Hechos 7:36 - Li Santil hu

³⁶ Laj Moisés, aꞌan li qui-isin reheb Egipto. Nabal li milagro ut li sachba chꞌo̱lej quixba̱nu aran Egipto ut saꞌ li Caki Palau. Chiru caꞌcꞌa̱l chihab quicꞌamoc be chiruheb saꞌ li chaki chꞌochꞌ.

Q'eqchi Bible

³⁶ Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Hechos 7:36 ပူးပေါင်းရင်းမြစ်များ

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Éxodo 12:41

Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.

Éxodo 33:1

Li Dios quixye re laj Moisés: —Ayukex, cꞌameb li tenamit li xacuisiheb chak aran Egipto. Texxic saꞌ li naꞌajej li xinyechiꞌi reheb laj Abraham, laj Isaac, joꞌ ajcuiꞌ laj Jacob nak xinye reheb, “Tinsi li naꞌajej aꞌin reheb le̱ ralal e̱cꞌajol.”

Éxodo 16:35

Caꞌcꞌa̱l (40) chihab queꞌxcuaꞌ li maná toj retal queꞌcuulac saꞌ li nuba̱l re li cha̱bil naꞌajej. Canaán xcꞌabaꞌ li naꞌajej aꞌan.

Hebreos 8:9

Li contrato aꞌin ma̱cuaꞌ joꞌ li quinba̱nu chak reheb lix xeꞌto̱nil yucuaꞌeb nak quicuisiheb chak saꞌ li tenamit Egipto. Incꞌaꞌ queꞌxba̱nu li naxye li contrato. Xban aꞌan quebintzꞌekta̱na.

Hechos 13:18

Caꞌcꞌa̱l chihab quixcuy chak rilbaleb nak yo̱queb chak chi numecꞌ saꞌ li chaki chꞌochꞌ.

Hechos 7:42

Joꞌcan nak li Ka̱cuaꞌ Dios quixcanabeb xjuneseb. Quixcanabeb chixlokꞌoninquil li chahim li cuan chiru choxa. Ut quitzꞌakloc ru li tzꞌi̱banbil chak najter xbaneb li profeta nak queꞌxye: La̱ex aj Israel, ¿ma quexmayejac ta biꞌ chak chicuu la̱in nak yo̱quex chak chi numecꞌ saꞌ li chaki chꞌochꞌ chiru caꞌcꞌa̱l chihab?

Salmos 95:10

Caꞌcꞌa̱l chihab yo̱ injoskꞌil saꞌ xbe̱neb li tenamit aꞌan ut quinye, “Eb li tenamit aꞌin incꞌaꞌ nequextau xya̱lal chi moco queꞌraj xtaubal.”

Nehemías 9:10

Caba̱nu lix ni̱nkal ru milagro sachba chꞌo̱lej rilbal re risinquil xcuanquil laj faraón, joꞌqueb ajcuiꞌ li nequeꞌcꞌanjelac chiru, joꞌqueb ajcuiꞌ chixjunileb laj Egipto xban nak la̱at caqꞌue retal chanru nak queꞌrahobtesi̱c li kaxeꞌto̱nil yucuaꞌ xbaneb. Joꞌcan nak chalen anakcuan naꞌno saꞌ chixjunil li tenamit nak la̱at nacaba̱nu li xni̱nkal ru milagro.

Deuteronomio 8:4

Chiru li caꞌcꞌa̱l chihab incꞌaꞌ quikꞌeloꞌ le̱ rakꞌ chi moco quisi̱poꞌ le̱ rok nak cuanquex aran.

Éxodo 3:20

La̱in tincꞌut lin cuanquil chiruheb laj Egipto. Tinrahobtesiheb ut riqꞌuin aꞌan texcanab chi e̱lc.

Salmos 95:8

Cherabi li cꞌaꞌru yo̱ chixyebal e̱re li Ka̱cuaꞌ: —Me̱cacuubresi e̱chꞌo̱l joꞌ queꞌxba̱nu le̱ xeꞌto̱nil yucuaꞌ nak cuanqueb saꞌ li naꞌajej Meriba. Me̱ba̱nu joꞌ queꞌxba̱nu eb aꞌan saꞌ li cutan nak cuanqueb saꞌ li chaki chꞌochꞌ saꞌ li naꞌajej Masah.

San Juan 4:48

Li Jesús quixye re li cui̱nk: —La̱ex incꞌaꞌ nequepa̱b nak li Dios quitaklan chak cue cui incꞌaꞌ tincꞌut junak milagro che̱ru retalil nak cuan incuanquil, chan.

Hebreos 3:8

Me̱ba̱nu joꞌ queꞌxba̱nu le̱ xeꞌto̱nil yucuaꞌ nak queꞌxkꞌet chak li cua̱tin. Queꞌcuechꞌoc ut nequeꞌayaynac ut queꞌxyal inchꞌiꞌchꞌiꞌinquil nak cuanqueb chak saꞌ li chaki chꞌochꞌ.

Hebreos 3:9

Aran queꞌxqꞌue injoskꞌil le̱ xeꞌto̱nil yucuaꞌ. Chiru caꞌcꞌa̱l chihab queꞌril li usilal li quilajinba̱nu reheb. Abanan junelic yo̱queb chixqꞌuebal injoskꞌil.