Hechos 7:25 - Li Santil hu

²⁵ Laj Moisés quixcꞌoxla nak eb li rech tenamitil teꞌxqꞌue retal nak aꞌan li ta̱cꞌanjelak chiru li Dios re xcolbaleb. Abanan eb aꞌan incꞌaꞌ queꞌxqꞌue retal.

Q'eqchi Bible

²⁵ Sa' xch'ool laj Moisés naq eb' li ras riitz'in te'xtaw ru naq li Yos taaraj xkolb'aleb' sa' xk'ab'a' a'an; a'ut eb' a'an ink'a' ke'xtaw ru.

Hechos 7:25 ပူးပေါင်းရင်းမြစ်များ

Colosenses 1:29

Joꞌcan nak ninyal inkꞌe chi cꞌanjelac chi anchal inchꞌo̱l ut li Cristo naqꞌuehoc incacuilal chixba̱nunquil lin cꞌanjel chiru li Dios.

2 Corintios 6:1

La̱o aj cꞌanjelo chiru li Dios ut aꞌan natenkꞌan ke chixchꞌolobanquil lix ya̱lal che̱ru. La̱ex li ac xecꞌul li rusilal li Dios. Nintzꞌa̱ma che̱ru nak incꞌaꞌ te̱canab chi ma̱cꞌaꞌ rajbal. Cheqꞌuehak ban xcuanquil.

1 Corintios 15:10

Abanan xban rusilal li Dios nak la̱in apóstol. Ut li rusilal li Dios incꞌaꞌ quicana chi ma̱cꞌaꞌ rajbal xban nak kꞌaxal cau cuiꞌchic nincꞌanjelac chiru chixjunileb li apóstol. Aban ma̱cuaꞌ injunes nincꞌanjelac. Li Dios natenkꞌan cue xban xnimal rusilal li xinma̱tani.

Romanos 15:18

Ma̱cꞌaꞌ inxiu chixyebal resil li cꞌanjel xinba̱nu saꞌ xcꞌabaꞌ li Cristo nak xincꞌanjelac saꞌ xya̱nkeb li ma̱cuaꞌeb aj judío xban nak ma̱cuaꞌ injunes xincꞌanjelac. Li Jesucristo xtenkꞌan cue nak xincꞌameb xbe re nak teꞌxpa̱b li Dios riqꞌuin lin yehom inba̱nuhom.

Hechos 21:19

Ut nak ac xqꞌueheb xsahil xchꞌo̱l, laj Pablo quixserakꞌi reheb chixjunil li quixba̱nu li Dios saꞌ xya̱nkeb li ma̱cuaꞌeb aj judío nak yo̱ chi cꞌanjelac saꞌ xya̱nkeb.

Hechos 15:7

Ut nak ac xeꞌxcuechꞌi ribeb chi us chirix li naꞌleb aꞌin, laj Pedro quicuacli ut qui-oc chi a̱tinac. Quixye reheb: —Ex herma̱n, la̱ex nequenau nak ac junxil quixsicꞌ chak cuu li Dios saꞌ e̱ya̱nk re tinye resil li colba-ib reheb li ma̱cuaꞌeb aj judío re nak teꞌpa̱ba̱nk ajcuiꞌ eb aꞌan.

Hechos 15:4

Ut nak queꞌcuulac Jerusalén, queꞌcꞌuleꞌ xbaneb li apóstol, eb laj cꞌamol be joꞌqueb ajcuiꞌ chixjunileb laj pa̱banel. Ut queꞌxserakꞌi reheb chanru nak li Dios quixtenkꞌaheb riqꞌuin li cꞌanjel queꞌxba̱nu.

Hechos 14:27

Nak queꞌcuulac Antioquía queꞌxchꞌutub chixjunileb laj pa̱banel ut queꞌxserakꞌi reheb chixjunil li quixba̱nu li Ka̱cuaꞌ reheb. Queꞌxserakꞌi ajcuiꞌ reheb chanru nak li Dios quixqꞌue li evangelio reheb li ma̱cuaꞌeb aj judío.

San Lucas 18:34

Ut eb lix tzolom chi ti̱c incꞌaꞌ queꞌxtau ru li quixye li Jesús xban nak chꞌaꞌaj xtaubal ru chiruheb.

