Hechos 7:23 - Li Santil hu

²³ Nak ac xba̱nu li caꞌcꞌa̱l chihab (40), qui-ala saꞌ xchꞌo̱l xic chirilbaleb laj Israel li rech tenamitil.

Q'eqchi Bible

²³ “Naq kixkooloni ka'k'aal chihab', ki'alaak sa' xch'ool rilb'aleb' li ras riitz'in, a'eb' li ralal xk'ajol laj Israel.

Hechos 7:23 ပူးပေါင်းရင်းမြစ်များ

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Apocalipsis 17:17

Li Dios quiqꞌuehoc re saꞌ xchꞌo̱leb li rey nak joꞌcan teꞌxba̱nu. Joꞌcan nak junajakeb lix cꞌaꞌux chixqꞌuebal lix cuanquileb re li joskꞌ aj xul re nak ta̱takla̱nk toj ta̱tzꞌaklok ru li quixye li Dios.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Esdras 7:27

Laj Esdras quitijoc ut quixye chi joꞌcaꞌin: —Lokꞌoninbilak taxak li Ka̱cuaꞌ lix Dioseb li kaxeꞌto̱nil yucuaꞌ, xban nak aꞌan xcꞌutuc chiru li rey nak tixqꞌue xlokꞌal li templo, li cuan Jerusalén, li nakalokꞌoni cuiꞌ li Ka̱cuaꞌ li kaDios.

Hechos 15:36

Mokon chic laj Pablo quixye re laj Bernabé: —Toxic cuiꞌchic saꞌ eb li tenamit conumeꞌ cuiꞌ chak chixyebal ra̱tin li Dios re takil chanru cuanqueb laj pa̱banel li cuanqueb saꞌ eb li naꞌajej aꞌan, chan.

Esdras 1:5

Ut li Ka̱cuaꞌ Dios quixtochꞌ lix chꞌo̱leb li nequeꞌcꞌamoc be saꞌ xya̱nkeb li ralal xcꞌajol laj Judá ut laj Benjamín joꞌqueb ajcuiꞌ laj tij ut eb laj levita. Ut queꞌxcauresi ribeb chi xic Jerusalén re xyi̱banquil lix templo li Ka̱cuaꞌ.

Esdras 1:1

Yo̱ xbe̱n chihab roquic chokꞌ rey aran Persia laj Ciro nak quicꞌulman li cꞌaꞌru quixye li profeta Jeremías joꞌ quiyeheꞌ re xban li Ka̱cuaꞌ Dios. Li Ka̱cuaꞌ quixtochꞌ xchꞌo̱l li rey Ciro nak tixtakla li resil aꞌin saꞌ chixjunil li tenamit li cuanqueb rubel xcuanquil. Ut quixtakla li resil riqꞌuin a̱tin ut chi tzꞌi̱banbil.

2 Crónicas 30:12

Ut li Ka̱cuaꞌ quitenkꞌan reheb li cuanqueb Judá re nak junaj lix chꞌo̱leb chixba̱nunquil li cꞌaꞌru queꞌxye li rey ut eb li nequeꞌtenkꞌan re joꞌ quixye li ra̱tin li Ka̱cuaꞌ.

Éxodo 35:29

Chixjunileb laj Israel joꞌ cui̱nk joꞌ ixk, joꞌ qui-ala saꞌ xchꞌo̱leb tenkꞌa̱nc, queꞌxqꞌue lix mayejeb chi anchal xchꞌo̱leb re nak ta̱uxma̱nk li quixye li Ka̱cuaꞌ re laj Moisés. Joꞌcan nak queꞌxqꞌue lix mayejeb re lix cꞌanjel li Ka̱cuaꞌ.

Éxodo 35:21

Ut chixjunileb li qui-ala saꞌ xchꞌo̱leb, queꞌxqꞌue lix mayejeb re li Ka̱cuaꞌ chi anchaleb xchꞌo̱l re nak ta̱ru̱k teꞌxyi̱b li tabernáculo joꞌ ajcuiꞌ chixjunil li ta̱cꞌanjelak aran joꞌ ajcuiꞌ re xyi̱banquil li rakꞌeb laj tij.

Éxodo 4:18

Joꞌcan nak co̱ laj Moisés ut cox-e̱lk riqꞌuin laj Jetro lix yucuaꞌ li rixakil ut quixye re: —Ba̱nu usilal tina̱canab chi xic chirilbaleb lin comon li cuanqueb aran Egipto. Tincuileb chak ma saheb saꞌ xchꞌo̱l, ma yoꞌyo̱queb na chixjunileb, chan. Laj Jetro quixye re laj Moisés: —Ayu biꞌ. Chatsukꞌi̱k taxak joꞌ nak xic a̱cue, chan.

2 Corintios 8:16

Ninbantioxi chiru li Dios xban nak laj Tito naxqꞌue xchꞌo̱l che̱tenkꞌanquil joꞌ nak ninqꞌue inchꞌo̱l la̱in.

Éxodo 7:7

Ca̱cꞌa̱l (80) chihab cuan re laj Moisés ut oxib rocꞌa̱l (83) chihab cuan re laj Aarón nak queꞌa̱tinac riqꞌuin laj faraón.

Hechos 7:24

Nak quiril jun reheb yo̱ chi saqꞌuecꞌ xban jun aj Egipto, quixcol saꞌ rukꞌ. Quixchap laj Egipto ut quixcamsi. Chi joꞌcaꞌin quixqꞌue re̱kaj li quixba̱nu re li rech tenamitil.