Hechos 7:26 - Li Santil hu

²⁶ Cuulajak chic laj Moisés quixtau cuib laj Israel yo̱queb chi pletic. Quixkꞌuseb re teꞌxcanab xchꞌeꞌbal rib. Quixye reheb: “La̱ex e̱comon e̱rib. ¿Cꞌaꞌut nak yo̱quex chixpletinquil e̱rib?” chan reheb.

Q'eqchi Bible

²⁶ Sa' li kutan jun chik kixk'ut rib' chiruheb' naq yookeb' chi xch'e'b'al rib', ut kiraj raj xk'amb'aleb' sa' tuqtuukilal chirib'ileb' rib': «Ex winq, laa'ex eeras eeriitz'in eerib' -chan reheb'. K'a'ut naq yookex chi xrahob'tesinkil eerib' cherib'il eerib'?».

Hechos 7:26 ပူးပေါင်းရင်းမြစ်များ

Filipenses 2:3

Incꞌaꞌ te̱ba̱nu cꞌaꞌak re ru yal xban nak cuan li cꞌaꞌru te̱ra, chi moco te̱ba̱nu yal re xnimobresinquil e̱rib. Checubsihak ban e̱rib. Me̱cꞌoxla nak kꞌaxal nim e̱cuanquil chiruheb le̱ ras e̱ri̱tzꞌin.

Filipenses 2:1

Anakcuan nacuaj xpatzꞌbal e̱re: ¿Ma cuan xya̱lal chokꞌ e̱re la̱ex nak xepa̱b li Cristo? ¿Ma cꞌojcꞌo e̱chꞌo̱l xban nak raro̱quex xban li Cristo? ¿Ma junaj ru le̱ chꞌo̱l che̱junilex xban li Santil Musikꞌej li cuan e̱riqꞌuin? ¿Ma nequera e̱rib chi ribil e̱rib? ¿Ma nequeruxta̱na e̱ru chi ribil e̱rib?

Proverbios 18:19

Junak asbej ta̱hobekꞌ, aꞌan li kꞌaxal cuiꞌchic ta̱joskꞌokꞌ. Ta̱cacuu̱k xchꞌo̱l joꞌ junak li tenamit cau rib. Ma̱ ani ta̱ru̱k ta̱tenkꞌa̱nk re xban nak kꞌaxal cau lix chꞌo̱l joꞌ li chꞌi̱chꞌ li natzꞌapoc re li puerta.

Salmos 133:1

Qꞌuehomak retal nak kꞌaxal lokꞌ nak junaj xchꞌo̱leb li ralal xcꞌajol li Dios. Cꞌajoꞌ xlokꞌal nak cuanqueb saꞌ usilal.

Génesis 45:24

Ut laj José quixye reheb aꞌan: —Cheba̱nu usilal, me̱pleti e̱rib nak yo̱kex chi xic, chan reheb. Ut laj José quixchakꞌrabiheb ut queꞌco̱eb.

Génesis 13:8

Laj Abram quixye re laj Lot: —La̱o kacomon kib. Incꞌaꞌ taxak ta̱cua̱nk li chꞌaꞌajquilal chi kibil kib. Joꞌ ajcuiꞌ riqꞌuineb li kamo̱s. Incꞌaꞌ nacuaj nak teꞌxpleti ribeb laj ilol reheb li kaqueto̱mk.

San Mateo 14:22

Tojoꞌnak li Jesús quixtaklaheb lix tzolom chi oc saꞌ li jucub re nak aꞌaneb xbe̱n cua teꞌxic jun pacꞌal li palau roybeninquil nak tixchakꞌrabiheb li qꞌuila tenamit.

Hechos 7:25

Laj Moisés quixcꞌoxla nak eb li rech tenamitil teꞌxqꞌue retal nak aꞌan li ta̱cꞌanjelak chiru li Dios re xcolbaleb. Abanan eb aꞌan incꞌaꞌ queꞌxqꞌue retal.