Hechos 5:3 - Li Santil hu

³ Laj Pedro quixye re: —At Ananías, ¿cꞌaꞌut nak xaqꞌue a̱cuib chira̱le laj tza? ¿Cꞌaꞌut nak yo̱cat chixbalakꞌinquil li Santil Musikꞌej riqꞌuin nak yo̱cat chixcanabanquil yijach lix tzꞌak li chꞌochꞌ chokꞌ a̱cue?

Q'eqchi Bible

³ Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

Hechos 5:3 ပူးပေါင်းရင်းမြစ်များ

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

Isaías 29:15

Raylal ta̱cha̱lk saꞌ xbe̱neb li nequeꞌxcꞌoxla xba̱nunquil chi mukmu chiru li Ka̱cuaꞌ li cꞌaꞌru nequeꞌxcꞌu̱b ru xba̱nunquil. Nequeꞌxcꞌoxla nak ma̱ ani na-iloc reheb. Saꞌ xchꞌo̱leb aꞌan nak ma̱ ani nanaꞌoc re li cꞌaꞌru nequeꞌxba̱nu.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

Hechos 5:9

Ut laj Pedro quixye cuiꞌchic re: —¿Cꞌaꞌut nak xecꞌu̱b che̱ribil e̱rib xyalbal rix li Santil Musikꞌej? Cueꞌqueb chak li xeꞌmukuc chak re la̱ be̱lom ut tateꞌxcꞌam ajcuiꞌ la̱at, chan.

San Juan 13:27

Ut laj Judas quixcꞌul li caxlan cua ut saꞌ ajcuiꞌ li ho̱nal aꞌan quixkꞌaxtesi rib chixba̱nunquil li cꞌaꞌru naraj laj tza. Ut li Jesús quixye re: —Li cꞌaꞌru yo̱cat chixcꞌoxlanquil xba̱nunquil, ba̱nu chi junpa̱t, chan.

San Juan 13:2

Li Jesús yo̱ chi cuaꞌac rochbeneb lix tzolom. Laj tza ac xqꞌue saꞌ xchꞌo̱l laj Judas li ralal laj Simón Iscariote nak tixkꞌaxtesi li Jesús saꞌ rukꞌeb li xicꞌ nequeꞌiloc re.

Santiago 4:7

Joꞌcan nak chekꞌaxtesihak e̱rib re li Dios. Chexnumta̱k saꞌ xbe̱n laj tza ut aꞌan ta̱e̱lelik che̱ru.

Eclesiastés 5:4

Cui cꞌaꞌru te̱raj xyechiꞌinquil re li Dios, cheba̱nuhak chi junpa̱t xban nak li Dios incꞌaꞌ nacuulac chiru nak incꞌaꞌ nequeba̱nu li cꞌaꞌru nequeyechiꞌi re.

Li xHu LAJ JOB 22:13

¿Chanru nak ta̱ye la̱at nak li Dios incꞌaꞌ naxqꞌue retal li cꞌaꞌru na-uxman? La̱at nacacꞌoxla nak li Dios incꞌaꞌ naril li ma̱c li na-uxman chi mukmu.

Hechos 5:4

¿Cꞌaꞌut nak tat-oc xmukbal xtzꞌak la̱ chꞌochꞌ? ¿Ma ma̱cuaꞌ ta biꞌ a̱cue? Cui xacꞌayi la̱ chꞌochꞌ, ¿ma incꞌaꞌ ta biꞌ raj xru xcana chokꞌ a̱cue lix tzꞌak? Ma̱cuaꞌ chiku la̱o yo̱cat chi ticꞌtiꞌic. Chiru ban li Dios, chan.

Hechos 5:2

Ut queꞌxcꞌu̱b ru chi ribileb rib nak yijach lix tzꞌak li chꞌochꞌ ta̱cana̱k chokꞌ reheb. Ut li yijach chic quixcꞌam laj Ananías riqꞌuineb li apóstol ut quixye reheb: —Aꞌan aꞌin chixjunil lix tzꞌak li kachꞌochꞌ li xkacꞌayi, chan.

San Lucas 22:3

Laj Judas Iscariote jun reheb lix cablaju chi xtzolom li Jesús. Aꞌan quixqꞌue rib chi a̱le̱c xban laj tza.

Deuteronomio 23:21

Cui cuan li cꞌaꞌru te̱yechiꞌi re li Ka̱cuaꞌ le̱ Dios, mexbay chixqꞌuebal. Li Ka̱cuaꞌ tixcanab saꞌ e̱be̱n xtojbal ut cuan e̱ma̱c cui incꞌaꞌ nequetoj.

Números 30:2

Cui ani naxyechiꞌi re li Dios nak tixba̱nu li cꞌaꞌak re ru, malaj ut naxba̱nu li juramento, tento nak tixba̱nu li cꞌaꞌru quixyechiꞌi xba̱nunquil.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

Oseas 11:12

—Eb li ralal xcꞌajol laj Efraín junes ticꞌtiꞌic nequeꞌxba̱nu chicuu. Ut eb laj Israel junes balakꞌic nequeꞌxba̱nu. Ut eb laj Judá queꞌxkꞌetkꞌeti ribeb chicuu la̱in li tzꞌakal Dios ut yo̱queb chixqꞌuebal xlokꞌal li yi̱banbil dios.

Proverbios 20:25

Xiu xiu chokꞌ re junak cristian xyechiꞌinquil li cꞌaꞌak re ru re li Dios cui incꞌaꞌ tixcꞌoxla chi us xbe̱n cua. Ma̱re mokon tixqꞌue retal nak incꞌaꞌ ta̱ru̱k chixba̱nunquil.