Hechos 7:49 - Li Santil hu

⁴⁹ Li choxa, aꞌan li naꞌajej li nincꞌojla cuiꞌ ut li ruchichꞌochꞌ, aꞌan xnaꞌaj li cuok. ¿Cꞌaꞌru chi ochochil ta̱ru̱k te̱yi̱b chokꞌ cue? Ut, ¿bar cuan lin naꞌaj li tinhila̱nk cuiꞌ?

Q'eqchi Bible

⁴⁹ «Li choxa a'an link'ojarib'aal ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we? -chan li Qaawa'-. B'ar wank li na'ajej tinhilanq wi'?

Hechos 7:49 ပူးပေါင်းရင်းမြစ်များ

Isaías 66:1

Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?

Salmos 11:4

Abanan la̱in ninye a̱cue: Li Ka̱cuaꞌ Dios cuan chak saꞌ li Santil Naꞌajej ut kꞌaxal nim xcuanquil. Li Ka̱cuaꞌ Dios naril chixjunileb. Aꞌan naxnau cꞌaꞌru nequeꞌxba̱nu.

San Juan 4:21

Quixye li Jesús re: —At ixk, pa̱b li cꞌaꞌru tinye a̱cue. Ta̱cuulak xkꞌehil nak moco tento ta chic texxic saꞌ li tzu̱l li cuan arin, chi moco Jerusalén re textijok chiru li Dios Acuabej.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

1 Reyes 22:19

Li profeta Micaías quixye ajcuiꞌ: —Qꞌuehomak retal li cꞌaꞌru quixcꞌutbesi chicuu li Ka̱cuaꞌ. Xcuil li Ka̱cuaꞌ cꞌojcꞌo saꞌ lix cꞌojariba̱l saꞌ choxa. Ut chixjunileb lix ángel xakxo̱queb chixcꞌatk. Cuanqueb saꞌ lix nim ukꞌ ut cuanqueb saꞌ lix tzꞌe.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

San Mateo 24:2

Quichakꞌoc li Jesús ut quixye reheb: —Us ajcuiꞌ nak te̱ril chi us chixjunil aꞌin xban nak ta̱cuulak xkꞌehil nak ma̱ jun chic reheb li pec aꞌan ta̱cana̱k saꞌ xnaꞌaj chi incꞌaꞌ ta ta̱juqꞌuekꞌ, chan.

San Mateo 23:22

Ut li ani naxba̱nu xjuramento saꞌ xcꞌabaꞌ li choxa, naxba̱nu xjuramento saꞌ xcꞌabaꞌ lix cꞌojariba̱l li Dios ut saꞌ xcꞌabaꞌ ajcuiꞌ li Dios li cꞌojcꞌo saꞌ xbe̱n.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

1 Reyes 8:27

¿Ma naru ta biꞌ nacatcuan saꞌ ruchichꞌochꞌ? Li choxa kꞌaxal nim, abanan aꞌan incꞌaꞌ tzꞌakal chokꞌ a̱naꞌaj, at Ka̱cuaꞌ. ¿Ma tojaꞌ ta chic li cab li xinyi̱b ta̱tzꞌaklok chokꞌ a̱naꞌaj?

2 Crónicas 6:18

At Ka̱cuaꞌ, at kaDios, ¿ma naru ta biꞌ nacatcuan saꞌ kaya̱nk la̱o arin saꞌ ruchichꞌochꞌ? Xban nak kꞌaxal nim a̱cuanquil li choxa incꞌaꞌ natzꞌakloc chokꞌ a̱naꞌaj. Cui li choxa incꞌaꞌ tzꞌakal chokꞌ a̱naꞌaj, ¿ma tojaꞌ ta chic li templo aꞌin li xinyi̱b ta̱tzꞌaklok chokꞌ a̱naꞌaj?