Hechos 6:3 - Li Santil hu

³ Ex herma̱n, sicꞌomak saꞌ e̱ya̱nk cuukubak chi cui̱nk cha̱bilakeb xnaꞌleb ut nujenakeb chi Santil Musikꞌej riqꞌuineb. Cha̱bilak xyehom xba̱nuhomeb. Aꞌaneb li teꞌqꞌuehekꞌ saꞌ li cꞌanjel aꞌin.

Q'eqchi Bible

³ Ex was wiitz'in, sik'omaq sa' eeyanq wuqub'aq chi winq li chaab'il nayeemank chirixeb', nujenaqaqeb' chi Musiq'ej ut chi chaab'il na'leb', ut eb' a'an te'qaxaqab' chi xb'aanunkil li k'anjel a'in.

Hechos 6:3 ပူးပေါင်းရင်းမြစ်များ

Deuteronomio 1:13

Sicꞌomakeb ru saꞌ li junju̱nk xte̱paleb li tenamit li cui̱nk li cuanqueb xnaꞌleb ut nequeꞌxnau qꞌuehoc naꞌleb. Teꞌxnau takla̱nc li te̱sicꞌ ruheb ut la̱in tinxakabeb chi rakoc a̱tin saꞌ e̱be̱n.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

3 Juan 1:12

Chixjunileb nequeꞌxye nak cha̱bil li herma̱n Demetrio. Ut relic chi ya̱l nak lix yuꞌam nacꞌutuc re lix cha̱bilal. Joꞌcan ajcuiꞌ nakaye la̱o. Ut la̱at nacanau nak li nakaye la̱o aꞌan ya̱l.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

1 Corintios 16:3

Ut te̱sicꞌ ruheb li ani teꞌxic Jerusalén chixcanabanquil li tumin. Ut nak tincuulak e̱riqꞌuin, tintzꞌi̱ba li hu teꞌxcꞌam nak teꞌxic Jerusalén chixkꞌaxtesinquil li tumin reheb laj pa̱banel.

Hechos 22:12

Jun li cui̱nk aj Ananías xcꞌabaꞌ quicuulac chicuilbal. Naxba̱nu joꞌ naxye li chakꞌrab li quiqꞌueheꞌ re laj Moisés. Cha̱bil nequeꞌxye chirix li cui̱nk aꞌan chixjunileb laj judío li cuanqueb aran.

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

Hechos 6:6

Aꞌaneb aꞌin li queꞌxakaba̱c chi cꞌanjelac. Ut eb li apóstol queꞌxqꞌue li rukꞌ saꞌ xbe̱neb ut queꞌtijoc.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

Hechos 1:21

Joꞌcan nak tento takaxakab junak chokꞌ re̱kaj laj Judas. Cuanqueb cui̱nk saꞌ kaya̱nk queꞌochbenin chak ke nak toj cuan li Jesús saꞌ kaya̱nk,

San Mateo 23:8

Abanan la̱ex me̱rahi ru nak li tenamit teꞌxqꞌue e̱lokꞌal ut teꞌxye “tzolonel” e̱re xban nak jun ajcuiꞌ laj tzolol e̱re cuan. La̱in li Cristo laj tzolol e̱re ut che̱junilex la̱ex e̱ri̱tzꞌin e̱rib.

Isaías 28:26

Naxnau chi us li a̱uc xban nak li Ka̱cuaꞌ lix Dios naxcꞌut chiru chanru tixba̱nu.

Isaías 28:6

Li Ka̱cuaꞌ tixqꞌue xnaꞌlebeb laj rakol a̱tin re nak teꞌrakok a̱tin saꞌ ti̱quilal. Ut tixqꞌue xcacuilal xchꞌo̱leb li nequeꞌpletic re xcolbal li oqueba̱l re li tenamit.

1 Corintios 12:8

Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

Hechos 16:2

Cha̱bil nequeꞌxye chirix laj Timoteo eb laj pa̱banel li cuanqueb Listra ut Iconio.

Hechos 15:23

Queꞌxtzꞌi̱ba jun li hu ut queꞌxtakla chirixeb laj Judas ut laj Silas. Joꞌcaꞌin naxye saꞌ li hu queꞌxtakla: Ex herma̱n, li ma̱cuaꞌex aj judío, la̱o li apóstol, ut eb laj cꞌamol be joꞌqueb ajcuiꞌ chixjunileb laj pa̱banel nakatakla xsahil e̱chꞌo̱l la̱ex li cuanquex saꞌ eb li tenamit Antioquía, Siria ut Cilicia. Sahak taxak saꞌ e̱chꞌo̱l.

Hechos 9:30

Nak eb laj pa̱banel queꞌrabi resil nak teꞌraj xcamsinquil, queꞌxcꞌam laj Saulo aran Cesarea ut aran chic queꞌxtakla Tarso.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

San Juan 21:23

Joꞌcan nak qui-el resil saꞌ xya̱nkeb laj pa̱banel nak li jun aꞌan incꞌaꞌ ta̱ca̱mk. Abanan ma̱cuaꞌ joꞌcan quixye li Jesús. Incꞌaꞌ quixye nak incꞌaꞌ ta̱ca̱mk. Caꞌaj cuiꞌ quixye, “Cui la̱in tincuaj nak yoꞌyo̱k toj tincꞌulu̱nk, ¿cꞌaꞌru ta̱cuaj re la̱at?”

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Hechos 6:2

Joꞌcan nak li cablaju chi apóstol queꞌxchꞌutub chixjunileb laj pa̱banel ut queꞌxye reheb: —Incꞌaꞌ naru takacanab xchꞌolobanquil ra̱tin li Dios yal re nak tojecꞌok tzacae̱mk la̱o.

Hechos 6:5

Ut queꞌxcꞌul xchꞌo̱leb chixjunil li cuanqueb aran. Queꞌxsicꞌ ru laj Esteban li napa̱ban chi tzꞌakal ut nujenak chi Santil Musikꞌej. Ut queꞌxsicꞌ ajcuiꞌ ruheb laj Felipe, laj Prócoro, laj Nicanor, laj Timón, laj Parmenas, ut laj Nicolás aj Antioquía li qui-oc saꞌ xya̱nkeb laj judío.

Hechos 28:14

Saꞌ li naꞌajej aꞌan cuanqueb aj pa̱banel katauheb. Eb aꞌan queꞌxtzꞌa̱ma chiku nak tocana̱k cuukubak cutan riqꞌuineb. Ut chirix aꞌan co̱o cuiꞌchic Roma.