Hechos 7:2 - Li Santil hu

² Quichakꞌoc laj Esteban ut quixye: —Ex cuas cui̱tzꞌin ut la̱ex li nequexcꞌamoc be, abihomak li oc cue chixyebal. Li Dios li kꞌaxal lokꞌ quixcꞌutbesi rib chiru laj Abraham li kaxeꞌto̱nil yucuaꞌ nak cuan aran Mesopotamia nak toj ma̱jiꞌ naxic chi cua̱nc saꞌ li naꞌajej Harán.

Q'eqchi Bible

² Kichaq'ok laj Esteban, ut kixye: “Ex was wiitz'in, ex inyuwa', ab'ihomaq. Li Yos nim xloq'al kixk'ut rib' chiru li qayuwa' laj Abrahán naq wan chaq Mesopotamia, maji'aq naq'axonk aran Harán,

Hechos 7:2 ပူးပေါင်းရင်းမြစ်များ

Génesis 11:31

Laj Taré qui-el saꞌ li naꞌajej Ur, lix tenamiteb laj Caldea. Cuan saꞌ xchꞌo̱l nak ta̱xic saꞌ li tenamit Canaán. Quixcꞌam chirix laj Abram li ralal. Ut quixcꞌam ajcuiꞌ chirix laj Lot li ri. Laj Lot, aꞌan ralal laj Harán. Ut quixcꞌam ajcuiꞌ lix Sarai li ralib. Lix Sarai, aꞌan li rixakil laj Abram. Yo̱queb chi xic saꞌ li be li naxic Canaán nak queꞌxtau jun li tenamit Harán xcꞌabaꞌ. Ut coxeꞌcana̱k saꞌ li tenamit aꞌan.

Hechos 22:1

—Ex cuas cui̱tzꞌin, ut la̱ex li nequexcꞌamoc be saꞌ xya̱nkeb laj judío. Abihomak li tinye e̱re anakcuan re xcolbal cuib, chan.

Salmos 29:3

Li xya̱b xcux li Ka̱cuaꞌ na-ecꞌan saꞌ xbe̱n li palau retalil lix nimal xcuanquilal. Chanchan li ca̱k nak na-ecꞌan saꞌ xbe̱n li palau.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Nehemías 9:7

At Ka̱cuaꞌ Dios, la̱at catsicꞌoc ru laj Abram ut la̱at ajcuiꞌ cat-isin chak re Ur, saꞌ lix tenamiteb laj Caldea. Ut la̱at catqꞌuehoc Abraham chokꞌ xcꞌabaꞌ.

Génesis 15:7

Li Dios quixye re laj Abram; —La̱in li Ka̱cuaꞌ Dios. La̱in xin-isin chak a̱cue saꞌ li tenamit Ur ut xatincꞌam chak saꞌ li tenamit aꞌin. Ut li chꞌochꞌ aꞌin, la̱at tat-e̱chani̱nk re, chan.

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

1 Corintios 2:8

Ma̱ jun li nequeꞌtaklan saꞌ ruchichꞌochꞌ queꞌxtau ru li naꞌleb aꞌin. Cui ta queꞌxtau ru, incꞌaꞌ raj queꞌxcamsi chiru cruz li Ka̱cuaꞌ Jesucristo, laj e̱chal re li lokꞌal.

Hechos 23:7

Ut nak quixye aꞌin, incꞌaꞌ chic junaj xcꞌaꞌuxeb laj fariseo ut eb laj saduceo ut queꞌoc chixcuechꞌinquil rib.

San Juan 12:41

Quixye aꞌin laj Isaías nak quicꞌutbesi̱c chiru lix lokꞌal li Jesús. Joꞌcan nak quixchꞌolob lix ya̱lal.

