Hechos 6:9 - Li Santil hu

⁹ Cuanqueb xcomoneb li nequeꞌtzoloc saꞌ li cab li nequeꞌxchꞌutub cuiꞌ ribeb laj judío. Aj libertos nequeꞌxye reheb. Saꞌ xya̱nkeb aꞌan cuanqueb li nequeꞌchal chak saꞌ eb li tenamit Cirene, Alejandría, Cilicia ut Asia. Eb aꞌan yo̱queb chixcuechꞌinquil laj Esteban.

Q'eqchi Bible

⁹ Sa' jun kutan ke'xaqliik xkomoneb' laj ch'utleb'aal kab'l reheb' laj Liberto jo' nayeemank re; wankeb' ajwi' aj Sirene, aj Alejandría, aj Silisia ut aj Asia, ut ke'ok chi xwech'inkil laj Esteban.

Hechos 6:9 ပူးပေါင်းရင်းမြစ်များ

Hechos 23:34

Ut li acuabej nak quiril xsaꞌ li hu, quixpatzꞌ re laj Pablo bar xtenamit. Nak quirabi nak aꞌan aj Cilicia, quixye re:

Hechos 22:3

—Relic chi ya̱l nak la̱in aj judío. Yoꞌlajenakin Tarso xcue̱nt Cilicia. Ut arin quinqꞌui Jerusalén. Quintzol cuib riqꞌuin laj Gamaliel chirix li chakꞌrab li quiqꞌueheꞌ chak reheb li kaxeꞌto̱nil yucuaꞌ. Chi anchal inchꞌo̱l ninqꞌue xlokꞌal li Dios joꞌ yo̱quex la̱ex anakcuan.

Hechos 15:41

Quilajeꞌxbeni li naꞌajej Siria ut Cilicia. Queꞌxchꞌolob xya̱lal chiruheb laj pa̱banel ut queꞌcacuu xchꞌo̱leb saꞌ xpa̱ba̱leb.

Hechos 15:23

Queꞌxtzꞌi̱ba jun li hu ut queꞌxtakla chirixeb laj Judas ut laj Silas. Joꞌcaꞌin naxye saꞌ li hu queꞌxtakla: Ex herma̱n, li ma̱cuaꞌex aj judío, la̱o li apóstol, ut eb laj cꞌamol be joꞌqueb ajcuiꞌ chixjunileb laj pa̱banel nakatakla xsahil e̱chꞌo̱l la̱ex li cuanquex saꞌ eb li tenamit Antioquía, Siria ut Cilicia. Sahak taxak saꞌ e̱chꞌo̱l.

San Mateo 27:32

Ut nak yo̱queb chi xic, queꞌxcꞌul jun li cui̱nk aj Simón xcꞌabaꞌ, Cirene xtenamit. Eb li soldado queꞌxmin ru aꞌan chixpakonquil lix cruz li Jesús.

Gálatas 1:21

Chirix chic aꞌan co̱in saꞌ eb li naꞌajej xcue̱nt Siria ut Cilicia.

Hechos 21:27

Nak ac numecꞌ re li cuukub cutan, cuanqueb laj judío queꞌchal chak Asia. Nak queꞌril laj Pablo saꞌ li templo, queꞌjoskꞌoꞌ ut queꞌxtiquib jun li chꞌaꞌajquilal saꞌ li tenamit ut queꞌxchap laj Pablo.

Hechos 19:10

Cuib chihab quixba̱nu chi joꞌcaꞌin. Ut chixjunileb li cuanqueb Asia, eb laj judío, joꞌeb ajcuiꞌ li ma̱cuaꞌeb aj judío, queꞌrabi li ra̱tin li Ka̱cuaꞌ Jesús.

Hechos 18:24

Quicuulac Éfeso jun li cui̱nk aj judío, aj Apolos xcꞌabaꞌ. Alejandría xtenamit. Kꞌaxal naxnau a̱tinac chi cha̱bil ut naxnau chi us li tzꞌi̱banbil saꞌ li Santil Hu.

Hechos 16:6

Li Santil Musikꞌej quixcꞌut chiruheb nak incꞌaꞌ teꞌxic chixchꞌolobanquil resil li colba-ib saꞌ li naꞌajej Asia. Joꞌcan nak queꞌco̱eb Frigia ut queꞌnumeꞌ ajcuiꞌ saꞌ li naꞌajej Galacia.

San Lucas 21:12

Abanan nak toj ma̱jiꞌ nacꞌulman chixjunil li cꞌaꞌak re ru aꞌin, texchapekꞌ ut texrahobtesi̱k. Texcꞌamekꞌ saꞌ li cab li nequeꞌxchꞌutub cuiꞌ ribeb laj judío ut texcꞌamekꞌ saꞌ tzꞌalam. Texcꞌamekꞌ chiruheb li rey ut eb laj rakol a̱tin saꞌ incꞌabaꞌ la̱in.

