Hechos 7:51 - Li Santil hu

⁵¹ La̱ex incꞌaꞌ nequetau xya̱lal. Kꞌaxal cau e̱chꞌo̱l. Chanchanex li incꞌaꞌ nequeꞌpa̱ban re li Dios. Junelic nequekꞌetkꞌeti e̱rib chiru li Santil Musikꞌej joꞌ queꞌxba̱nu le̱ xeꞌto̱nil yucuaꞌ.

Q'eqchi Bible

⁵¹ “Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Hechos 7:51 ပူးပေါင်းရင်းမြစ်များ

Deuteronomio 10:16

Joꞌcan ut chalen anakcuan isihomak saꞌ le̱ ra̱m chixjunil li incꞌaꞌ us. Chanchan nak te̱ba̱nu li circuncisión. Cheba̱nu ban li cꞌaꞌru naraj li Ka̱cuaꞌ ut me̱cacuubresi chic le̱ chꞌo̱l.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Éxodo 33:5

Ac xyehom li Dios re laj Moisés nak tixye li a̱tin aꞌin reheb li tenamit. —Ye reheb laj Israel, chan, nak kꞌaxal cauheb xchꞌo̱l. Cui tincuochbeniheb junpa̱tak naru tinsacheb chi junaj cua. Incꞌaꞌ chic teꞌrocsi lix sahob ru li rakꞌeb re nak tinnau ma yo̱queb chinpa̱banquil, chan li Dios.

Éxodo 32:9

Ut li Ka̱cuaꞌ Dios quixye ajcuiꞌ re laj Moisés: —La̱in xinqꞌue retal nak li cristian aꞌin kꞌaxal cauheb xchꞌo̱l. Incꞌaꞌ nequeꞌabin chicuu.

Filipenses 3:3

La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

Éxodo 33:3

Texxic saꞌ li cha̱bil naꞌajej li cuan cuiꞌ li sahil echej. La̱in incꞌaꞌ texcuochbeni saꞌ li be. Naru texinsach chi junaj cua xban nak kꞌaxal cau e̱chꞌo̱l, chan li Dios.

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

Jeremías 6:10

La̱in quinye re li Ka̱cuaꞌ: —¿Aniheb li tincua̱tinaheb? ¿Aniheb li tinqꞌueheb xnaꞌleb? ¿Ma teꞌraj ta biꞌ rabinquil li cꞌaꞌru tinye reheb? Eb aꞌan chanchan tzꞌaptzꞌo̱queb xxic. Incꞌaꞌ nequeꞌraj rabinquil la̱ cua̱tin. Xuta̱nal chokꞌ reheb nak nequeꞌrabi.

Salmos 78:8

Teꞌxserakꞌi reheb li ralal xcꞌajol re nak incꞌaꞌ teꞌxba̱nu joꞌ queꞌxba̱nu li kaxeꞌto̱nil yucuaꞌ. Eb aꞌan queꞌxba̱nu li cꞌaꞌru queꞌraj xjuneseb ut incꞌaꞌ queꞌabin chiru li Dios. Moco cauheb ta xchꞌo̱l riqꞌuin li Dios. Joꞌcan nak queꞌxkꞌet li ra̱tin.

Colosenses 2:11

Xban nak xepa̱b li Jesucristo, junajex chic riqꞌuin ut chanchan nak xecꞌul li circuncisión, aban ma̱cuaꞌ joꞌ li circuncisión nequeꞌxba̱nu laj judío. Li xecꞌul la̱ex, aꞌan nak li Jesucristo quirisi saꞌ le̱ chꞌo̱l lix rahinquil ru li ma̱usilal.

Romanos 2:25

Relic chi ya̱l li circuncisión cuan xya̱lal cui nacapa̱b li chakꞌrab li quiqꞌueheꞌ re laj Moisés xban li Dios. Aban cui nacakꞌet lix chakꞌrab ma̱cꞌaꞌ na-oc cuiꞌ nak xacꞌul li circuncisión.

Hechos 7:39

Abanan eb li kaxeꞌto̱nil yucuaꞌ incꞌaꞌ queꞌraj xpa̱banquil li cꞌaꞌru quixye. Queꞌxtzꞌekta̱na ban ut queꞌraj raj sukꞌi̱c cuiꞌchic Egipto.

Hechos 7:27

Ut li jun li yo̱ chi sacꞌoc re li jun chic quixtiquisi laj Moisés ut quixye re: “¿Ani xqꞌuehoc a̱cue chi takla̱nc ut chi rakoc a̱tin saꞌ kabe̱n?

Hechos 7:9

Eb li ralal laj Jacob cꞌajoꞌ nak queꞌxcakali laj José li ri̱tzꞌineb. Joꞌcan nak queꞌxcꞌayi laj José ut quicꞌameꞌ aran Egipto. Abanan nak ac cuan aran Egipto, li Dios yo̱ chi tenkꞌa̱nc re.

Ezequiel 44:9

La̱in li nimajcual Dios ninye nak ma̱ jun li jalaneb xtenamit teꞌoc saꞌ lin templo cui ma̱jiꞌ xeꞌxcꞌul li circuncisión ut cui incꞌaꞌ niquinixpa̱b, usta cuanqueb saꞌ e̱ya̱nk la̱ex aj Israel.

