Hechos 7:60 - Li Santil hu

⁶⁰ Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

Q'eqchi Bible

⁶⁰ Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

Hechos 7:60 ပူးပေါင်းရင်းမြစ်များ

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

San Lucas 23:34

Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re.

1 Corintios 15:20

Abanan relic chi ya̱l nak li Cristo quicuaclesi̱c cuiꞌchic chi yoꞌyo saꞌ xya̱nkeb li camenak. Aꞌan li xbe̱n li quicuacli chi yoꞌyo chiruheb chixjunileb li teꞌcuaclesi̱k cuiꞌchic chi yoꞌyo.

Hechos 20:36

Ut nak quirakeꞌ chixyebal chixjunil aꞌin, laj Pablo quixcuikꞌib rib ut qui-oc chi tijoc rochbeneb chixjunileb.

Hechos 9:40

Laj Pedro quirisiheb chirix cab. Quixcuikꞌib rib ut qui-oc chi tijoc. Ut quiril li camenak ut quixye re: —Tabita, cuaclin, chan. Ut li ixk quixte li xnakꞌ ru, ut nak quiril ru laj Pedro, quicꞌojla.

San Lucas 6:28

Chetzꞌa̱ma̱k rusilal li Dios saꞌ xbe̱neb li nequeꞌma̱usilan e̱re. Ut chextijok ajcuiꞌ chirixeb li nequeꞌhoboc e̱re.

1 Corintios 15:18

Cui ta joꞌcan, eb li queꞌxpa̱b li Cristo li queꞌcam sachenakeb raj ajcuiꞌ xban lix ma̱queb.

Hechos 21:5

Nak ac xnumeꞌ li cuukub cutan, co-el saꞌ li tenamit Tiro ut co̱o. Ut queꞌco̱eb laj pa̱banel chikacanabanquil rochbeneb li rixakil ut lix cocꞌaleb. Nak cocuulac chire li palau, cocuikꞌla ut co-oc chi tijoc.

Hechos 13:36

Relic chi ya̱l laj David nak toj yoꞌyo̱k quicꞌanjelac chiru lix tenamit joꞌ quiraj li Dios. Quicam ut quimukeꞌ chixcꞌatk lix xeꞌto̱nil yucuaꞌ ut quikꞌa lix tibel.

San Lucas 22:41

Ut li Jesús quirisi rib saꞌ xya̱nkeb joꞌ na xnajtil nacuteꞌ cuiꞌ junak pec. Ut aran quixcuikꞌib rib chi tijoc.

1 Ts 5:10

Aꞌan quicam saꞌ kacꞌabaꞌ re nak usta yoꞌyo̱co usta ac camenako chic nak ta̱cꞌulu̱nk, ta̱cua̱nk kayuꞌam chi junelic kochben aꞌan.

1 Corintios 15:6

Ut chirix chic aꞌan quixcꞌut rib chiruheb numenak o̱b ciento chi aj pa̱banel nak chꞌutchꞌu̱queb. Saꞌ xya̱nkeb aꞌan cuanqueb nabaleb toj yoꞌyo̱queb anakcuan ut cuanqueb ajcuiꞌ li ac camenakeb.

San Mateo 27:52

Quilajeꞌteli li queꞌmukeꞌ cuiꞌ li camenak ut nabaleb li ti̱queb xchꞌo̱l queꞌcuacli cuiꞌchic chi yoꞌyo.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

1 Corintios 11:30

Aꞌin ut xya̱lal nak nabal yajeb ut ma̱cꞌaꞌeb xmetzꞌe̱u saꞌ e̱ya̱nk ut cuanqueb ajcuiꞌ ac xeꞌcam.

Esdras 9:5

Saꞌ x-o̱ril li mayejac re li ecuu, quincuacli saꞌ li naꞌajej bar quincꞌojla cuiꞌ chi ra saꞌ inchꞌo̱l. Ac xinpej li cuakꞌ nak quincuikꞌib cuib. Quintaksi li cuukꞌ ut quin-oc chi tijoc chiru li Ka̱cuaꞌ lin Dios.

1 Corintios 15:51

Nacuaj ajcuiꞌ nak te̱nau lix ya̱lal li mukmu nak quicuan chak junxil. Aꞌan aꞌin: moco chikajunilo ta la̱o aj pa̱banel toca̱mk, abanan chikajunilo tojalanokꞌ.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

San Juan 11:11

Nak ac xye aꞌin, li Jesús quixye reheb lix tzolom: —Laj Lázaro li nakara, yo̱ chi cua̱rc. Abanan la̱in xic cue chirajsinquil, chan.

2 Timoteo 4:16

Nak quinbokeꞌ xbe̱n cua riqꞌuin laj rakol a̱tin, ma̱ ani quia̱tinac chicuix. Quineꞌxcanab injunes chixjunileb. Miqꞌueheꞌ ta li ma̱c aꞌin saꞌ xbe̱neb.

2 Pedro 3:4

Eb aꞌan teꞌxye: Li Jesucristo quixye nak ta̱cha̱lk. ¿Bar ta cuan? ¿Ma ac xcꞌulun ta? Chalen chak xcamiqueb li kaxeꞌ kato̱n chixjunil li cꞌaꞌak re ru cuan ajcuiꞌ anakcuan joꞌ nak quicuan chak chalen chak saꞌ xticlajic li ruchichꞌochꞌ, chaꞌkeb.