San Marcos 13:9

Aꞌut la̱ex cheqꞌuehak retal li raylal ta̱cha̱lk saꞌ e̱be̱n. Texkꞌaxtesi̱k chiruheb laj rakol a̱tin ut texsaqꞌuekꞌ saꞌ li cab li nequeꞌxchꞌutub cuiꞌ ribeb laj judío. Texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in ut ta̱ru̱k te̱chꞌolob xya̱lal li cua̱tin chiruheb.

San Mateo 10:17

Cauhak le̱ chꞌo̱l xban nak cuanqueb li teꞌkꞌaxtesi̱nk e̱re saꞌ rukꞌeb laj rakol a̱tin. Ut chi ma̱cꞌaꞌ e̱ma̱c texsaqꞌuekꞌ xbaneb saꞌ li cab li nequeꞌxchꞌutub cuiꞌ ribeb laj judío.

1 Corintios 1:20

Chiru li Dios ma̱cꞌaꞌ nequeꞌoc cuiꞌ li cuanqueb xnaꞌleb xjuneseb. Ma̱cꞌaꞌ nequeꞌoc cuiꞌ laj tzolonel. Ut ma̱cꞌaꞌ nequeꞌoc cuiꞌ li nequeꞌxnau a̱tinac chirix lix naꞌleb li ruchichꞌochꞌ. Lix naꞌleb li ruchichꞌochꞌ to̱ntil naꞌleb ut ma̱cꞌaꞌ na-oc cuiꞌ chiru li Dios.

Hechos 26:11

Nabal sut quintakla xsacꞌbaleb saꞌ li cab li nequeꞌxchꞌutub cuiꞌ ribeb laj judío. Quinpuersiheb chixmajecuanquil xcꞌabaꞌ li Jesús. Xban nak cꞌajoꞌ injoskꞌil saꞌ xbe̱neb, quebinta̱ke yalak bar saꞌ eb li jalanil tenamit re xba̱nunquil raylal reheb.

Hechos 22:19

La̱in quinye re, “At Ka̱cuaꞌ, chixjunileb nequeꞌxnau nak la̱in co̱in saꞌ li junju̱nk chi cab li nequeꞌxchꞌutub cuiꞌ ribeb laj judío chixchapbaleb laj pa̱banel re nak teꞌqꞌuehekꞌ saꞌ tzꞌalam ut teꞌsaqꞌuekꞌ.

Hechos 21:39

Quichakꞌoc laj Pablo ut quixye: —Incꞌaꞌ. La̱in aj judío. Yoꞌlajenakin saꞌ li tenamit Tarso li cuan xcue̱nt Cilicia. Naꞌno ru lin tenamit. Tintzꞌa̱ma cha̱cuu nak tina̱canab chira̱tinanquileb li tenamit, chan.

Hechos 19:26

Ac e̱rabiom resil nak laj Pablo ac xtacchiꞌi nabaleb li cuanqueb aran Éfeso joꞌ ajcuiꞌ saꞌ chixjunil li tenamit xcue̱nt Asia. Ac nequenau nak yo̱ chixyebal reheb nak moco dioseb ta li yal yi̱banbil xban cui̱nk.

Hechos 13:45

Ut nak queꞌril li qꞌuila tenamit eb li nequeꞌcꞌamoc be saꞌ xya̱nkeb laj judío, cꞌajoꞌ nak queꞌcakoꞌ xchꞌo̱leb. Queꞌoc chixcuechꞌinquil laj Pablo. Queꞌxhob ut queꞌxmajecua.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Hechos 11:20

Abanan cuanqueb aj pa̱banel aj Chipre ut aj Cirene queꞌcuulac Antioquía. Eb aꞌan queꞌxchꞌolob xya̱lal chiruheb li nequeꞌa̱tinac saꞌ griego ut queꞌxye resil li colba-ib saꞌ xcꞌabaꞌ li Jesucristo.

San Mateo 23:34

La̱in tintaklaheb e̱riqꞌuin li profeta ut li cuanqueb xnaꞌleb ut eb laj tzolonel. Abanan la̱ex incꞌaꞌ te̱rabi. Ut saꞌ xya̱nkeb aꞌan, cuan te̱camsiheb, cuan te̱qꞌueheb chiru cruz, ut cuan cuiꞌchic li te̱rahobtesiheb saꞌ li cab li nequechꞌutub cuiꞌ e̱rib chixtzolbal ra̱tin li Dios. Ut cuan cuiꞌchic te̱ta̱keheb saꞌ li junju̱nk chi tenamit re xchapbaleb.

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

Hechos 24:18

Aꞌan aꞌin li yo̱quin chixba̱nunquil nak quineꞌxtau saꞌ li templo laj judío li queꞌchal chak Asia. Tojeꞌ xinrakeꞌ xba̱nunquil li cꞌaꞌru quinyechiꞌi chiru li Dios. Ac xinba̱nu li naba̱numan re xsantobresinquil cuib. Moco nocotububnac ta chi moco yo̱co ta chi yoꞌoba̱nc chꞌaꞌajquilal.