Hechos 5:34 - Li Santil hu

³⁴ Abanan saꞌ xya̱nkeb aꞌan cuan jun aj fariseo aj Gamaliel xcꞌabaꞌ. Li cui̱nk aꞌan aj tzolol chakꞌrab ut naqꞌueheꞌ xcuanquil xbaneb li tenamit. Quixakli chiruheb ut quixtakla risinquileb li apóstol junpa̱t chirix cab.

Q'eqchi Bible

³⁴ Toja' naq jun aj pariseey, aj Gamaliel xk'ab'a', aj nahol Chaq'rab' ut oxloq'inb'il xb'aaneb' chixjunil li tenamit, kixaqliik sa' li raqleb'aal aatin ut kixtaqla naq che'isiiq jun k'amokaq eb' li apóstol chirix kab'l,

Hechos 5:34 ပူးပေါင်းရင်းမြစ်များ

Hechos 22:3

—Relic chi ya̱l nak la̱in aj judío. Yoꞌlajenakin Tarso xcue̱nt Cilicia. Ut arin quinqꞌui Jerusalén. Quintzol cuib riqꞌuin laj Gamaliel chirix li chakꞌrab li quiqꞌueheꞌ chak reheb li kaxeꞌto̱nil yucuaꞌ. Chi anchal inchꞌo̱l ninqꞌue xlokꞌal li Dios joꞌ yo̱quex la̱ex anakcuan.

San Lucas 2:46

Nak ac xnumeꞌ chic oxib cutan, queꞌxtau aran saꞌ li templo. Cꞌojcꞌo saꞌ xya̱nkeb li nequeꞌxnau chi us li cꞌaꞌru naxye saꞌ li chakꞌrab. Yo̱ chirabinquil li yo̱queb chixyebal ut yo̱ ajcuiꞌ chi patzꞌoc reheb.

San Lucas 5:17

Saꞌ jun li cutan nak li Jesús yo̱ chixchꞌolobanquil lix ya̱lal chiruheb li tenamit cuanqueb cuib oxib laj fariseo saꞌ xya̱nkeb. Ut cuanqueb ajcuiꞌ aj tzolol chakꞌrab. Queꞌchal chak saꞌ eb li naꞌajej Galilea, Judea ut Jerusalén. Ut li Jesús yo̱ chixqꞌuirtesinquileb li yaj riqꞌuin xcuanquil li Dios.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Hechos 4:15

Joꞌcan nak queꞌxtakla risinquil chirix cab laj Pedro ut laj Juan. Ut queꞌoc chixcꞌu̱banquil chi ribileb rib cꞌaꞌru teꞌxba̱nu riqꞌuineb.

Jeremías 26:16

Tojoꞌnak eb li cuanqueb xcuanquil ut eb li tenamit queꞌxye reheb laj tij ut reheb li profeta: —Incꞌaꞌ naru takateneb ca̱mc saꞌ xbe̱n li cui̱nk aꞌin. Saꞌ xcꞌabaꞌ li Ka̱cuaꞌ li kaDios x-a̱tinac kiqꞌuin, chanqueb.

Jeremías 26:17

Cuanqueb saꞌ xya̱nkeb li tenamit laj cꞌamol be li queꞌa̱tinac riqꞌuineb li chꞌutchꞌu̱queb aran.

Jeremías 36:25

Laj Elnatán, laj Delaía ut laj Gemarías queꞌxtzꞌa̱ma chiru li rey nak incꞌaꞌ tixcꞌat li hu. Abanan li rey incꞌaꞌ quirabi li cꞌaꞌru queꞌxye.

San Juan 3:10

Li Jesús quixye re: —La̱at aj tzolol reheb laj Israel ut incꞌaꞌ nacatau ru li yo̱quin chixyebal.

Hechos 5:21

Cuulajak chic nak toj ekꞌela queꞌco̱eb saꞌ li templo eb li apóstol ut queꞌoc chixchꞌolobanquil lix ya̱lal chiruheb li tenamit joꞌ quiyeheꞌ reheb xban li ángel. Saꞌ ajcuiꞌ li ekꞌela aꞌan queꞌcuulac li xbe̱nil aj tij rochbeneb chixjunileb li nequeꞌtenkꞌan re, ut queꞌxbokeb li jun chꞌol chic li nequeꞌcꞌamoc be chiruheb laj judío joꞌqueb ajcuiꞌ li nequeꞌtaklan saꞌ xbe̱neb. Ut queꞌxtakla xyebal re laj ilol tzꞌalam nak teꞌcꞌamekꞌ li apóstol riqꞌuineb.

Hechos 5:27

Queꞌcꞌameꞌ laj Pedro ut laj Juan ut queꞌxakaba̱c chiru li xyucuaꞌil aj tij ut chiruheb li cuanqueb rochben. Ut li xyucuaꞌil aj tij quia̱tinac riqꞌuineb ut quixye reheb:

Hechos 5:35

Ut quixye reheb: —Ex cui̱nk aj Israel, cꞌoxlahomak chi us cꞌaꞌru te̱ba̱nu riqꞌuineb li cui̱nk aꞌin.