Hechos 7:8 - Li Santil hu

⁸ Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

Q'eqchi Bible

⁸ Kixk'ojob' li Sumwank rik'in ut kixk'e li sirkunsisyon cho'q reetalil. Jo'kan naq, sa' xyo'lajik Isahak, laj Abrahán kixset xtz'uumal li xtz'ejwal sa' li xwaqxaq kutan; ut jo'kan ajwi' kixb'aanu laj Isahak re laj Jakob, ut laj Jakob reheb' li kab'laju chi qaxe' qatoon.

Hechos 7:8 ပူးပေါင်းရင်းမြစ်များ

Hechos 2:29

Ex kech tenamitil, la̱in ninye e̱re chi anchal inchꞌo̱l nak tzꞌakal ya̱l nak laj David li kaxeꞌto̱nil yucuaꞌ quicam ut quimukeꞌ. La̱o nakanau nak li mukleba̱l li cuan cuiꞌ toj cuan ajcuiꞌ chalen anakcuan.

Génesis 35:16

Eb aꞌan queꞌel saꞌ li naꞌajej Bet-el. Toj cuan ma̱ nequeꞌcuulac saꞌ li tenamit Efrata nak quicuulac xcutanquil nak ta̱qꞌuira̱k lix Raquel. Abanan quicuan chꞌaꞌajquilal saꞌ xyoꞌlajic li cꞌulaꞌal.

Hebreos 7:4

Qꞌuehomak retal nak laj Melquisedec, kꞌaxal nim xcuanquil chiru laj Abraham. Laj Abraham, aꞌan xyucuaꞌeb laj Israel, abanan quixqꞌue re laj Melquisedec li junju̱nk saꞌ xlaje̱tkil li quire̱chani chak saꞌ li ple̱t.

Gálatas 3:17

Aꞌin ut tinye: Li Dios quixba̱nu jun li contrato najter riqꞌuin laj Abraham ut quixxakab xcuanquil saꞌ xcꞌabaꞌ li Cristo. Li chakꞌrab li quiqꞌueheꞌ re laj Moisés ca̱hib ciento riqꞌuin laje̱b xcaꞌcꞌa̱l (430) chihab mokon incꞌaꞌ naxsach xcuanquil li contrato li ac xakabanbil xcuanquil, chi moco tixcanab ta chi ma̱cꞌaꞌ rajbal li yechiꞌinbil re laj Abraham xban li Dios.

Gálatas 3:15

Ex inherma̱n, nacuaj xchꞌolobanquil lix ya̱lal aꞌin che̱ru riqꞌuin li cꞌaꞌru nacꞌulman saꞌ li kayuꞌam arin saꞌ ruchichꞌochꞌ. Junak cui̱nk nak tixba̱nu xcontrato, chi acak xakxo xcuanquil, ma̱ ani chic naru nasachoc re, chi moco tixtik ru.

Romanos 4:10

Laj Abraham ma̱jiꞌ naxcꞌul li circuncisión nak li Dios quixye nak li cui̱nk aꞌan ti̱c xchꞌo̱l.

San Juan 7:22

Laj Moisés quixye e̱re nak tento te̱ba̱nu li circuncisión reheb le̱ ralal. (Ma̱cuaꞌ laj Moisés li quitiquiban re. Aꞌ le̱ xeꞌto̱nil yucuaꞌ, aꞌaneb li queꞌtiquiban re xba̱nunquil li circuncisión.) Usta hiloba̱l cutan, la̱ex nequeba̱nu li circuncisión.

San Mateo 1:2

Laj Abraham, aꞌan xyucuaꞌ laj Isaac. Laj Isaac, aꞌan xyucuaꞌ laj Jacob. Ut laj Jacob, aꞌan xyucuaꞌ laj Judá joꞌ eb ajcuiꞌ li ras ut li ri̱tzꞌin.

1 Crónicas 1:34

Laj Abraham, aꞌan lix yucuaꞌ laj Isaac. Ut laj Isaac, aꞌan lix yucuaꞌeb laj Esaú ut laj Israel, li nequeꞌxye ajcuiꞌ aj Jacob re.

Génesis 35:18

Ut nak ac ca̱mc re, lix Raquel quixye: —Aj Benoni te̱qꞌue chokꞌ xcꞌabaꞌ li cꞌulaꞌal aꞌin, chan ut quicam. Abanan li yucuaꞌbej quixqꞌue aj Benjamín chokꞌ xcꞌabaꞌ.

Génesis 29:31

Li Ka̱cuaꞌ Dios quiril nak lix Lea incꞌaꞌ naraheꞌ xban laj Jacob. Joꞌcan nak li Ka̱cuaꞌ Dios quixqꞌue chi cua̱nc xcocꞌal. Abanan lix Raquel incꞌaꞌ quiqꞌueheꞌ xcocꞌal.

Génesis 30:5

Ut lix Bilha quicana chi yaj aj ixk. Laj Jacob quicuan li ralal riqꞌuin lix Bilha.