Hechos 8:22 - Li Santil hu

²² Cui ta̱yotꞌ a̱chꞌo̱l ta̱jal a̱cꞌaꞌux ut ta̱canab xba̱nunquil li ma̱usilal aꞌin ut cui ta̱tzꞌa̱ma a̱cuybal chiru li Dios, ma̱re chan nak tixcuy a̱ma̱c riqꞌuin li xacꞌoxla.

Q'eqchi Bible

²² Yot' aach'ool ut jal laak'a'uxl, ut kanab' laamaa'usilal; tz'aaman chiru li Qaawa': mare anchal tixkuy li ink'a' us xak'oxla sa' laach'ool.

Hechos 8:22 ပူးပေါင်းရင်းမြစ်များ

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Romanos 2:4

¿Ma ta̱tzꞌekta̱na lix nimal ruxta̱n li Dios? ¿Ma ta̱tzꞌekta̱na lix cuyum ut lix kꞌunil xchꞌo̱l? ¿Ma incꞌaꞌ nacaqꞌue retal nak xban lix nimal rusilal li Dios naraj nak ta̱yotꞌ a̱chꞌo̱l ta̱jal a̱cꞌaꞌux?

Hechos 17:30

Li Dios incꞌaꞌ quixqꞌue saꞌ xbe̱neb li tenamit lix ma̱queb saꞌ eb li cutan nak incꞌaꞌ queꞌxtau ru lix ya̱lal. Abanan anakcuan naxjultica chiruheb chixjunileb li tenamit nak teꞌxyotꞌ xchꞌo̱l teꞌxjal xcꞌaꞌux.

Hechos 9:11

Ut li Ka̱cuaꞌ quixye re: —La̱in tinye a̱cue, ayu saꞌ rochoch laj Judas li cuan saꞌ li nim be li Ti̱c nequeꞌxye re. Aran ta̱sicꞌ jun li cui̱nk li xchal chak Tarso. Aj Saulo xcꞌabaꞌ. Aꞌan yo̱ chi tijoc aran.

Apocalipsis 2:21

La̱in xcuaj raj nak tixyotꞌ xchꞌo̱l ut tixjal xcꞌaꞌux ut xcuoybeni re tixba̱nu. Abanan incꞌaꞌ naraj xcanabanquil li ma̱usilal.

Hechos 8:20

Laj Pedro quixye re: —Chisachk la̱ tumin a̱cuochben xban nak xacꞌoxla nak ta̱ru̱k ta̱lokꞌ riqꞌuin tumin li naxqꞌue chi ma̱tan li Ka̱cuaꞌ Dios, chan.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Jonás 1:6

Ut li nataklan saꞌ li jucub co̱ cuan cuiꞌ laj Jonás ut quixye re: —Ut la̱at, ¿cꞌaꞌut nak yo̱cat chi cua̱rc? Cuaclin ut ya̱ba xcꞌabaꞌ la̱ Dios. Ma̱re chan nak aꞌan ta̱ril xtokꞌoba̱l ku ut toxtenkꞌa re nak incꞌaꞌ to-osokꞌ, chan.

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

Amós 5:6

—Sicꞌomakin ban la̱in, chan li Ka̱cuaꞌ, ut ta̱cua̱nk le̱ yuꞌam chi tzꞌakal, xban nak cui incꞌaꞌ tine̱sicꞌ, tinrakok a̱tin saꞌ e̱be̱n. Chanchan xam tintakla chak nak tinrakok a̱tin saꞌ e̱be̱n la̱ex laj Israel. Chixjunileb teꞌcꞌatekꞌ xban li xam ut ma̱ ani junak saꞌ xya̱nkeb laj Bet-el ta̱ru̱k ta̱chupuk re li xam, chan li Dios.

Proverbios 24:9

Lix cꞌaꞌux li ma̱cꞌaꞌ xnaꞌleb, aꞌan ma̱c. Xicꞌ na-ileꞌ xbaneb li cristian li nahoboc.