintios 3:11

Tixqꞌue retal chanru lix cꞌanjel xban nak ac qꞌuebil lix cimiento li cab. Ut ma̱ ani naru tixqꞌue junak chic li cimiento chiru li ac qꞌuebil. Ut aꞌan li Ka̱cuaꞌ Jesucristo.

1 Corintios 1:23

Aban la̱o nakachꞌolob xya̱lal nak li Cristo quicam chiru li cruz re kacolbal. Abanan li ca̱mc chiru cruz xuta̱nal chiruheb laj judío ut incꞌaꞌ nequeꞌraj xtaubal xya̱lal lix camic li Cristo. Joꞌcan nak chiruheb laj judío lix ya̱lal lix camic li Cristo chanchan jun li pec nequeꞌxtich rokeb chiru. Joꞌcan ajcuiꞌ chiruheb li ma̱cuaꞌeb aj judío, lix ya̱lal lix camic li Cristo to̱ntil naꞌleb chiruheb.

Hechos 5:42

Ut incꞌaꞌ queꞌxcanab xchꞌolobanquil xya̱lal chiruheb li tenamit saꞌ li templo ut saꞌ eb li rochoch ut queꞌxye resil nak li Jesucristo, aꞌan laj Colonel li yechiꞌinbil xban li Dios.

1 Corintios 2:2

Xban nak incꞌaꞌ xcuaj xcꞌutbal nak cuan innaꞌleb, joꞌcan nak caꞌaj cuiꞌ chirix lix camic li Cristo chiru li cruz xina̱tinac.

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

Hechos 8:1

Laj Saulo quixcꞌul xchꞌo̱l nak queꞌxcamsi laj Esteban. Chalen saꞌ li cutan aꞌan queꞌoc xrahobtesinquileb chixjunileb laj pa̱banel aran Jerusalén ut cꞌajoꞌ li raylal queꞌxcꞌul. Ut chixjunileb quilajeꞌxjeqꞌui rib saꞌ eb li naꞌajej Judea ut Samaria. Caꞌaj chic eb li apóstol queꞌcana Jerusalén.

Hechos 1:8

La̱ex te̱cꞌul le̱ cuanquil nak ta̱cha̱lk li Santil Musikꞌej e̱riqꞌuin. La̱ex chic texchꞌoloba̱nk resilal chicuix la̱in arin Jerusalén, aran Judea ut Samaria. Joꞌ ajcuiꞌ yalak bar jun sut saꞌ ruchichꞌochꞌ te̱chꞌolob lix ya̱lal, chan.

Hechos 8:6

Ut chixjunileb queꞌxqꞌue xchꞌo̱l chirabinquil li a̱tin li quixye laj Felipe xbaneb li milagro quilajxba̱nu.

Hechos 8:26

Ut jun lix ángel li Ka̱cuaꞌ quia̱tinac riqꞌuin laj Felipe ut quixye re: —Tatxic saꞌ li be li cuan saꞌ li sur. Li be aꞌan li nanumeꞌ saꞌ li chaki chꞌochꞌ naxic Jerusalén toj Gaza.—

Hechos 8:30

Quijiloc laj Felipe ut quirabi nak li cui̱nk yo̱ chirilbal xsaꞌ li hu li quixtzꞌi̱ba li profeta Isaías. Laj Felipe quixpatzꞌ re: —¿Ma nacatau ru li yo̱cat chirilbal? chan re.