Hechos 6:5 - Li Santil hu

⁵ Ut queꞌxcꞌul xchꞌo̱leb chixjunil li cuanqueb aran. Queꞌxsicꞌ ru laj Esteban li napa̱ban chi tzꞌakal ut nujenak chi Santil Musikꞌej. Ut queꞌxsicꞌ ajcuiꞌ ruheb laj Felipe, laj Prócoro, laj Nicanor, laj Timón, laj Parmenas, ut laj Nicolás aj Antioquía li qui-oc saꞌ xya̱nkeb laj judío.

Q'eqchi Bible

⁵ Chixjunil li jo'k'ihaleb' wankeb' aran, ke'xk'ulub'an xch'ool li na'leb' a'in, ut ke'xsik' ru laj Esteban, jun li winq nim xpaab'aal ut nujenaq chi Santil Musiq'ej, jo'wi' laj Felipe, laj Prókoro, laj Nikanor, laj Timón, laj Pármenas ut laj Nikolás aj Antiokía, a' li ki'ok sa' xyanqeb' laj Judiiy.

Hechos 6:5 ပူးပေါင်းရင်းမြစ်များ

Hechos 11:24

Laj Bernabé, aꞌan jun cui̱nk cha̱bil ut cuan xpa̱ba̱l. Nujenak chi Santil Musikꞌej. Ut chiru aꞌan nabaleb queꞌxpa̱b li Ka̱cuaꞌ.

Hechos 21:8

Joꞌ cuulajak chic co̱o Cesarea. Nak cocuulac aran, co̱o saꞌ rochoch laj Felipe laj yehol resil li colba-ib. Aꞌan jun reheb li cuukub li queꞌsiqꞌueꞌ ruheb Jerusalén re teꞌxtenkꞌaheb li apóstol.

Hechos 6:8

Laj Esteban aꞌan jun cui̱nk osobtesinbil xban li Dios ut qꞌuebil xcuanquil chixba̱nunquil li milagro ut sachba chꞌo̱lej saꞌ xya̱nkeb li tenamit.

Hechos 7:1

Ut li xyucuaꞌil eb laj tij quixpatzꞌ re laj Esteban ma ya̱l li yo̱queb chixyebal.

Hechos 6:3

Ex herma̱n, sicꞌomak saꞌ e̱ya̱nk cuukubak chi cui̱nk cha̱bilakeb xnaꞌleb ut nujenakeb chi Santil Musikꞌej riqꞌuineb. Cha̱bilak xyehom xba̱nuhomeb. Aꞌaneb li teꞌqꞌuehekꞌ saꞌ li cꞌanjel aꞌin.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Hechos 11:19

Chirix lix camic laj Esteban, queꞌxjeqꞌui ribeb laj pa̱banel xban li raylal li yo̱queb chixcꞌulbal. Queꞌcuulac toj Fenicia, Chipre ut Antioquía. Aran queꞌxchꞌolob resil li evangelio chiruheb laj judío. Incꞌaꞌ queꞌxye reheb li ma̱cuaꞌeb aj judío.

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

Proverbios 15:23

Li ani naxnau xsumenquil junak li patzꞌoc nasahoꞌ saꞌ xchꞌo̱l. Ut kꞌaxal cuiꞌchic us nak teꞌxye junak a̱tin nak ta̱ajekꞌ ru.

Apocalipsis 2:15

Ut cuanqueb ajcuiꞌ saꞌ e̱ya̱nk li toj nequeꞌxqꞌue xcuanquil lix tijleb laj Nicolás. La̱in xicꞌ nacuil li ma̱usilal li nequeꞌxba̱nu eb aꞌan.

Apocalipsis 2:6

Abanan cuan jun li us nequeba̱nu. La̱ex xicꞌ nequeril li ma̱usilal li nequeꞌxba̱nu li nequeꞌta̱ken re li cui̱nk laj Nicolás. Joꞌcan ajcuiꞌ la̱in. Xicꞌ nacuil li ma̱usilal li nequeꞌxba̱nu eb aꞌan.

Hechos 15:22

Eb li apóstol, ut eb laj cꞌamol be rochbeneb chixjunileb laj pa̱banel queꞌxsicꞌ ruheb li teꞌxtakla Antioquía chirixeb laj Pablo ut laj Bernabé. Ut queꞌxsiqꞌueb ru laj Silas ut laj Judas, aj Barsabás nequeꞌxye ajcuiꞌ re. Eb li cui̱nk aꞌin qꞌuebileb xcuanquil xbaneb li rech aj pa̱banelil.

San Mateo 23:15

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Nequesuti li ruchichꞌochꞌ joꞌ ajcuiꞌ li palau re xsicꞌbal ani ta̱pa̱ba̱nk re le̱ tijleb. Ut nak ac xeꞌxkꞌaxtesi rib saꞌ e̱ya̱nk, kꞌaxal cuiꞌchic yibru xnaꞌlebeb che̱ru la̱ex ut e̱ma̱c la̱ex nak teꞌxic saꞌ xbalba.

Miqueas 3:8

Abanan la̱in cuan lix musikꞌ li Ka̱cuaꞌ cuiqꞌuin. Ut aꞌan naqꞌuehoc incuanquil. Aꞌan nacꞌutuc chicuu cꞌaꞌru li ti̱quilal ut aꞌan li naqꞌuehoc xcacuil inchꞌo̱l re nak tinye reheb laj Israel li ralal xcꞌajol laj Jacob nak yo̱queb chixtzꞌekta̱nanquil li Dios. Ut naxqꞌue ajcuiꞌ xcacuil inchꞌo̱l re nak tinye reheb nak cuan xma̱queb.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Génesis 41:37

Laj faraón ut eb laj cꞌanjel chiru queꞌxcꞌul xchꞌo̱l li cꞌaꞌru queꞌyeheꞌ re xban laj José.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

Hechos 11:20

Abanan cuanqueb aj pa̱banel aj Chipre ut aj Cirene queꞌcuulac Antioquía. Eb aꞌan queꞌxchꞌolob xya̱lal chiruheb li nequeꞌa̱tinac saꞌ griego ut queꞌxye resil li colba-ib saꞌ xcꞌabaꞌ li Jesucristo.

Hechos 11:22

Nak queꞌrabi resil eb laj pa̱banel li cuanqueb Jerusalén, queꞌxtakla laj Bernabé aran Antioquía.

Hechos 11:26

Ut queꞌcuan aran jun chihab tzꞌakal riqꞌuineb ut queꞌxcꞌut lix ya̱lal chiruheb nabal. Ut aran Antioquía queꞌxtiquib xyebal “cristiano” reheb laj pa̱banel.

Hechos 11:27

Saꞌ eb li cutan aꞌan cuanqueb profeta queꞌel Jerusalén ut queꞌco̱eb Antioquía.

Hechos 22:20

Nak queꞌxcamsi laj Esteban li quichꞌoloban lix ya̱lal cha̱cuix, la̱in cuanquin ajcuiꞌ aran. Yo̱quin chirilbal ut quisahoꞌ inchꞌo̱l riqꞌuin lix camic. Ut la̱in ajcuiꞌ quin-iloc re li rakꞌeb li queꞌcamsin re,” chanquin re.