Hechos 5:21 - Li Santil hu

²¹ Cuulajak chic nak toj ekꞌela queꞌco̱eb saꞌ li templo eb li apóstol ut queꞌoc chixchꞌolobanquil lix ya̱lal chiruheb li tenamit joꞌ quiyeheꞌ reheb xban li ángel. Saꞌ ajcuiꞌ li ekꞌela aꞌan queꞌcuulac li xbe̱nil aj tij rochbeneb chixjunileb li nequeꞌtenkꞌan re, ut queꞌxbokeb li jun chꞌol chic li nequeꞌcꞌamoc be chiruheb laj judío joꞌqueb ajcuiꞌ li nequeꞌtaklan saꞌ xbe̱neb. Ut queꞌxtakla xyebal re laj ilol tzꞌalam nak teꞌcꞌamekꞌ li apóstol riqꞌuineb.

Q'eqchi Bible

²¹ Eb' li apóstol ke'xpaab' a'an: toj hik'ho koxe'okaq sa' rochoch li Yos ut ke'xtikib' xtzolb'aleb' li tenamit. Naq kiwulak li xyuwa'il aj tij ut eb' li rochb'een, ke'xch'utub' li xninqaleb' ru aj raqol aatin ut chixjunil li xcheekel winqilaleb' laj Israel, ut ke'xtaqla xsik'b'aleb' sa' tz'alam re naq te'k'ame'q chaq.

Hechos 5:21 ပူးပေါင်းရင်းမြစ်များ

San Juan 8:2

Cuulajak chic nak toj ekꞌela co̱ cuiꞌchic saꞌ li templo. Li qꞌuila tenamit queꞌcuulac riqꞌuin. Ut nak quicꞌojla, qui-oc cuiꞌchic chixchꞌolobanquil lix ya̱lal chiruheb.

Hechos 22:15

La̱at ta̱ye reheb chixjunileb li cꞌaꞌru xacuabi ut li cꞌaꞌru xacuil.

Hechos 5:41

Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

Hechos 5:34

Abanan saꞌ xya̱nkeb aꞌan cuan jun aj fariseo aj Gamaliel xcꞌabaꞌ. Li cui̱nk aꞌan aj tzolol chakꞌrab ut naqꞌueheꞌ xcuanquil xbaneb li tenamit. Quixakli chiruheb ut quixtakla risinquileb li apóstol junpa̱t chirix cab.

Hechos 5:27

Queꞌcꞌameꞌ laj Pedro ut laj Juan ut queꞌxakaba̱c chiru li xyucuaꞌil aj tij ut chiruheb li cuanqueb rochben. Ut li xyucuaꞌil aj tij quia̱tinac riqꞌuineb ut quixye reheb:

Hechos 5:17

Ut li xyucuaꞌil aj tij ut eb laj saduceo li cuanqueb rochben, cꞌajoꞌ nak queꞌoc xcakalinquileb li apóstol.

San Juan 18:35

Laj Pilato quixye re: —¿Ma la̱in ta biꞌ aj judío? Eb la̱ cuech tenamitil rochbeneb li xbe̱nil aj tij, aꞌaneb li xeꞌkꞌaxtesin a̱cue saꞌ cuukꞌ. Ye cue cꞌaꞌru a̱ma̱c, chan.

San Lucas 22:66

Nak quicutanoꞌ, queꞌxchꞌutub ribeb li nequeꞌcꞌamoc be saꞌ xya̱nkeb li tenamit ut eb li xbe̱nil aj tij joꞌ eb ajcuiꞌ laj tzꞌi̱b. Ut queꞌxcꞌam li Jesús riqꞌuineb li nequeꞌtaklan saꞌ xbe̱neb laj judío. Ut queꞌxye re:

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

Salmos 105:22

Eb li nequeꞌcꞌanjelac chiru li rey queꞌcanaba̱c rubel xcuanquil laj José. Ut eb laj qꞌuehol xnaꞌleb li rey queꞌqꞌueheꞌ xnaꞌlebeb xban laj José.

Hechos 22:5

Li xbe̱nil aj tij, joꞌ ajcuiꞌ eb li nequeꞌtaklan saꞌ xya̱nkeb laj judío, nequeꞌxnau nak tzꞌakal ya̱l li yo̱quin chixyebal. Eb aꞌan queꞌxqꞌue jun li hu cue retalil nak queꞌxqꞌue inlese̱ns chixchapbaleb laj pa̱banel li cuanqueb Damasco, ut tincꞌameb chak chi pre̱xil arin Jerusalén re teꞌrahobtesi̱k, chan.