Hechos 7:6 - Li Santil hu

⁶ Aꞌan aꞌin li quixye li Dios re laj Abraham: “Eb la̱ cualal a̱cꞌajol teꞌcua̱nk saꞌ jalan tenamit ma̱cuaꞌ xtenamiteb. Ut saꞌ li tenamit aꞌan teꞌcua̱nk chokꞌ rahobtesinbil mo̱s ut xicꞌ teꞌilekꞌ chiru ca̱hib ciento chihab.

Q'eqchi Bible

⁶ Jo'ka'in ki'aatinak li Yos: «Eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'wanq cho'q aj loq'b'il k'anjel ut te'rahob'tesiiq chiru jun o'q'ob' (400) chihab'.

Hechos 7:6 ပူးပေါင်းရင်းမြစ်များ

Génesis 15:13

Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Gálatas 3:17

Aꞌin ut tinye: Li Dios quixba̱nu jun li contrato najter riqꞌuin laj Abraham ut quixxakab xcuanquil saꞌ xcꞌabaꞌ li Cristo. Li chakꞌrab li quiqꞌueheꞌ re laj Moisés ca̱hib ciento riqꞌuin laje̱b xcaꞌcꞌa̱l (430) chihab mokon incꞌaꞌ naxsach xcuanquil li contrato li ac xakabanbil xcuanquil, chi moco tixcanab ta chi ma̱cꞌaꞌ rajbal li yechiꞌinbil re laj Abraham xban li Dios.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Éxodo 3:10

Abi li cꞌaꞌru tinye a̱cue anakcuan. La̱in tatintakla riqꞌuin laj faraón re nak ta̱cuisiheb chak lin tenamit Egipto, chan li Dios.