Hechos 5:26 - Li Santil hu

²⁶ Co̱ ut li jun li nataklan saꞌ xbe̱neb li soldado rochbeneb lix takl. Ut queꞌxcꞌameb chak li apóstol saꞌ usilal xban nak queꞌxucuac. Queꞌxcꞌoxla nak ma̱re teꞌcutekꞌ chi pec xbaneb li tenamit.

Q'eqchi Bible

²⁶ Tikto koho laj jolominel reheb' laj k'aak'alenel rochb'eeneb' laj tenq' re, ut sa' usilal kixk'ameb' chaq li apóstol xb'aan xxiweb' chiruheb' li tenamit, re naq ink'a' te'teniiq chaq chi pek.

Hechos 5:26 ပူးပေါင်းရင်းမြစ်များ

Hechos 5:13

Usta eb li tenamit nequeꞌxqꞌue xlokꞌaleb laj pa̱banel, abanan nequeꞌxucuac chi xic saꞌ xya̱nkeb.

Hechos 4:21

Nak ac xeꞌxseꞌbesiheb riqꞌuin cacuil a̱tin, queꞌrachꞌabeb. Ma̱cꞌaꞌ queꞌru xba̱nunquil reheb xban nak chixjunileb li tenamit yo̱queb chixlokꞌoninquil li Dios riqꞌuin li cꞌaꞌru quicꞌulman.

Hechos 5:24

Nak queꞌrabi aꞌan, eb li xbe̱nil aj tij ut eb li nequeꞌtaklan saꞌ xbe̱neb li soldado li nequeꞌcꞌacꞌalen saꞌ li templo, queꞌsach xchꞌo̱leb ut queꞌoc chixcꞌoxlanquil cꞌaꞌru ta̱cana̱k cuiꞌ li yo̱ chi cꞌulma̱nc.

San Lucas 22:2

Eb lix be̱nil aj tij ut eb laj tzꞌi̱b yo̱queb chixsicꞌbal chanru nak ta̱ru̱k teꞌxcamsi li Jesús. Abanan yo̱queb xcꞌaꞌux xban nak incꞌaꞌ queꞌraj xchikꞌbal xjoskꞌileb li tenamit.

San Lucas 20:19

Eb laj tzꞌi̱b ut eb li xbe̱nil aj tij queꞌxtau ru nak reheb aꞌan quixye li jaljo̱quil ru a̱tin aꞌin ut queꞌraj raj xchapbal saꞌ li ho̱nal aꞌan. Abanan incꞌaꞌ queꞌru xban nak queꞌxucuac chiruheb li tenamit.

San Lucas 20:6

Ut cui takaye nak cui̱nk xtaklan chak re, chixjunileb li tenamit toeꞌxcamsi chi pec xban nak eb aꞌan nequeꞌxpa̱b nak laj Juan, aꞌan tzꞌakal profeta, chanqueb chi ribileb rib.

San Mateo 26:5

Ut queꞌxye chiribileb rib: —Incꞌaꞌ takachap li Jesús nak yo̱k li ninkꞌe xban nak teꞌpokꞌ li tenamit saꞌ kabe̱n ut teꞌoc chi pletic kiqꞌuin, chanqueb.

San Mateo 21:26

Ut cui takaye nak cui̱nk xtaklan chak re, teꞌpokꞌ li tenamit saꞌ kabe̱n ut xiu xiu chic cua̱nko xban nak chixjunileb nequeꞌyehoc re nak laj Juan, aꞌan tzꞌakal profeta.—

San Mateo 14:5

Joꞌcan nak laj Herodes quiraj raj xcamsinquil, aban quixucuac chiruheb li qꞌuila tenamit xban nak laj Juan profeta nak cuan chiruheb aꞌan.

San Mateo 26:58

Ut laj Pedro chi najt yo̱ chak chixta̱kenquil li Jesús ut quicuulac toj chi ruꞌuj neba̱l saꞌ rochoch lix yucuaꞌileb laj tij. Qui-oc aran ut quicꞌojla saꞌ xya̱nkeb laj cꞌacꞌalenel re nak ta̱ril cꞌaꞌru ta̱cana̱k cuiꞌ.

San Lucas 22:4

Co̱ riqꞌuineb li xbe̱nil aj tij ut riqꞌuineb li nequeꞌcꞌacꞌalen re li templo chixyebal reheb nak tixkꞌaxtesi li Jesús saꞌ rukꞌeb.

Hechos 5:22

Queꞌcuulac li takl saꞌ li tzꞌalam ut incꞌaꞌ chic queꞌtaꞌeꞌ li apóstol aran. Joꞌcan nak queꞌsukꞌi chixyebal resil ut queꞌxye:

Hechos 5:25

Quichal jun ut quixye reheb: —Eb li cui̱nk li queꞌqꞌueheꞌ saꞌ tzꞌalam ecue̱r cuanqueb saꞌ li templo ut yo̱queb chixchꞌolobanquil lix ya̱lal chiruheb li tenamit, chan.