Hechos 8:1 - Li Santil hu

¹ Laj Saulo quixcꞌul xchꞌo̱l nak queꞌxcamsi laj Esteban. Chalen saꞌ li cutan aꞌan queꞌoc xrahobtesinquileb chixjunileb laj pa̱banel aran Jerusalén ut cꞌajoꞌ li raylal queꞌxcꞌul. Ut chixjunileb quilajeꞌxjeqꞌui rib saꞌ eb li naꞌajej Judea ut Samaria. Caꞌaj chic eb li apóstol queꞌcana Jerusalén.

Q'eqchi Bible

¹ Laj Sawlo kixk'ul xch'ool naq kikamsiik laj Esteban. Sa' li kutan a'an ke'xtikib' xrahob'tesinkil li Iklees li wank Jerusalén, ut chixjunileb' ke'xcha'cha'i rib'eb' sa' xsutam Judea ut Samaria, ka'ajeb' chik eb' li apóstol ke'kanaak.

Hechos 8:1 ပူးပေါင်းရင်းမြစ်များ

Hechos 22:20

Nak queꞌxcamsi laj Esteban li quichꞌoloban lix ya̱lal cha̱cuix, la̱in cuanquin ajcuiꞌ aran. Yo̱quin chirilbal ut quisahoꞌ inchꞌo̱l riqꞌuin lix camic. Ut la̱in ajcuiꞌ quin-iloc re li rakꞌeb li queꞌcamsin re,” chanquin re.

Hechos 7:58

Queꞌrisi laj Esteban saꞌ li tenamit. Ut eb li oqueb re chi cutuc re chi pec, queꞌxcanab li rakꞌeb chi rok jun li sa̱j cui̱nk aj Saulo xcꞌabaꞌ.

Hechos 5:40

Ut queꞌxcꞌul xchꞌo̱l li quixye. Queꞌxbokeb li apóstol ut queꞌxqꞌueheb chi saqꞌuecꞌ ut queꞌxye reheb nak incꞌaꞌ chic teꞌa̱tinak saꞌ xcꞌabaꞌ li Jesús. Ut chirix aꞌan, queꞌachꞌaba̱c.

Hechos 5:33

Li xyucuaꞌil aj tij ut li cuanqueb rochben, cꞌajoꞌ nak queꞌjoskꞌoꞌ nak queꞌrabi li quixye laj Pedro ut queꞌraj raj xcamsinquileb li apóstol.

Hechos 1:8

La̱ex te̱cꞌul le̱ cuanquil nak ta̱cha̱lk li Santil Musikꞌej e̱riqꞌuin. La̱ex chic texchꞌoloba̱nk resilal chicuix la̱in arin Jerusalén, aran Judea ut Samaria. Joꞌ ajcuiꞌ yalak bar jun sut saꞌ ruchichꞌochꞌ te̱chꞌolob lix ya̱lal, chan.

Hechos 8:14

Eb li apóstol li toj cuanqueb Jerusalén queꞌrabi resil nak eb laj Samaria yo̱queb chixpa̱banquil li Dios. Joꞌcan nak queꞌxtakla laj Pedro ut laj Juan aran.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Hechos 8:4

Ut chixjunileb li queꞌxjeqꞌui ribeb saꞌ jalan naꞌajej yo̱queb chixyebal resil li evangelio yalak bar.

San Juan 15:20

Chijulticokꞌ e̱re nak xinye e̱re nak ma̱ jun aj cꞌanjel naxkꞌax ru xcuanquil lix patrón. Cui xineꞌxrahobtesi la̱in, texrahobtesi̱k ajcuiꞌ la̱ex. Cui ta xeꞌxba̱nu li cꞌaꞌru xinye la̱in, teꞌxba̱nu aj raj cuiꞌ li cꞌaꞌru te̱ye la̱ex.

Hebreos 11:27

Xban xpa̱ba̱l laj Moisés qui-el chak saꞌ li tenamit Egipto ut incꞌaꞌ quixucuac chiru li rey usta yo̱ xjoskꞌil saꞌ xbe̱n. Quixcacuubresi xchꞌo̱l xban nak naxnau nak li Dios cuan riqꞌuin. Chanchan li yo̱ chirilbal ru, aban li Dios ma̱ ani na-iloc ru.

Filipenses 1:12

Ex inherma̱n, nacuaj nak te̱nau nak chixjunil li yo̱quin chixcꞌulbal, aꞌan yo̱ chi cꞌanjelac re xyebal resil li colba-ib yalak bar.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Hechos 7:38

Aꞌan li quicuan rochbeneb laj Israel nak queꞌxchꞌutub ribeb saꞌ li chaki chꞌochꞌ. Quicuan rochbeneb li kaxeꞌto̱nil yucuaꞌ ut rochben ajcuiꞌ li ángel li quia̱tinac riqꞌuin saꞌ li tzu̱l Sinaí nak quixye re li ra̱tin li Dios li naqꞌuehoc yuꞌam re nak aꞌan chic ta̱yehok ke la̱o.

