Hechos 7:47 - Li Santil hu

⁴⁷ Abanan ma̱cuaꞌ laj David quiyi̱ban re li templo. Laj Salomón, aꞌan li quiyi̱ban re.

Q'eqchi Bible

⁴⁷ Ab'an a' chik laj Salomón kiyiib'ank re li rochoch li Qaawa',

Hechos 7:47 ပူးပေါင်းရင်းမြစ်များ

1 Reyes 8:20

Ut anakcuan xtzꞌakloc ru li quixye chak li Ka̱cuaꞌ xban nak la̱in xin-oc chokꞌ re̱kaj lin yucuaꞌ. Ut xkꞌaxtesi̱c saꞌ cuukꞌ li cuanquilal re tintakla̱nk saꞌ xbe̱neb li tenamit. Anakcuan la̱in xinyi̱b li templo re takalokꞌoni cuiꞌ li Ka̱cuaꞌ li kaDios la̱o aj Israel.

2 Samuel 7:13

Aꞌan li ta̱yi̱ba̱nk re li templo li tineꞌxlokꞌoni cuiꞌ li tenamit. Ut la̱in tinxakaba̱nk re saꞌ xnaꞌaj lix cuanquil chi junelic.

2 Crónicas 3:1

Laj Salomón quixtiquib xyi̱banquil lix templo li Ka̱cuaꞌ aran Jerusalén saꞌ li tzu̱l Moriah saꞌ li naꞌajej li quixcꞌutbesi cuiꞌ rib li Ka̱cuaꞌ chiru laj David lix yucuaꞌ. Li naꞌajej aꞌan, aꞌan li naꞌajej li quirisi cuiꞌ rix lix trigo laj Ornán aj jebuseo, li ac cauresinbil xban laj David re xyi̱banquil li templo.

1 Crónicas 17:1

Li rey David ac cuan chic saꞌ rochoch nak quixye re li profeta Natán: —¡Qꞌue retal! La̱in cuanquin saꞌ cha̱bil cab yi̱banbil riqꞌuin li cheꞌ chacalteꞌ. Abanan li muheba̱l li cuan cuiꞌ lix Lokꞌlaj Ca̱x li Ka̱cuaꞌ, aꞌan yal riqꞌuin tꞌicr yi̱banbil, chan.

1 Reyes 5:1

Laj Hiram lix reyeb laj Tiro quirabi resil nak laj Salomón quixakaba̱c chokꞌ rey chokꞌ re̱kaj laj David lix yucuaꞌ. Joꞌcan nak quixtakla lix takl riqꞌuin. Laj Hiram junelic naxra laj David.

1 Reyes 6:1

Li templo quiticla xyi̱banquil nak ac xnumeꞌ ca̱hib ciento chihab riqꞌuin ca̱cꞌa̱l chihab reliqueb laj Israel aran Egipto. Li rey Salomón quixtiquib xyi̱banquil lix templo li Ka̱cuaꞌ nak yo̱ xca̱ chihab roquic chokꞌ rey saꞌ li po Zif, li xcab po re li chihab aꞌan.