Hechos 5:12 - Li Santil hu

¹² Rajlal nequeꞌxchꞌutub ribeb saꞌ xmu li templo chixjunileb laj pa̱banel cuan cuiꞌ li oqueba̱l Salomón xcꞌabaꞌ. Nabal li milagro queꞌxba̱nu eb li apóstol ut nabal li sachba chꞌo̱lej.

Q'eqchi Bible

¹² Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón,

Hechos 5:12 ပူးပေါင်းရင်းမြစ်များ

Hechos 19:11

Ut li Ka̱cuaꞌ Dios quixqꞌue xcuanquil laj Pablo chixba̱nunquil li sachba chꞌo̱lej.

2 Corintios 12:12

Nak cuanquin e̱riqꞌuin nabal quincuy ut riqꞌuin xcuanquil li Dios quilajinba̱nu li milagro ut li sachba chꞌo̱lej li nacꞌutuc re nak la̱in tzꞌakal apóstol.

Hebreos 2:4

Li Dios quixcꞌut chiku nak tzꞌakal ya̱l aꞌan riqꞌuineb li retalil ut li milagro li quilajxba̱nu riqꞌuin lix nimal xcuanquilal. Ut naxcꞌut ajcuiꞌ chiku nak ya̱l xban nak naxqꞌue li Santil Musikꞌej reheb li junju̱nk. Joꞌcan nak ac xma̱tan xma̱tan li junju̱nk joꞌ naraj li Dios.

Hechos 14:3

Abanan laj Pablo ut laj Bernabé najt queꞌcana aran. Ut xban nak cauheb xchꞌo̱l riqꞌuin li Ka̱cuaꞌ queꞌxchꞌolob xya̱lal li rusilal li Dios. Ut li Ka̱cuaꞌ yo̱ chixqꞌuebal xcuanquil li ra̱tineb xban nak yo̱ chixtenkꞌanquileb chixba̱nunquil li milagros ut li sachba chꞌo̱lej.

Romanos 15:19

Xinjultica resil li Jesucristo chiruheb riqꞌuin li milagros ut li sachba chꞌo̱lej ut riqꞌuin xcuanquil li Santil Musikꞌej. Yalak bar quinbeni xyebal resil li colba-ib. Quintiquib Jerusalén, ut quinsuti chixjunileb li naꞌajej toj retal quincuulac Ilírico.

Hechos 3:11

Ut li cui̱nk li quiqꞌuirtesi̱c incꞌaꞌ quiraj xcanabanquil rib riqꞌuineb laj Pedro ut laj Juan. Yo̱ chi be̱c rochbeneb. Ut chixjunileb sachso̱queb xchꞌo̱l chirilbal li quicꞌulman. Queꞌco̱eb saꞌ a̱nil saꞌ li templo ut queꞌxchꞌutub ribeb saꞌ li oqueba̱l Salomón xcꞌabaꞌ, cuanqueb cuiꞌ laj Pedro ut laj Juan.

San Juan 10:23

Ut li Jesús yo̱ chi be̱c saꞌ li templo bar cuan cuiꞌ li oqueba̱l Salomón xcꞌabaꞌ.

Hechos 4:30

Ut riqꞌuin taxak xnimal la̱ cuanquil, ta̱qꞌuirtesiheb li yaj ut chaba̱nu li sachba chꞌo̱lej ut milagro saꞌ xcꞌabaꞌ li Jesús la̱ Santil Alal, chanqueb saꞌ lix tijeb.

Hechos 1:14

Chixjunileb aꞌan yo̱queb chi tijoc chi junajeb xchꞌo̱l rochbeneb li ri̱tzꞌin li Jesús ut lix María lix naꞌ. Ut cuanqueb ajcuiꞌ ixk yo̱queb chi tijoc rochbeneb.

San Marcos 16:20

Ut eb lix tzolom queꞌco̱eb saꞌ chixjunil li naꞌajej chixchꞌolobanquil xya̱lal li colba-ib. Ut li Ka̱cuaꞌ yo̱ chi tenkꞌa̱nc reheb. Ut qꞌuebil xcuanquil li ra̱tineb xban li Dios riqꞌuin li milagro quilajeꞌxba̱nu chiruheb li tenamit. Joꞌcan taxak.

Hechos 16:18

Nabal cutan quixba̱nu chi joꞌcan. Nak ac xtitzꞌ chirabinquil, laj Pablo quixxakab rib, ut quiril li xkaꞌal, ut quixye re li ma̱us aj musikꞌej: —Saꞌ xcꞌabaꞌ li Ka̱cuaꞌ Jesucristo, tinye a̱cue: Elen riqꞌuin li xkaꞌal aꞌin, chan. Ut saꞌ ajcuiꞌ li ho̱nal aꞌan, li ma̱us aj musikꞌej qui-el riqꞌuin.

Hechos 9:40

Laj Pedro quirisiheb chirix cab. Quixcuikꞌib rib ut qui-oc chi tijoc. Ut quiril li camenak ut quixye re: —Tabita, cuaclin, chan. Ut li ixk quixte li xnakꞌ ru, ut nak quiril ru laj Pedro, quicꞌojla.

Hechos 9:33

Aran quixtau jun li cui̱nk aj Eneas xcꞌabaꞌ. Cuakxakib chihab roquic lix yajel ut incꞌaꞌ chic nacuacli. Sic li rok rukꞌ.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

Jeremías 26:9

¿Cꞌaꞌut nak nacaye saꞌ xcꞌabaꞌ li Ka̱cuaꞌ nak li cab aꞌin ta̱cana̱k joꞌ Silo? Ut, ¿cꞌaꞌut nak nacaye nak li tenamit aꞌin ta̱cana̱k chi ma̱cꞌaꞌ chic cuan chi saꞌ? chanqueb. Ut chixjunileb li tenamit queꞌjoskꞌoꞌ saꞌ xbe̱n laj Jeremías saꞌ lix templo li Ka̱cuaꞌ.

San Juan 4:48

Li Jesús quixye re li cui̱nk: —La̱ex incꞌaꞌ nequepa̱b nak li Dios quitaklan chak cue cui incꞌaꞌ tincꞌut junak milagro che̱ru retalil nak cuan incuanquil, chan.

Hechos 28:9

Nak queꞌrabi resil nak ac xqꞌuirtesi̱c lix yucuaꞌ laj Publio, nabaleb li yaj li cuanqueb saꞌ li naꞌajej aꞌan, queꞌcuulac riqꞌuin laj Pablo ut queꞌqꞌuirtesi̱c.