Hechos 6:6 - Li Santil hu

⁶ Aꞌaneb aꞌin li queꞌxakaba̱c chi cꞌanjelac. Ut eb li apóstol queꞌxqꞌue li rukꞌ saꞌ xbe̱neb ut queꞌtijoc.

Q'eqchi Bible

⁶ Chirix chik a'an ke'xaqab'aak chiruheb' li apóstol, ut eb' a'in ke'tijok ut ke'xk'e li ruq' sa' xb'eeneb'.

Hechos 6:6 ပူးပေါင်းရင်းမြစ်များ

2 Timoteo 1:6

Joꞌcan nak ninjultica cha̱cuu nak chaqꞌuehak chi cꞌanjelac la̱ ma̱tan qꞌuebil a̱cue xban li Dios nak quinqꞌue li cuukꞌ saꞌ a̱be̱n.

Números 8:10

Nak acak xachꞌutubeb laj levita chicuu, eb laj Israel teꞌxqꞌue li rukꞌeb saꞌ xjolomeb laj levita.

Hechos 1:24

Ut queꞌoc chi tijoc ut queꞌxye: —At Ka̱cuaꞌ, la̱at nacanau chanru li ra̱m li junju̱nk. Joꞌcan nak nakatzꞌa̱ma cha̱cuu nak ta̱cꞌutbesi chiku ani reheb li cuib aꞌin ta̱sicꞌ ru re ta̱cana̱k chi cꞌanjelac chokꞌ re̱kaj laj Judas.

1 Timoteo 4:14

Chaqꞌue taxak a̱chꞌo̱l chi cꞌanjelac joꞌ quiqꞌueheꞌ a̱cue xban li Dios. Li cꞌanjel aꞌin qꞌuebil a̱cue nak eb li profeta queꞌa̱tinac cha̱cuix ut nak eb laj cꞌamol be saꞌ xya̱nkeb laj pa̱banel queꞌxqꞌue li rukꞌeb saꞌ a̱be̱n.

Hechos 8:17

Laj Pedro ut laj Juan queꞌxqꞌue li rukꞌeb saꞌ xbe̱neb ut queꞌxcꞌul li Santil Musikꞌej.

Hechos 13:3

Queꞌxba̱nu lix ayu̱n ut queꞌtijoc nak queꞌxqꞌue li rukꞌeb saꞌ xbe̱neb laj Saulo ut laj Bernabé. Tojoꞌnak queꞌxchakꞌrabiheb.

Hechos 9:17

Co̱ ut laj Ananías ut qui-oc saꞌ li cab joꞌ quiyeheꞌ re. Quixqꞌue li rukꞌ saꞌ xbe̱n laj Saulo ut quixye re: —Hermano Saulo, li Ka̱cuaꞌ Jesús, li quixcꞌutbesi rib cha̱cuu saꞌ li be nak yo̱cat chi cha̱lc arin, aꞌan xtaklan chak cue arin re nak ta̱ru̱k tat-ilok cuiꞌchic ut ta̱cꞌul li Santil Musikꞌej, chan laj Ananías re.

1 Timoteo 5:22

Ma̱qꞌue junak chi cꞌamoc be saꞌ junpa̱t saꞌ xya̱nkeb laj pa̱banel. Xbe̱n cua ta̱cuil chanru lix yuꞌam xban nak cui la̱at ta̱xakab chi cꞌanjelac chi junpa̱t ut na-oc chi ma̱cobc, cuan ajcuiꞌ ma̱c saꞌ a̱be̱n la̱at. Chatcua̱nk ban chi ti̱c la̱ chꞌo̱l.

Hebreos 6:2

Ac nequenau xya̱lal li cubi haꞌ. Nequenau xya̱lal li xqꞌuebal li kukꞌ saꞌ xbe̱neb laj pa̱banel. Ac nequenau nak teꞌcuacli̱k cuiꞌchic chi yoꞌyo li camenak. Ut nequenau ajcuiꞌ nak ta̱cuulak xkꞌehil nak ta̱rakekꞌ a̱tin chi junaj cua saꞌ xbe̱neb li ma̱jiꞌ nequeꞌpa̱ban.

Números 27:18

Ut li Ka̱cuaꞌ quixye re laj Moisés: —Laj Josué li ralal laj Nun, aꞌan cuan lin musikꞌ riqꞌuin. Ta̱qꞌue la̱ cuukꞌ saꞌ xjolom ut ta̱xakab chi cꞌamoc be chiruheb li tenamit.

Deuteronomio 34:9

Ut laj Josué li ralal laj Nun quiqꞌueheꞌ xnaꞌleb xban nak laj Moisés quixqꞌue li rukꞌ saꞌ xbe̱n retalil nak aꞌan chic ta̱cꞌamok be chiruheb laj Israel. Joꞌcan nak eb laj Israel queꞌabin chiru ut queꞌxba̱nu joꞌ quiyeheꞌ re laj Moisés xban li Ka̱cuaꞌ Dios.

San Marcos 5:23

Ut chi anchal xchꞌo̱l quixtzꞌa̱ma chiru li Jesús ut quixye re: —At Ka̱cuaꞌ, kꞌaxal nim xyajel lin chꞌina rabin. Ca̱mc re. Ba̱nu usilal, tatxic saꞌ cuochoch. Toxa̱qꞌue la̱ cuukꞌ saꞌ xbe̱n re nak ta̱qꞌuira̱k ut incꞌaꞌ ta̱ca̱mk, chan re li Jesús.

Hechos 9:12

Laj Saulo xril jun li visión. Xat-oc riqꞌuin nak xril ut xaqꞌue la̱ cuukꞌ saꞌ xbe̱n re nak ta̱ilok cuiꞌchic, chan li Ka̱cuaꞌ.

Hechos 19:6

Laj Pablo quixqꞌue li rukꞌ saꞌ xbe̱neb ut queꞌxcꞌul li Santil Musikꞌej. Queꞌa̱tinac saꞌ jalan a̱tinoba̱l ut queꞌxye resil li cꞌaꞌru quicꞌutbesi̱c chiruheb xban li Dios.