Ezequiel 44:7

Quemux ru lin templo nak xecanabeb chi oc saꞌ lin templo li jalaneb xtenamit, li incꞌaꞌ niquineꞌxpa̱b ut incꞌaꞌ queꞌxcꞌul li circuncisión. Ut xemayeja li caxlan cua ut lix quiqꞌuel li xul ut lix xe̱bul. Xban li ma̱usilal queba̱nu, querisi xcuanquil li contrato li quinba̱nu e̱riqꞌuin.

Nehemías 9:30

Nabal chihab cacuyeb xma̱queb. Ut caqꞌue la̱ Santil Musikꞌ reheb la̱ profeta re nak teꞌxchꞌolob lix ya̱lal chiruheb. Abanan incꞌaꞌ queꞌabin. Joꞌcan nak cacanabeb saꞌ rukꞌeb li jalan xtenamiteb.

Deuteronomio 31:27

La̱in ninnau nak aj kꞌetoleb a̱tin li tenamit aꞌin ut kꞌaxal cauheb xchꞌo̱l. Xeꞌxkꞌetkꞌeti ribeb chiru li Ka̱cuaꞌ nak cuanquin riqꞌuineb. Ut kꞌaxal cuiꞌchic teꞌxba̱nu nak ac xincam nak ma̱ anihakin chic riqꞌuineb.

Ezequiel 2:4

Kꞌaxal joskꞌeb ut kꞌaxal cauheb xchꞌo̱l. La̱in yo̱quin cha̱taklanquil riqꞌuineb re nak ta̱ye reheb: Joꞌcaꞌin xye li Ka̱cuaꞌ Dios.

Jeremías 17:23

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb ut incꞌaꞌ queꞌxcꞌul lix kꞌusbaleb li quinqꞌue.

Isaías 48:4

La̱in xinba̱nu chi joꞌcan xban nak ninnau nak la̱ex incꞌaꞌ nequetau xya̱lal. Cau e̱chꞌo̱l. Chanchan xcacuil li chꞌi̱chꞌ hierro ut bronce.

Salmos 75:5

Me̱nimobresi chic e̱cuanquil e̱junes ut canabomak inhobbal, chanquin reheb, chan li Dios.

Nehemías 9:16

Abanan eb li kaxeꞌto̱nil yucuaꞌ queꞌxkꞌet la̱ cua̱tin. Queꞌxcacuubresi lix chꞌo̱leb ut incꞌaꞌ queꞌraj rabinquil li chakꞌrab li caqꞌue reheb.

2 Crónicas 30:8

Me̱cacuubresi le̱ chꞌo̱l chiru li Ka̱cuaꞌ joꞌ queꞌxba̱nu le̱ xeꞌto̱nil yucuaꞌ. Cubsihomak ban e̱rib chiru li Ka̱cuaꞌ. Quimkex saꞌ lix templo li quixsantobresi chi junelic. Chelokꞌoni li Ka̱cuaꞌ re nak ta̱e̱lk lix joskꞌil saꞌ e̱be̱n.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Deuteronomio 9:13

Ut li Ka̱cuaꞌ quixye cue: La̱in quinqꞌue retal nak li cristian aꞌin kꞌaxal cauheb xchꞌo̱l. Incꞌaꞌ nequeꞌabin chicuu.

Deuteronomio 9:6

Joꞌcan nak chenauhak nak ma̱cuaꞌ xban xti̱quilal le̱ chꞌo̱l nak li Ka̱cuaꞌ tixqꞌue e̱re li cha̱bil naꞌajej. La̱ex cau e̱chꞌo̱l ut incꞌaꞌ nequetau xya̱lal.

Éxodo 34:9

Ut quixye: —At Ka̱cuaꞌ, cui tincꞌam cuib saꞌ usilal a̱cuiqꞌuin, ba̱nu usilal tatcua̱nk saꞌ kaya̱nk. Usta cau kachꞌo̱l, chacuy kama̱c. Ut choa̱cꞌul cuiꞌchic chokꞌ a̱cualal a̱cꞌajol, chan laj Moisés.

Hechos 7:35

Laj Moisés, aꞌan li queꞌxtzꞌekta̱na laj Israel nak queꞌxye: “¿Ani xqꞌuehoc a̱cue chi takla̱nc ut chi rakoc a̱tin?” chanqueb. Aꞌan li quitakla̱c chixtenkꞌanquileb laj Israel ut chixcolbaleb. Quitakla̱c xban li Ka̱cuaꞌ nak li ángel quixcꞌutbesi rib chiru saꞌ li jun to̱n chi qꞌuix yo̱ xxamlel.

Números 27:14

Tatca̱mk xban nak saꞌ cuibal quekꞌet lin chakꞌrab saꞌ li chaki chꞌochꞌ Zin nak eb laj Israel quineꞌxcuechꞌi. La̱at incꞌaꞌ xaqꞌue inlokꞌal chiruheb li tenamit nak xinqꞌue li haꞌ reheb, chan. (Aꞌan quicꞌulman nak li haꞌ qui-el saꞌ li sako̱nac saꞌ li naꞌajej Cades li cuan saꞌ li chaki chꞌochꞌ Zin.)

2 Reyes 17:14

Abanan eb aꞌan incꞌaꞌ queꞌabin. Queꞌxcacuubresi ban lix chꞌo̱leb joꞌ queꞌxba̱nu lix xeꞌto̱nil xyucuaꞌeb. Incꞌaꞌ queꞌxcꞌojob xchꞌo̱l riqꞌuin li Dios.