Hechos 4:36 - Li Santil hu

³⁶ Quicuan jun li cui̱nk aj José xcꞌabaꞌ. Eb li apóstol queꞌxqꞌue Bernabé chokꞌ xcab xcꞌabaꞌ. Chi jalbil ru naraj naxye “Aj Cꞌojobanel Chꞌo̱lej”. Aꞌan xcomoneb li nequeꞌtenkꞌan reheb laj tij. Chipre xtenamit.

Q'eqchi Bible

³⁶ Laj José (aj Bernabé nayeemank re xb'aaneb' li apóstol; chi jalb'il ru naraj naxye: “aj k'ehol kawil ch'oolej”), xkomoneb' laj Leví, Chipre xtenamit,

Hechos 4:36 ပူးပေါင်းရင်းမြစ်များ

Gálatas 2:13

Eb laj pa̱banel aj judío queꞌoc chixba̱nunquil li caꞌ pacꞌalil naꞌleb li quixba̱nu laj Pedro toj retal nak qui-oc ajcuiꞌ chixba̱nunquil laj Bernabé xban nak joꞌcan quicꞌameꞌ cuiꞌ xbe xbaneb.

Gálatas 2:9

Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

Gálatas 2:1

Mokon chic nak ac xnumeꞌ ca̱laju chihab, co̱in cuiꞌchic Jerusalén cuochben laj Bernabé. Ut kacꞌam laj Tito chikix.

Hechos 15:39

Queꞌxcuechꞌi ribeb laj Pablo ut laj Bernabé ut queꞌxcanab ribeb. Laj Bernabé co̱ aran Chipre chiru haꞌ ut quixcꞌam laj Juan Marcos chirix.

1 Corintios 9:6

Malaj ut nequecꞌoxla nak caꞌaj cuiꞌ la̱in ut laj Bernabé cau totrabajik re nak takasicꞌ katzacae̱mk.

Hechos 21:16

Cuanqueb aj pa̱banel aj Cesarea co̱eb chikix. Quikacꞌameb saꞌ li rochoch laj Mnasón Chipre xtenamit. Ac najter aj pa̱banel. Ut aran cohilan.

Hechos 15:37

Ut laj Bernabé quiraj raj xcꞌambal chirixeb laj Juan li nequeꞌxye ajcuiꞌ Marcos re.

Hechos 12:25

Queꞌsukꞌi chak Jerusalén laj Bernabé ut laj Saulo nak ac queꞌxba̱nu lix cꞌanjeleb. Queꞌxcꞌam chirixeb laj Juan, li nequeꞌxye ajcuiꞌ Marcos re.

Hechos 11:30

Ut joꞌcan queꞌxba̱nu. Queꞌxtakla lix tenkꞌal chirixeb laj Bernabé ut laj Saulo re nak teꞌxkꞌaxtesi saꞌ rukꞌeb li nequeꞌcꞌamoc be saꞌ xya̱nkeb laj pa̱banel li cuanqueb Judea.

Hechos 15:12

Queꞌxcanab a̱tinac chixjunileb li chꞌutchꞌu̱queb aran ut queꞌoc chirabinquil nak laj Pablo ut laj Bernabé yo̱queb chixserakꞌinquil chanru nak li Dios quixtenkꞌaheb chixba̱nunquil li milagro ut li sachba chꞌo̱lej saꞌ xya̱nkeb li ma̱cuaꞌeb aj judío.

Hechos 15:2

Riqꞌuin aꞌan queꞌxtiquib xcuechꞌinquil ribeb riqꞌuin laj Pablo ut laj Bernabé chirix li naꞌleb aꞌin. Ut queꞌxcꞌu̱b ru nak laj Pablo ut laj Bernabé teꞌxic Jerusalén chixpatzꞌbal reheb li apóstol ut reheb laj cꞌamol be ma tento nak teꞌxcꞌul li circuncisión re nak teꞌcolekꞌ. Cuanqueb ajcuiꞌ cuib oxib laj pa̱banel co̱eb chirixeb.

Hechos 9:27

Ut laj Bernabé quixcꞌam laj Saulo riqꞌuineb li apóstol ut quixserakꞌi reheb chanru nak quiril ru li Ka̱cuaꞌ saꞌ li be ut quixye ajcuiꞌ reheb chanru nak quixchꞌolob xya̱lal li Jesucristo chi cau xchꞌo̱l aran Damasco.

San Marcos 3:17

ut laj Jacobo ut laj Juan. Lix yucuaꞌeb aꞌan, aꞌan laj Zebedeo. Aj Boanerges quiqꞌueheꞌ chokꞌ xcꞌabaꞌeb xban li Jesús. Li cꞌabaꞌej aꞌan naraj naxye “Ralaleb li Ca̱k”.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Hechos 13:2

Nak yo̱queb chi tijoc chiru li Dios ut chi ayunic, li Santil Musikꞌej quixye reheb: —Qꞌuehomakeb xjuneseb laj Saulo ut laj Bernabé re nak teꞌxba̱nu li cꞌanjel aꞌin li sicꞌbileb cuiꞌ ru inban, chan.

Hechos 13:4

Laj Saulo ut laj Bernabé queꞌco̱eb Seleucia joꞌ quiyeheꞌ reheb xban li Santil Musikꞌej. Queꞌel aran ut queꞌco̱eb chiru haꞌ toj Chipre.

Hechos 13:15

Eb laj cꞌamol be queꞌril xsaꞌ li chakꞌrab ut queꞌril ajcuiꞌ xsaꞌ li hu li queꞌxtzꞌi̱ba li profeta. Ut chirix aꞌan queꞌxye re laj Pablo: —Ex kas ki̱tzꞌin, cui cuan li cꞌaꞌru te̱ye re xqꞌuebal xcacuil xchꞌo̱leb li tenamit, takaj rabinquil anakcuan, chanqueb.

Hechos 21:3

Nak yo̱co chi xic Siria conumeꞌ saꞌ xjayal li tenamit Chipre, li nacana saꞌ katzꞌe. Chirix chic aꞌan cocuulac Tiro ut aran quicanaban i̱k li jucub.

Hechos 27:4

Co-el aran Sidón saꞌ li jucub. Nak yo̱co chi xic, coxonumekꞌ nachꞌ riqꞌuin Chipre xban nak chiku yo̱ chi cha̱lc li ikꞌ.

1 Corintios 14:3

Ut li ani naxye resil li nacꞌuteꞌ chiru xban li Dios, li jun aꞌan naxtenkꞌaheb li rech aj pa̱banelil saꞌ lix pa̱ba̱leb. Naxchꞌolob xya̱lal chiruheb ut naxcꞌojobeb xchꞌo̱l.

Colosenses 4:10

Laj Aristarco li cuochben nak cuanco saꞌ tzꞌalam naxtakla ajcuiꞌ xsahil e̱chꞌo̱l. Naxtakla ajcuiꞌ xsahil e̱chꞌo̱l laj Marcos li rechꞌalal laj Bernabé. Ac xintakla xyebal e̱re nak ta̱cuulak laj Marcos e̱riqꞌuin. Nak ta̱cuulak e̱riqꞌuin, checꞌulak saꞌ xya̱lal chi sa saꞌ e̱chꞌo̱l.