Hechos 7:52 - Li Santil hu

⁵² ¿Ma cuan ta biꞌ junak profeta incꞌaꞌ quirahobtesi̱c xbaneb le̱ xeꞌto̱nil yucuaꞌ? ¿Ma incꞌaꞌ ta biꞌ queꞌxcamsiheb li queꞌchꞌoloban chak resil lix cꞌulunic li jun li Ti̱c Xchꞌo̱l, li quekꞌaxtesi la̱ex chi camsi̱c?

Q'eqchi Bible

⁵² Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

Hechos 7:52 ပူးပေါင်းရင်းမြစ်များ

San Mateo 5:12

Mirahoꞌ e̱chꞌo̱l. Chisahokꞌ ban e̱chꞌo̱l riqꞌuin li cꞌaꞌru ta̱uxk e̱re xban nak kꞌaxal nim le̱ kꞌajca̱munquil ta̱qꞌuehekꞌ e̱re saꞌ choxa. Moco caꞌaj cuiꞌ ta la̱ex yo̱quex chi cꞌuluc re li raylal. Joꞌcan aj ban cuiꞌ queꞌxcꞌul li profeta li queꞌcuan junxil.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

1 Reyes 19:10

Laj Elías quichakꞌoc ut quixye: —La̱in narahoꞌ saꞌ inchꞌo̱l xban nak xinqꞌue inchꞌo̱l chi cꞌanjelac cha̱cuu, at nimajcual Dios. Eb li ralal xcꞌajol laj Israel xeꞌxcanab xba̱nunquil li naxye saꞌ li contrato li xaba̱nu riqꞌuineb. Ut xelajeꞌxpoꞌ la̱ artal ut xelajeꞌxcamsi chi chꞌi̱chꞌ eb la̱ profetas. Caꞌaj chic la̱in xincana injunes ut yo̱queb ajcuiꞌ chinsicꞌbal la̱in re tineꞌxcamsi, chan laj Elías.

1 Ts 2:15

Eb laj judío queꞌxcamsi li Ka̱cuaꞌ Jesucristo ut queꞌxcamsi ajcuiꞌ eb li profeta ut coeꞌxyo̱lesi la̱o. Incꞌaꞌ nequeꞌxba̱nu li nacuulac chiru li Dios ut kꞌaxal xicꞌ nequeꞌril li ras ri̱tzꞌineb.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

1 Juan 2:1

Ex inherma̱n, chanchanex li cualal incꞌajol. Aꞌ cꞌaꞌak re ru aꞌin nintzꞌi̱ba e̱re re nak incꞌaꞌ texma̱cobk. Cui ut cuan junak ta̱ma̱cobk, cuan jun aj jalol a̱tin chikix chiru li Acuabej Dios, aꞌan li Jesucristo li ti̱c xchꞌo̱l.

Hechos 22:14

Ut quixye cuiꞌchic cue, “Li Dios li queꞌxlokꞌoni chak li kaxeꞌto̱nil yucuaꞌ, aꞌan quisicꞌoc chak a̱cuu re nak ta̱nau ut ta̱ba̱nu li cꞌaꞌru naraj aꞌan. Aꞌan naraj nak ta̱cuil ru li jun li Ti̱c Xchꞌo̱l ut ta̱cuabi li cꞌaꞌru tixye a̱cue.

Nehemías 9:26

Abanan queꞌxchikꞌ a̱joskꞌil xban nak queꞌxkꞌet la̱ cua̱tin. Queꞌxtzꞌekta̱na li chakꞌrab li caqꞌue reheb. Queꞌxcamsiheb li profeta li queꞌyehoc reheb nak teꞌsukꞌi̱k cuiꞌchic a̱cuiqꞌuin. Cꞌajoꞌ li ma̱usilal queꞌxba̱nu.

1 Pedro 1:11

Eb li profeta queꞌxye resil li raylal tixcꞌul li Cristo ut lix nimal xlokꞌal li ta̱cꞌutbesi̱k mokon. Queꞌxqꞌue xchꞌo̱l chixsiqꞌuinquil ani tzꞌakal li Cristo. Queꞌxsicꞌ xya̱lal jokꞌe ut cꞌaꞌru chi cutanil ta̱cꞌulma̱nk li yo̱ chi cꞌutbesi̱c chiruheb xban li Santil Musikꞌej.

