Hechos 6:11 - Li Santil hu

¹¹ Aban cuanqueb li queꞌtumina̱c ru re teꞌxye ticꞌtiꞌ chirix laj Esteban. Ut queꞌxye: —La̱o xkabi nak yo̱ chixmajecuanquil li Dios ut laj Moisés, chanqueb.

Q'eqchi Bible

¹¹ Toja' naq wankeb' winq ke'tuminaak ru chi xyeeb'al: “Xqab'i li winq a'in chi xmajewankil laj Moisés ut li Yos”.

Hechos 6:11 ပူးပေါင်းရင်းမြစ်များ

1 Timoteo 1:13

Quixqꞌue cue li cꞌanjel aꞌin usta ac xinmajecua li Jesucristo ut xinrahobtesi eb laj pa̱banel ut xinhobeb. Abanan li Jesucristo quiruxta̱na cuu xban nak toj ma̱jiꞌ ninnau bar cuan li tzꞌakal ya̱l ut toj ma̱jiꞌ ninpa̱ban.

Romanos 3:8

Us cui nakaba̱nu li ma̱usilal re nak ta̱nima̱k xlokꞌal li Dios, chanqueb. ¿Cꞌaꞌru nequeye la̱ex? ¿Ma takaba̱nu li incꞌaꞌ us re nak ta̱nima̱k xlokꞌal li Dios? Ma̱ jaruj ta̱ru̱k ta̱qꞌuema̱nk xlokꞌal li Dios riqꞌuin li kama̱usilal. Cuan li nequeꞌyehoc nak aꞌan aꞌin li tijleb ninchꞌolob xya̱lal, abanan moco joꞌcan ta li yo̱quin chixyebal. Li nequeꞌyehoc re aꞌan xcꞌulubeb nak teꞌxtoj rix lix ma̱queb.

Hechos 25:7

Nak quicuulac, quisuteꞌ xbaneb laj judío li queꞌchal Jerusalén. Junes raylal queꞌxye chirix laj Pablo nak queꞌxjit. Abanan incꞌaꞌ qui-el chi ya̱l li cꞌaꞌru queꞌxye xban nak ma̱cꞌaꞌ junak cꞌaꞌru tixcꞌut nak ya̱l li yo̱queb chixyebal.

Hechos 25:3

Queꞌxtzꞌa̱ma chiru laj Festo nak tixba̱nu li usilal, tixtakla cuiꞌchic Jerusalén laj Pablo xban nak queꞌxcꞌoxla xrambal saꞌ be re xcamsinquil.

Hechos 21:28

Japjo̱queb re chixyebal: —Ex aj Israel, choe̱tenkꞌa. Aꞌan aꞌin li cui̱nk li napoꞌoc xnaꞌlebeb li tenamit yalak bar chixtzꞌekta̱nanquil li katenamit, joꞌ ajcuiꞌ li chakꞌrab li quixqꞌue ke laj Moisés. Ut naxtzꞌekta̱na li templo aꞌin. Joꞌ cuiꞌ anchal xrocsiheb li ma̱cuaꞌeb aj judío saꞌ li templo ut riqꞌuin aꞌan, xmux ru li Santil Naꞌajej, chanqueb.

Hechos 18:6

Abanan eb aꞌan incꞌaꞌ queꞌcuulac chiru li yo̱ chixyebal laj Pablo. Queꞌoc chi majecua̱nc. Joꞌcan nak laj Pablo quixchikꞌchikꞌi li rakꞌ ut quixye reheb: —Cui la̱ex incꞌaꞌ texcolekꞌ, aꞌ yal e̱re. Saꞌ e̱be̱n la̱ex cuan li ma̱c. La̱in ma̱cꞌaꞌ inma̱c xban nak ac xinye e̱re lix ya̱lal. Chalen anakcuan la̱in tinchꞌolob xya̱lal reheb li ma̱cuaꞌeb aj judío, chan.

Hechos 15:21

Joꞌcaꞌin ajcuiꞌ naxye li chakꞌrab li quiqꞌueheꞌ re laj Moisés xban li Dios. Ut chalen chak najter cuan li ani najultican re saꞌ eb li cab li nequeꞌxchꞌutub cuiꞌ ribeb laj judío rajlal hiloba̱l cutan, chan laj Jacobo.

Hechos 6:13

Ut queꞌxsicꞌ ani ta̱ticꞌtiꞌik chirix ut queꞌxkꞌaba aꞌan ut queꞌxye: —Li cui̱nk aꞌin junelic yo̱ chixsachbal xcuanquil li santil naꞌajej aꞌin ut naxtzꞌekta̱na li chakꞌrab li quiqꞌueheꞌ re laj Moisés.

San Juan 16:3

Teꞌxba̱nu li raylal aꞌin e̱re xban nak incꞌaꞌ nequeꞌxnau ru lin Yucuaꞌ chi moco nequeꞌxnau cuu la̱in.

San Juan 9:29

—La̱o nakanau nak li Dios quia̱tinac riqꞌuin laj Moisés; abanan li cui̱nk aꞌan incꞌaꞌ nakanau bar xchal chak, chanqueb.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

Hechos 26:11

Nabal sut quintakla xsacꞌbaleb saꞌ li cab li nequeꞌxchꞌutub cuiꞌ ribeb laj judío. Quinpuersiheb chixmajecuanquil xcꞌabaꞌ li Jesús. Xban nak cꞌajoꞌ injoskꞌil saꞌ xbe̱neb, quebinta̱ke yalak bar saꞌ eb li jalanil tenamit re xba̱nunquil raylal reheb.

Levítico 24:16

Li ani tixmajecua xcꞌabaꞌ li Dios ta̱camsi̱k, usta aj Israel usta jalan xtenamit li cuan Israel. Chixjunileb li tenamit teꞌxcamsi chi pec xban nak xmajecua xcꞌabaꞌ li Ka̱cuaꞌ.

Éxodo 23:1

Me̱ye ticꞌtiꞌ chirix le̱ ras e̱ri̱tzꞌin chi moco chex-oque̱nk chixtenkꞌanquil li incꞌaꞌ useb xnaꞌleb riqꞌuin xyebal ticꞌtiꞌ.

Jeremías 26:11

Ut eb laj tij ut eb li profetas queꞌa̱tinac riqꞌuineb li tenamit joꞌ eb ajcuiꞌ li cuanqueb xcuanquil ut queꞌxye reheb: —Xcꞌulub ca̱mc li cui̱nk aꞌin xban nak xye nak li katenamit tixcꞌul raylal. La̱ex xerabi riqꞌuin e̱xic li cꞌaꞌru quixye, chanqueb.

Jeremías 37:13

Abanan nak quicuulac saꞌ li oqueba̱l re laj Benjamín, li nataklan saꞌ xbe̱neb li soldados quixchap ut quixye re: —La̱at xic a̱cue chixkꞌaxtesinquil a̱cuib saꞌ xya̱nkeb laj Babilonia, chan. Li cui̱nk aꞌan, aꞌan laj Irías li ralal laj Selemías ut ri laj Hananías.

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

Hechos 6:12

Ut queꞌxtacchiꞌi ajcuiꞌ li tenamit, joꞌqueb ajcuiꞌ laj cꞌamol be ut eb laj tzꞌi̱b. Queꞌxchap laj Esteban ut queꞌxcꞌam chiruheb li nequeꞌtaklan saꞌ xbe̱neb laj judío.