San Lucas 9:45

Abanan eb lix tzolom incꞌaꞌ queꞌxtau ru li cꞌaꞌru quixye, xban nak toj ma̱jiꞌ nacuulac xkꞌehil nak teꞌxtau ru. Ut queꞌxuta̱nac chixpatzꞌbal re cꞌaꞌru xya̱lal li quixye li Jesús reheb.

San Marcos 9:32

Aban eb aꞌan incꞌaꞌ queꞌxtau ru li cꞌaꞌru quixye reheb, ut queꞌxucuac chixpatzꞌbal cꞌaꞌru xya̱lal li quixye.

Salmos 106:7

Eb li kaxeꞌto̱nil yucuaꞌ incꞌaꞌ queꞌxqꞌue saꞌ xchꞌo̱leb li sachba chꞌo̱lej li caba̱nu nak cuanqueb aran Egipto. Quisach saꞌ xchꞌo̱leb nak cꞌajoꞌ nak cacuuxta̱naheb ru. Ut nak cuanqueb chire li Caki Palau queꞌxkꞌet la̱ cua̱tin.

2 Reyes 5:1

Quicuan jun li cui̱nk aj Naamán xcꞌabaꞌ. Laj Naamán, aꞌan li nataklan saꞌ xbe̱neb li soldado re li tenamit Siria. Lix reyeb laj Siria quixqꞌue xlokꞌal laj Naamán xban nak saꞌ xcꞌabaꞌ aꞌan li Ka̱cuaꞌ quixqꞌueheb laj Siria chi numta̱c saꞌ xbe̱neb li xicꞌ nequeꞌiloc reheb. Laj Naamán naxnau pletic chi us ut cau rib. Abanan cuan lix yajel. Saklep rix.

1 Samuel 19:5

Quixkꞌaxtesi rib chi ca̱mc nak quixcamsi laj Goliat. Ut li Ka̱cuaꞌ quixcoleb laj Israel. La̱at xacuil nak xcamsi laj Goliat ut quisahoꞌ saꞌ a̱chꞌo̱l. ¿Cꞌaꞌut nak tatma̱cobk anakcuan riqꞌuin xcamsinquil laj David? Aꞌan ma̱cꞌaꞌ xma̱c cha̱cuu, chan.

1 Samuel 14:45

Abanan eb li soldados queꞌxye re laj Saúl: —¿Ma ta̱ru̱k ta biꞌ ta̱ca̱mk laj Jonatán? Incꞌaꞌ, xban nak aꞌan xcoloc ke la̱o aj Israel chiruheb laj filisteo. Incꞌaꞌ ta̱ru̱k ta̱camsi̱k. Saꞌ xcꞌabaꞌ li yoꞌyo̱quil Dios nakaye nak chi moco jun li rismal xjolom ta̱isi̱k xban nak li cꞌaꞌru quixba̱nu anakcuan, quixba̱nu xban nak li Ka̱cuaꞌ quitenkꞌan re, chanqueb. Joꞌcan nak eb li soldados queꞌxcol laj Jonatán ut incꞌaꞌ quicamsi̱c.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

Éxodo 2:12

Laj Moisés qui-iloc chirix ut chi caꞌ pacꞌalil. Quiril nak ma̱ jun chic cuan aran ut quixcamsi laj Egipto. Aran quixmuk saꞌ li samaib.

Hechos 7:24

Nak quiril jun reheb yo̱ chi saqꞌuecꞌ xban jun aj Egipto, quixcol saꞌ rukꞌ. Quixchap laj Egipto ut quixcamsi. Chi joꞌcaꞌin quixqꞌue re̱kaj li quixba̱nu re li rech tenamitil.

Hechos 7:26

Cuulajak chic laj Moisés quixtau cuib laj Israel yo̱queb chi pletic. Quixkꞌuseb re teꞌxcanab xchꞌeꞌbal rib. Quixye reheb: “La̱ex e̱comon e̱rib. ¿Cꞌaꞌut nak yo̱quex chixpletinquil e̱rib?” chan reheb.

Jueces 15:12

Xeꞌxye re: —Xochal cha̱chapbal re nak tatkakꞌaxtesi reheb laj filisteo, chanqueb. Laj Sansón quixye reheb: —¿Ma tzꞌakal ya̱l nak incꞌaꞌ tine̱camsi? chan.