Hechos 8:32 - Li Santil hu

³² Ut li hu li yo̱ chirilbal xsaꞌ, aꞌan li quixtzꞌi̱ba li profeta Isaías. Naxye chi joꞌcaꞌin: Nak yo̱ xrahobtesinquil, quixcubsi rib ut ma̱ jun a̱tin quixye joꞌ jun carner nak quicꞌameꞌ chi camsi̱c. Chanchan nak naxcanab rib li carner chi besecꞌ li rix chiruheb li nequeꞌbesoc re, joꞌcan quixba̱nu aꞌan. Ut ma̱ jun a̱tin quixye.

Q'eqchi Bible

³² Li xraqalil li Santil Hu li yo chi rilb'al a'an a'in: “Kik'ame'k chi kamsiik jo' junaq karneer. Jo' junaq ch'ina karneer, mem chiru laj b'esol re li rix, jo'kan ajwi' a'an ink'a' kixte li xtz'uumal re.

Hechos 8:32 ပူးပေါင်းရင်းမြစ်များ

Jeremías 51:40

La̱in tinqꞌueheb chi camsi̱c. Chanchanakeb li carner ut eb li ral ut eb li chiba̱t nak nequeꞌcꞌameꞌ chi camsi̱c.

Romanos 8:36

Joꞌcaꞌin tzꞌi̱banbil saꞌ li Santil Hu: Cuulaj cuulaj yo̱queb chixcꞌoxlanquil kacamsinquil saꞌ a̱cꞌabaꞌ. Chiruheb aꞌan chanchano li carner li nequeꞌcꞌameꞌ chi camsi̱c. (Sal. 44:22)

Jeremías 11:19

La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.

Salmos 39:9

Incꞌaꞌ tina̱tinak. Ma̱cꞌaꞌ tinye xban nak la̱at xina̱canab chixcꞌulbal li raylal aꞌin.

Salmos 39:2

Xinba̱nu cuib joꞌ li mem. Ma̱cꞌaꞌ xinye. Usta raj us li xinye, abanan incꞌaꞌ xina̱tinac. Ut quiniman ajcuiꞌ lin raylal.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Jeremías 12:3

At Ka̱cuaꞌ, la̱at nacanau cuu. Nacanau chanru lin naꞌleb ut chanru lin cꞌaꞌux cha̱cuu. Chacꞌameb li tenamit aꞌan joꞌ nak nequeꞌcꞌameꞌ li carner chi camsi̱c. Teneb ca̱mc saꞌ xbe̱neb.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

San Lucas 23:34

Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

Números 7:57

Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej.

Hechos 8:31

Ut li cui̱nk quixye: —¿Chanru nak tintau ru cui ma̱ ani junak ta̱cꞌutuk lix ya̱lal chicuu?— Ut quixtzꞌa̱ma chiru laj Felipe nak ta̱takekꞌ saꞌ li carruaje ut ta̱cꞌojla̱k chixcꞌatk.

1 Corintios 15:3

Li cꞌaꞌru quixcꞌut li Ka̱cuaꞌ chicuu, aꞌan ajcuiꞌ li xinchꞌolob che̱ru. Lix ya̱lal aꞌan kꞌaxal nim xcuanquil ut aꞌan aꞌin: nak li Ka̱cuaꞌ Jesucristo quicam re xtojbal rix li kama̱c joꞌ tzꞌi̱banbil najter saꞌ li Santil Hu xbaneb li profeta.

Números 7:39

Quixqꞌue ajcuiꞌ jun li toro toj sa̱j, jun li te̱lom carner, ut jun li te̱lom carner jun chihab cuan re, re li cꞌatbil mayej.