Hechos 4:10

Takaye lix ya̱lal e̱re re nak te̱nau nak li cui̱nk aꞌin xqꞌuira saꞌ xcꞌabaꞌ li Jesucristo laj Nazaret li queqꞌue la̱ex chi camsi̱c chiru cruz. Ut aꞌan li quicuaclesi̱c cuiꞌchic chi yoꞌyo xban li Dios saꞌ xya̱nkeb li camenak. Saꞌ xcꞌabaꞌ aꞌan xqꞌuira li cui̱nk aꞌin li yo̱quex chirilbal arin anakcuan.

Hechos 3:24

Chalen nak quicuan li profeta Samuel chixjunileb li profeta queꞌxye ajcuiꞌ resil li cꞌaꞌru ta̱cꞌulma̱nk saꞌ eb li cutan aꞌin.

Hechos 3:18

Riqꞌuin aꞌin quitzꞌakloc ru li queꞌxye chak li profeta najter nak queꞌxye nak tento tixcꞌul li rahobtesi̱c li Cristo li Mesías, xban nak joꞌcan quixye li Dios.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Jeremías 26:23

Eb aꞌan queꞌxchap laj Urías ut queꞌxcꞌam cuiꞌchic Judá ut queꞌxkꞌaxtesi re li rey Joacim. Li rey Joacim quixtakla xcamsinquil riqꞌuin chꞌi̱chꞌ ut queꞌxcut lix tzꞌejcual saꞌ li mukleba̱l li nequeꞌcuteꞌ cuiꞌ li ma̱cꞌaꞌeb xcuanquil.

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

Jeremías 20:2

quixtakla xsacꞌbal ut quixtakla xnatꞌbal li rok saꞌ cheꞌ cuan cuiꞌ li oqueba̱l re laj Benjamín li cuan chixcꞌatk li templo.

1 Reyes 19:14

Laj Elías quichakꞌoc ut quixye: —La̱in narahoꞌ saꞌ inchꞌo̱l xban nak xinqꞌue inchꞌo̱l chi cꞌanjelac cha̱cuu, at nimajcual Dios. Eb li ralal xcꞌajol laj Israel xeꞌxcanab xba̱nunquil li naxye saꞌ li contrato li xaba̱nu riqꞌuineb. Ut xelajeꞌxpoꞌ la̱ artal ut xelajeꞌxcamsi chi chꞌi̱chꞌ eb la̱ profetas. Caꞌaj chic la̱in xincana injunes ut yo̱queb ajcuiꞌ chinsicꞌbal la̱in re tineꞌxcamsi, chan laj Elías.

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

2 Crónicas 36:15

Li Ka̱cuaꞌ lix Dioseb lix xeꞌto̱nil yucuaꞌeb nabal sut quixtakla lix profeta riqꞌuineb chixkꞌusbaleb xban nak quiril xtokꞌoba̱leb ru ut xban ajcuiꞌ nak saꞌ li tenamit aꞌan cuan lix templo.

San Lucas 6:23

Chisahokꞌ saꞌ e̱chꞌo̱l nak teꞌxba̱nu e̱re chi joꞌcan. Chicꞌojla̱k e̱chꞌo̱l xban nak cuan jun le̱ kꞌajca̱munquil riqꞌuin li Dios saꞌ choxa. Joꞌcan ajcuiꞌ nak queꞌxtzꞌekta̱na eb li profeta junxil eb lix xeꞌto̱nil xyucuaꞌeb li tenamit aꞌin.

San Juan 16:10

Incꞌaꞌ nequeꞌxtau ru cꞌaꞌru li ti̱quilal. Cui ta queꞌxtau ru teꞌxnau raj nak la̱in ti̱c inchꞌo̱l. Xban nak ti̱c inchꞌo̱l, tinxic riqꞌuin li Dios ut incꞌaꞌ chic te̱ril cuu.

2 Timoteo 3:4

Teꞌxkꞌaxtesi li ras ri̱tzꞌin saꞌ rukꞌeb li xicꞌ nequeꞌiloc reheb. Cauhakeb rib chixba̱nunquil li incꞌaꞌ us. Ta̱numta̱k lix kꞌetkꞌetileb. Incꞌaꞌ teꞌxra li Dios. Aꞌ ban chic lix saylal li ruchichꞌochꞌ, aꞌan chic li teꞌxra.