Hechos 8:3 - Li Santil hu

³ Aban laj Saulo yalyo xkꞌe chixrahobtesinquileb laj pa̱banel. Na-oc saꞌ eb li cab ut narisiheb saꞌ rochocheb ut naxcꞌameb saꞌ tzꞌalam, joꞌ cui̱nk joꞌ ixk.

Q'eqchi Bible

³ A'ut laj Sawlo yo chi xjuk'inkil li Iklees: na'okje'k sa'atqeb' li kab'l, sa' josq'il naxk'ameb' li winq ut ixq, ut naxk'eheb' sa' tz'alam.

Hechos 8:3 ပူးပေါင်းရင်းမြစ်များ

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

Filipenses 3:6

Xinqꞌue inchꞌo̱l chixba̱nunquil chixjunil li chakꞌrab li nequeꞌxba̱nu laj fariseo toj retal nak quinrahobtesiheb laj pa̱banel. Chiruheb laj fariseo ma̱cꞌaꞌ inma̱c xban nak xinba̱nu chixjunil li tzꞌi̱banbil saꞌ li chakꞌrab.

Gálatas 1:13

Ac e̱rabiom ajcuiꞌ resil chanru nak quincuan chak saꞌ lix pa̱ba̱leb laj judío. La̱ex nequenau nak kꞌaxal nabal li raylal quinba̱nu reheb li nequeꞌpa̱ban re li Dios ut quinyal inkꞌe chixsachbal ruheb laj pa̱banel.

1 Corintios 15:9

La̱in cubenak incuanquil chiruheb chixjunileb li apóstol ut ma̱cuaꞌ raj incꞌulub nak la̱inak apóstol xban nak la̱in xinrahobtesiheb chak laj pa̱banel.

Hechos 22:19

La̱in quinye re, “At Ka̱cuaꞌ, chixjunileb nequeꞌxnau nak la̱in co̱in saꞌ li junju̱nk chi cab li nequeꞌxchꞌutub cuiꞌ ribeb laj judío chixchapbaleb laj pa̱banel re nak teꞌqꞌuehekꞌ saꞌ tzꞌalam ut teꞌsaqꞌuekꞌ.

Hechos 9:21

Ut chixjunileb li yo̱queb chi abi̱nc re queꞌsach xchꞌo̱leb chirabinquil ut queꞌxye: —¿Ma ma̱cuaꞌ ta biꞌ aꞌan li yo̱ chi rahobtesi̱nc reheb laj pa̱banel aran Jerusalén? ¿Ma ma̱cuaꞌ ta biꞌ re xchapbaleb laj pa̱banel nak xchal arin re nak tixcꞌameb riqꞌuineb li xbe̱nil aj tij? chanqueb.

Hechos 7:58

Queꞌrisi laj Esteban saꞌ li tenamit. Ut eb li oqueb re chi cutuc re chi pec, queꞌxcanab li rakꞌeb chi rok jun li sa̱j cui̱nk aj Saulo xcꞌabaꞌ.

Santiago 2:6

La̱ex nequetzꞌekta̱naheb li nebaꞌ ut nequeqꞌue xlokꞌaleb li biom. ¿Ma incꞌaꞌ ta biꞌ nequeqꞌue retal nak li biom, aꞌaneb li nequeꞌrahobtesin e̱re? Ut, ¿ma ma̱cuaꞌeb ta biꞌ li biom li nequeꞌcꞌamoc e̱re saꞌ rakleb a̱tin?

Hechos 8:2

Cuib oxib laj pa̱banel queꞌmukuc re laj Esteban ut cꞌajoꞌ nak queꞌrahoꞌ xchꞌo̱leb xban lix camic.

Hechos 16:19

Nak queꞌxqꞌue retal lix patrón li xkaꞌal nak incꞌaꞌ chic ta̱ru̱k tixsicꞌ xtumineb, queꞌxchap laj Pablo ut laj Silas ut queꞌxcꞌam saꞌ po̱pol chiruheb laj rakol a̱tin.