Hechos 8:23 - Li Santil hu

²³ La̱at cꞌajoꞌ nak nacatcakalin ut junes ma̱usilal nacacꞌoxla, chan laj Pedro.

Q'eqchi Bible

²³ Yookin chi rilb'al naq q'axal ra wankat ut b'ak'b'ookat sa' laamaa'usilal.

Hechos 8:23 ပူးပေါင်းရင်းမြစ်များ

Isaías 58:6

Li ayunic li nacuulac chicuu la̱in, aꞌan aꞌin: te̱canab xba̱nunquil li ma̱usilal reheb li nequeꞌcꞌanjelac che̱ru. Chanchan nak te̱tꞌup li cadena li bacꞌbo̱queb cuiꞌ nak te̱canabeb chi xic. Chanchan nak te̱risi li i̱k cuan saꞌ xbe̱neb nak te̱canab xrahobtesinquileb.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

San Juan 8:34

Li Jesús quixye reheb: —Relic chi ya̱l ninye e̱re nak chixjunileb li nequeꞌxba̱nu li ma̱usilal cuanqueb rubel xcuanquil li ma̱c. Chanchan nak cꞌayinbileb chi cꞌanjelac chiru.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Lamentaciones 3:19

La̱in nincꞌoxlac chirix chixjunil li raylal ut li rahil chꞌo̱lejil li nincꞌul. Nacuecꞌa tzꞌakal xmay li raylal li nincꞌul.

Lamentaciones 3:5

Junes raylal ut chꞌaꞌajquilal nincꞌul. Sutsu̱quin xban li raylal.

Jeremías 9:15

Joꞌcan nak la̱in li nimajcual Dios, lix Dioseb laj Israel, tinqꞌue li raylal saꞌ xbe̱neb. Chanchan nak tinqꞌue chixtzacaheb li cꞌahil tzacae̱mk. Ut chanchan tinqꞌue li haꞌ li banbil xsaꞌ chiruqꞌueb.

Jeremías 4:18

La̱ex aj Judá, yo̱quex chixcꞌulbal li raylal aꞌin xban li ma̱usilal xeba̱nu. Xban le̱ ma̱c nak yo̱quex chixcꞌulbal li raylal aꞌin ut nayotꞌeꞌ e̱chꞌo̱l xban.

Isaías 28:22

Joꞌcan ut nak canabomak li hoboc re nak incꞌaꞌ ta̱nima̱nk li raylal li te̱cꞌul. La̱in ac xcuabi nak li nimajcual Dios tixsach ru chixjunil le̱ tenamit. Ac tenebanbil saꞌ e̱be̱n nak ta̱sachekꞌ ruheb.

Salmos 116:16

At nimajcual Dios, relic chi ya̱l la̱in aj cꞌanjel cha̱cuu ut lin naꞌ aj cꞌanjel ajcuiꞌ cha̱cuu. La̱at xina̱col chiru li ca̱mc.

Li xHu LAJ JOB 20:14

Abanan nak nacuulac saꞌ xsaꞌ, nacꞌahoꞌ. Chanchan chic li veneno li naxqꞌue li cꞌantiꞌ.

Efesios 4:31

Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.