Hechos 5:20

—Ayukex saꞌ li templo ut te̱chꞌolob xya̱lal chiruheb li tenamit chirix li acꞌ yuꞌam, chan reheb.

Hechos 5:18

Joꞌcan nak queꞌxtakla xchapbaleb ut queꞌxqꞌueheb saꞌ li tzꞌalam li nequeꞌqꞌueheꞌ cuiꞌ yalak ani.

Hechos 2:47

Queꞌxlokꞌoni li Ka̱cuaꞌ Dios ut queꞌqꞌueheꞌ xcuanquil xbaneb chixjunileb li tenamit. Ut rajlal cutan li Dios quixtenkꞌaheb chi qꞌuia̱nc laj pa̱banel.

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

San Mateo 23:34

La̱in tintaklaheb e̱riqꞌuin li profeta ut li cuanqueb xnaꞌleb ut eb laj tzolonel. Abanan la̱ex incꞌaꞌ te̱rabi. Ut saꞌ xya̱nkeb aꞌan, cuan te̱camsiheb, cuan te̱qꞌueheb chiru cruz, ut cuan cuiꞌchic li te̱rahobtesiheb saꞌ li cab li nequechꞌutub cuiꞌ e̱rib chixtzolbal ra̱tin li Dios. Ut cuan cuiꞌchic te̱ta̱keheb saꞌ li junju̱nk chi tenamit re xchapbaleb.

San Mateo 22:6

Ut eb li jun chꞌol chic queꞌxchapeb lix mo̱s li rey, queꞌxrahobtesiheb ut queꞌxcamsiheb.

San Mateo 5:13

La̱ex aj pa̱banel chanchanex li atzꞌam li nacꞌanjelac arin saꞌ ruchichꞌochꞌ. Cui ta li atzꞌam ta̱sachk xquiꞌal, ¿cꞌaꞌ ta raj chic ru ta̱oc cuiꞌ? Ma̱cꞌaꞌ chic ta̱oc cuiꞌ. Yal re tzꞌekecꞌ aj chic ut re yekꞌi̱c.

Daniel 6:23

Cꞌajoꞌ nak quisahoꞌ xchꞌo̱l li rey xban nak quicoleꞌ laj Daniel ut quixtakla risinquil saꞌ xnaꞌajeb li cakcoj. Ut ma̱cꞌaꞌ quixcꞌul laj Daniel xban nak cꞌojcꞌo xchꞌo̱l riqꞌuin lix Dios.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Nehemías 6:3

Joꞌcan nak la̱in quintaklaheb lin takl riqꞌuineb chixyebal reheb nak incꞌaꞌ ta̱ru̱k tinxic riqꞌuineb xban nak latzꞌ cuu xba̱nunquil jun nimla cꞌanjel. —Incꞌaꞌ naru nincanab xba̱nunquil li cꞌanjel yal re nak tinxic aran e̱riqꞌuin, chanquin reheb nak quintakla li resil.

Hechos 7:54

Nak queꞌrabi li cꞌaꞌru yo̱ chixyebal laj Esteban, cꞌajoꞌ nak queꞌjoskꞌoꞌ. Queꞌxcꞌuxuxi li ruch re xbaneb xjoskꞌil.

Hechos 8:2

Cuib oxib laj pa̱banel queꞌmukuc re laj Esteban ut cꞌajoꞌ nak queꞌrahoꞌ xchꞌo̱leb xban lix camic.

Hechos 8:5

Laj Felipe co̱ saꞌ li tenamit Samaria ut qui-oc chixchꞌolobanquil resil chiruheb li tenamit nak li Cristo, aꞌan laj Colonel li yechiꞌinbil xban li Dios.

Hechos 13:36

Relic chi ya̱l laj David nak toj yoꞌyo̱k quicꞌanjelac chiru lix tenamit joꞌ quiraj li Dios. Quicam ut quimukeꞌ chixcꞌatk lix xeꞌto̱nil yucuaꞌ ut quikꞌa lix tibel.

Hechos 26:10

La̱in quinqꞌueheb chi tzꞌapecꞌ saꞌ tzꞌalam nabaleb laj pa̱banel. Ut qꞌuebil incuanquil chixba̱nunquil aꞌan xbaneb li xbe̱nil aj tij. Ut nak nequeꞌcamsi̱c laj pa̱banel, la̱in quin-oquen ajcuiꞌ chirixeb re teꞌcamsi̱k. Aꞌin quilajinba̱nu aran Jerusalén.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.