San Lucas 2:14

—Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

Isaías 51:2

Chijulticokꞌ e̱re le̱ xeꞌto̱nil yucuaꞌ laj Abraham ut lix Sara. Saꞌ xcꞌabaꞌ aꞌan nak cuanquex la̱ex. Nak la̱in xinsicꞌ ru laj Abraham, aꞌan jun ajcuiꞌ. Abanan la̱in quicuosobtesi ut queꞌnabaloꞌ li ralal xcꞌajol.

Isaías 6:3

Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Salmos 24:10

¿Ani li rey aꞌin, li kꞌaxal nim xcuanquil? Aꞌan lix Dioseb li qꞌuila okꞌob chi ángel. Aꞌan li Ka̱cuaꞌ Dios li kꞌaxal nim xcuanquil.

Salmos 24:7

Tehomak e̱rib, ex puerta, li cuanquex chi junelic, ut cana̱kex chi teto re nak ta̱oc li tzꞌakal rey, li kꞌaxal nim xcuanquil.

Josué 24:2

Ut laj Josué quixye reheb chixjunileb li tenamit: —Aꞌan aꞌin li xye li Ka̱cuaꞌ li kaDios la̱o aj Israel: “Najter kꞌe cutan eb le̱ xeꞌto̱nil yucuaꞌ, laj Taré lix yucuaꞌeb laj Abraham, ut laj Nacor, queꞌcuan jun pacꞌal li nimaꞌ Éufrates ut queꞌxlokꞌoniheb li jalanil dios.

Génesis 29:4

Laj Jacob quixpatzꞌ reheb laj ilol xul: —Ex cuas cui̱tzꞌin, ¿bar cuan le̱ tenamit?— Eb aꞌan queꞌxye re: —Harán xcꞌabaꞌ li katenamit, chanqueb.

Génesis 12:5

Laj Abram quixcꞌam chirix lix Sarai li rixakil. Ut quixcꞌam ajcuiꞌ chirix laj Lot, li ralal li ri̱tzꞌin. Ut quixcꞌam ajcuiꞌ chixjunil li cꞌaꞌru cuan re li queꞌtam nak queꞌcuan saꞌ li tenamit Harán. Quixcꞌameb ajcuiꞌ lix mo̱s chirix. Ut queꞌoc chi xic saꞌ li tenamit Canaán ut yal jun nak coxeꞌxtau.

Génesis 12:1

Li Ka̱cuaꞌ Dios quixye re laj Abram: —Tat-e̱lk saꞌ li naꞌajej aꞌin. Ta̱canabeb la̱ cuechꞌalal ut ta̱canab ajcuiꞌ rochoch la̱ yucuaꞌ. Ut tatxic saꞌ li naꞌajej li tincꞌut cha̱cuu la̱in, chan.

Isaías 37:12

Eb lin xeꞌto̱nil yucuaꞌ queꞌxsach ruheb li tenamit Gozán, Harán, Resef, joꞌ eb ajcuiꞌ li ralal xcꞌajol laj Edén li queꞌcuan Telasar. ¿Ma queꞌcoleꞌ ta biꞌ li tenamit aꞌan xban lix dioseb?

Hechos 7:1

Ut li xyucuaꞌil eb laj tij quixpatzꞌ re laj Esteban ma ya̱l li yo̱queb chixyebal.

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

Hebreos 11:8

Xban lix pa̱ba̱l, laj Abraham qui-abin chiru li Dios nak quixye re nak ta̱e̱lk saꞌ li tenamit cuan cuiꞌ. Co̱ saꞌ li naꞌajej li quiyechiꞌi̱c re xban li Dios. Nak qui-el chak saꞌ li tenamit, co̱ chi incꞌaꞌ naxnau bar xic re.

Santiago 2:1

Ex inherma̱n, la̱ex nequepa̱b li Ka̱cuaꞌ Jesucristo, li kꞌaxal nim xlokꞌal. Joꞌcan nak junakiqueb nak te̱rileb le̱ ras e̱ri̱tzꞌin. Moco jun ta sa te̱ril ut jun ta incꞌaꞌ.