Hechos 5:41 - Li Santil hu

⁴¹ Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

Q'eqchi Bible

⁴¹ Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

Hechos 5:41 ပူးပေါင်းရင်းမြစ်များ

Santiago 1:2

Ex inherma̱n, chisahokꞌ taxak saꞌ e̱chꞌo̱l riqꞌuin li raylal nequecꞌul. Yalak cꞌaꞌru li raylal nachal saꞌ e̱be̱n, aꞌan yal re xyalbal rix le̱ pa̱ba̱l.

San Lucas 6:22

Us xak e̱re la̱ex nak xicꞌ tex-ilekꞌ saꞌ incꞌabaꞌ la̱in li Cꞌajolbej. Us xak e̱re la̱ex nak tex-isi̱k saꞌ xya̱nkeb ut texhobekꞌ saꞌ incꞌabaꞌ la̱in ut ta̱yehekꞌ e̱re nak incꞌaꞌ us e̱naꞌleb.

Filipenses 1:29

Qꞌuebil e̱re le̱ ma̱tan xban li Dios re xpa̱banquil li Cristo. Ut moco caꞌaj cuiꞌ ta te̱cꞌul li rusilal re xpa̱banquil. Usilal aj ban cuiꞌ nak qꞌuebil e̱re xcꞌulbal li raylal saꞌ xcꞌabaꞌ li Cristo.

San Juan 15:21

Texrahobtesi̱k xban nak la̱ex cualal incꞌajol. Teꞌxba̱nu chi joꞌcan xban nak incꞌaꞌ nequeꞌxnau ru li ani quitaklan chak cue.

2 Corintios 12:10

Joꞌcan nak nasahoꞌ saꞌ inchꞌo̱l nak ma̱cꞌaꞌ incuanquil injunes ut nak ninhobeꞌ joꞌ ajcuiꞌ nak nincꞌul li raylal, li chꞌaꞌajquilal ut li rahobtesi̱c saꞌ xcꞌabaꞌ li Jesucristo. Nasahoꞌ saꞌ inchꞌo̱l xban nak cui ma̱cꞌaꞌ incuanquil injunes cuib, ninnau nak cuan incuanquil saꞌ xcꞌabaꞌ li Jesucristo.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Romanos 5:3

Ut moco caꞌaj cuiꞌ ta nasahoꞌ kachꞌo̱l nak totzꞌako̱nk saꞌ lix lokꞌal li Dios. Nasahoꞌ aj ban cuiꞌ saꞌ kachꞌo̱l nak nakacꞌul li raylal. Nakanau nak riqꞌuin xcꞌulbal li raylal nakatzol li cuyuc.

Hebreos 10:34

La̱ex quiyotꞌeꞌ e̱chꞌo̱l chi rilbal le̱ rech aj pa̱banelil li cuanqueb chi pre̱xil. Ut incꞌaꞌ quirahoꞌ saꞌ le̱ chꞌo̱l nak quimakꞌeꞌ che̱ru li cꞌaꞌru e̱re xban nak nequenau nak saꞌ li choxa cuan e̱ma̱tan kꞌaxal cuiꞌchic lokꞌ. Le̱ ma̱tan li cuan saꞌ choxa incꞌaꞌ nalaj incꞌaꞌ na-osoꞌ.

Isaías 65:14

Eb li nequeꞌcꞌanjelac chicuu teꞌbicha̱nk xban xsahileb xchꞌo̱l. Abanan la̱ex, li nequeba̱nu li incꞌaꞌ us, texya̱bak xban li raylal li te̱cꞌul. Ta̱yotꞌekꞌ e̱chꞌo̱l ut japjo̱k e̱re xban li raylal.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Hechos 5:21

Cuulajak chic nak toj ekꞌela queꞌco̱eb saꞌ li templo eb li apóstol ut queꞌoc chixchꞌolobanquil lix ya̱lal chiruheb li tenamit joꞌ quiyeheꞌ reheb xban li ángel. Saꞌ ajcuiꞌ li ekꞌela aꞌan queꞌcuulac li xbe̱nil aj tij rochbeneb chixjunileb li nequeꞌtenkꞌan re, ut queꞌxbokeb li jun chꞌol chic li nequeꞌcꞌamoc be chiruheb laj judío joꞌqueb ajcuiꞌ li nequeꞌtaklan saꞌ xbe̱neb. Ut queꞌxtakla xyebal re laj ilol tzꞌalam nak teꞌcꞌamekꞌ li apóstol riqꞌuineb.

Hechos 21:13

Abanan laj Pablo quichakꞌoc ut quixye ke: —¿Cꞌaꞌut nak yo̱quex chi ya̱bac ut chixqꞌuebal xrahil inchꞌo̱l? La̱in cau inchꞌo̱l, moco caꞌaj cuiꞌ ta re tinbaqꞌuekꞌ. Re aj ban cuiꞌ nak tincamsi̱k aran Jerusalén saꞌ xcꞌabaꞌ li Ka̱cuaꞌ Jesús, chan.

3 Juan 1:7

Eb aꞌan xeꞌoc chi xic xban nak teꞌraj xba̱nunquil xcꞌanjel li Jesucristo. Ut incꞌaꞌ queꞌxcꞌul xkꞌajca̱munquileb chiruheb li ma̱jiꞌ nequeꞌxpa̱b li Dios.