Hechos 7:16 - Li Santil hu

¹⁶ Lix bakeleb queꞌcꞌameꞌ Siquem ut queꞌmukeꞌ saꞌ li naꞌajej li quixlokꞌ laj Abraham riqꞌuineb li ralal xcꞌajol laj Hamor.

Q'eqchi Bible

¹⁶ ut ke'k'ame'k Sikem ut ke'muqe'k sa' li muqleb'aal kixloq' laj Abrahán chi plaatil rik'ineb' li ralal laj Jamor aran Sikem.

Hechos 7:16 ပူးပေါင်းရင်းမြစ်များ

Josué 24:32

Eb laj Israel queꞌxcꞌam chak lix bakel laj José nak queꞌel chak Egipto ut queꞌxmuk aran Siquem saꞌ li chꞌochꞌ li quixlokꞌ laj Jacob junxil riqꞌuineb li ralal laj Hamor. Laj Hamor, aꞌan lix yucuaꞌ laj Siquem. Jun ciento chi tumin plata quixtoj cuiꞌ laj Jacob ut li naꞌajej aꞌan quicana chokꞌ xnaꞌajeb li ralal xcꞌajol laj José.

Génesis 23:16

Nak quirabi joꞌ nimal xtzꞌak li chꞌochꞌ, laj Abraham qui-oc chixbisbal li plata. Quixbis ca̱hib ciento bisoc li plata joꞌ nequeꞌbisoc laj cꞌay. Ut quixqꞌue li plata re laj Efrón chiruheb laj hititas.

Éxodo 13:19

Laj Moisés quixcꞌam xbakel li camenak José chirixeb nak queꞌco̱eb. Quicꞌameꞌ xbakel xban nak junxilaj laj José quixye reheb li ralal xcꞌajol: —Chi ya̱l li Ka̱cuaꞌ Dios texrisi saꞌ li tenamit aꞌin. Te̱cꞌam lin bakel che̱rix nak tex-e̱lk arin, chan.

Génesis 50:13

Queꞌxpako lix caxonil lix yucuaꞌ saꞌ xbe̱neb lix tel ut queꞌxcꞌam aran Canaán. Ut queꞌxmuk aꞌan saꞌ li ochoch pec li cuan Macpela, li cuan jun pacꞌal Mamre. Aꞌan li mukleba̱l li quixlokꞌ laj Abraham junxil riqꞌuin laj Efrón laj hitita.

Génesis 35:19

Joꞌcaꞌin nak quicam lix Raquel ut quimukeꞌ saꞌ li be li naxic Efrata. Anakcuan Belén nayeman re li tenamit aꞌan.

Génesis 23:4

Quixye reheb: —La̱in chalenakin chak saꞌ jalan tenamit. Te̱ba̱nu usilal cꞌayihomak caꞌchꞌinak li naꞌajej re tinmuk lin camenak, chan.

Génesis 47:30

Nak tinca̱mk, tine̱risi Egipto ut tine̱cꞌam aran Canaán ut tine̱muk chixcꞌatk li naꞌajej li queꞌmukeꞌ cuiꞌ lin yucuaꞌ camenak joꞌ ajcuiꞌ lin yucuaꞌchin, chan laj Jacob. Ut laj José quixye re: —Us. Matcꞌoxlac. Tinba̱nu li cꞌaꞌru yo̱cat chixyebal cue, chan.

Génesis 50:12

Queꞌxba̱nu li ralal laj Jacob joꞌ li quixtzꞌa̱ma chiruheb.